Job 4:11 - Chuj San Sebastian Bible

¹¹ Man̈xtzac 'ilchj tas tzc'ux no', yuj wejel tzcham no', ax e no cotc león, toxn̈ej tzsactzic can 'at e no'.

Chuj San Mateo Bible

¹¹ Maxtzac yal-laj sva noc', scham noc' yuj vejel, axo noc' yunetac, toxon̈ej saclemcanb'at noc'. Icha chi' tz'aj eb' chuc chi' yuj Dios.

Job 4:11 ပူးပေါင်းရင်းမြစ်များ

Gn 49:9

Lajn ach wal 'icha junc no quelm león; a yic tzlajw schin 'ejm junc yit noc'al tzmeltzj pax 'a sn̈aq'ue'en. 'Icha junc no niwquil león, tz'em lachan, tzlaj 'ec' pun̈n 'a sat lu'um. ¿Mach wal junc tzte'wtzej sb'a stzuntzni?

Job 1:19

axn wal cha, xjaw jun niwquil 'ic' xcot 'a lum cusltac lu'um. 'Ix sma'n 'ejm lan̈chjoc te n̈a chi 'a yib'n̈ eb' onnal cha, 'ix cham eb' smasnil. Cojxn̈ej in 'elcni yic tzwul walnc ab'i', xchi winac.

Job 20:10

A tas 'elc'b'il yuj eb', a yunnal eb' 'oj 'a'nc meltzjoc 'a eb' meb'a'.

Job 29:17

Xwij 'el yopiso eb' 'ixtm 'anma', xin coln eb' 'aych 'a yol sc'ab' eb'.

Job 38:39

¿Ach am tza say schib'j yune no nun león tzchi'a, sec tzb'utj e no cotc cha,

Job 5:15

A Dios, a tzcoln eb' 'oltac tz'aj yixtx yuj eb' maysch'olnil snab'en, a tzcoln 'el eb' 'a yol sc'ab' eb' 'ixtm 'anma'.

Job 5:4

Ax yunnal eb', man̈x 'a mach tzcolwj 'a eb'; a yic tzc'och eb' 'a sat eb' yajal, caw wal man̈x 'a yel'ch tz'aj eb' ta', man̈x 'a mach tzcoln eb'.

Salmos 34:10

A no león tz'el yip no yuj wejel, palta ax eb' 'anma tzyij 'ejm sb'a 'a Jehová, may xon b'a'n̈ tzyac' palta tas 'ay tz'och yuj eb'.

Salmos 34:11

Ex 'unin cotn̈ec 'ayin, 'ab'xnan̈c 'a tas 'oj wala'. 'Oj ex in cuy 'a tas tzeyutj eya'n 'och e nab'en 'a Dios.

Salmos 7:2

Yujto lajn eb' 'icha no león yic ch'iychtan no schib'ej. Comnoc matz in ac' sch'iychtoc 'at eb', yujto may junc xo mach tztac' in scolni.

Jeremías 4:7

'Icha tz'aj yelt no león 'a 'aj 'ay swaynub', 'ixta tz'aj scot eb' 'oj wul satnc 'el jun tzo'n̈ nacion̈ tic. Tox 'ix 'elt eb' 'a yol schon̈ab', yic tzwul satxoc 'el e chon̈b' yuj eb'. Caw 'oj sma'cn 'ejm lan̈chjoc eb', man̈x 'a xon junc mach 'oj can cajn 'a 'a, xchi Dios.

Os 11:10

'Oj 'ochx tza'n eb' in chon̈b' wu'uj, ax yel waw 'icha no león. Yuj tz'el waw cha, ax scot eb' wunnal 'a 'aj tz'em c'u, caw wal tz'ib'x eb' yuj xiwlal ax sjaw eb' 'ayin.

Nm 23:24

A jun chon̈b' tic, caw wal tzyij chan̈ sb'a 'icha junc no león caw 'ay smay, matz 'ilj xon jab'oc, masnto tzyil yi'n schib'j cha, tzle'n 'ejm can schic'l tas tzmil cha, xchi Balaam.

Nm 24:9

Lajn 'icha junc no león pun̈n 'ejm swayi: Toc 'ay mach tztac' stzuntzni. Alx cab' wach' paxti 'a yib'n̈ mach tzaln wach' paxti 'a eb' israel, ax mach tzaln tu paxti 'a yib'n̈ eb', catb'tzax cab' cani, xchi Balaam.

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.