Job 38:19 - Chuj San Sebastian Bible

¹⁹ ¿Ojc ama 'ajtil molb'il sacq'uinal yet' q'uic'q'uinal?

Chuj San Mateo Bible

¹⁹ ¿Ojtac ama b'ajtil scot saquilq'uinal yed' q'uic'alq'uinal?

Job 38:19 ပူးပေါင်းရင်းမြစ်များ

Job 26:10

A x'a'n 'ejm yechl snan̈l a mar, atn chi tz'och smacloc snan̈l sacq'uinal yet' q'uic'q'uinal.

Job 38:18

¿Ojc ama jantc yechl slewnal sat lum lu'um? Toto yel niwn tas ojtac, al 'ayn cab'noc.

Job 38:20

¿Tzam stac' e'n 'at sacq'uinl chi 'a 'aj tzlajw c'ochi, tzlajw cha, tze'n pax meltzjoc 'a yet'l chi jun 'ejm xo?

Salmos 104:20

Tza'n jawc q'uic'q'uinl 'a 'ac'wal, ax 'ac'wl cha, a tzpechn 'elt e no calte'al noc'.

Salmos 105:28

'Ix ya' cot Dios jun niwquil q'uic'q'uinl 'a yib'n̈ eb' 'anma smasnil, palta ma'ix schaj eb' 'aj Egipto chi yab' tas xyal cha.

Salmos 18:11

Ax q'uic'q'uinal, a x'och en̈loc, 'ix a c'ub'j 'el a b'a 'a scal q'uic' 'asn 'aych yalil.

Is 45:7

An in b'ojnac sacq'uinal yet' q'uic'q'uinal, an tzwac' junc'ojlal, tzwa'n pax yailal. An Jehová in, an tzin b'o smasnil jun tzo'n̈ tic.

Jeremías 13:16

A tze na'a, to 'oj jawc sacq'uinal, palta to 'oj wach' q'uic'b'oc si'mb'il yu'uj. Yuj cha, meltzjan̈c 'a Jehová qui Diosalec, tzeyaln q'uet e mul, ya' sb'a mantzac ex telw 'a lum tzalctac yuj q'uic'q'uinl 'oj ya' coti.

Ez 32:8

An Jehová in, an tzwala. A mulojoc, ax in tupn sc'a'l jun tzo'n̈ tas tzyac' sacq'uinlal 'a satcha'an̈, ax yoch q'uic'q'uinl 'a yol a chon̈ab'.

Am 4:13

'In an b'ojnac eb' lum niwc witz, yet' pax 'ic'. Tzwac' yojcoc 'el eb' 'anma cha tas nab'il wu'uj. An tzin jelmtej 'och sacq'uinl 'a q'uic'q'uinlal, tzin 'ec' pax 'a caw schan̈il yib'n̈ lum lum tic. Jehová Dios tztac' yuj smasnil, 'ixta yalx in b'i, xchi Dios.

Mt 27:45

Ax 'a chimc'ual, 'ix 'och q'uiq'uinl 'a smasnil yolyib'n̈q'uinal, masnto 'a las tres.

Jn 1:9

A jun caw yel sacq'uinl yic Dios, wulnc 'ec' 'a yolyib'n̈q'uinl tic. A tz'a'n sacq'uinl 'a spixn smasnil 'anma'.

Jn 8:12

'Ix yaln pax Jesús 'ixtc 'a scal eb' 'anma cha: —An tic, 'icha sacq'uinl waj 'a eb' 'anma 'ay 'a yolyib'n̈q'uinl tic. A eb' tz'och in cuywumoc, 'oj wac' sacq'uinl 'a spixn eb'. Yuj jun sacq'uinl cha, 'oj scha eb' sq'uinl 'a jun 'ejmn̈ej. Man̈x 'oj b'ey eb' 'a scal q'uic'q'uinal, xchi Jesús.

Dt 4:19

A yic tzex q'ue q'ueln 'a satcha'an̈, tzeyiln q'ue c'u, 'uj, c'anal yet' smasnil tas 'ay 'a satchan̈ cha, xeya't wal somchjoc e nab'en yic tzeyaln e b'a 'a jun tzo'n̈ cha, yujto a Jehová qui Diosalec, a b'ojnac jun tzo'n̈ cha, sec tz'och swach'loc smasnil chon̈b' 'ay 'a sat lum lum tic.