Job 38:11 - Chuj San Sebastian Bible

¹¹ Xlajw cha, xwaln 'a a 'ixtic: Cojn 'a tic tzach jawi, man̈x 'oj stac' a c'axw 'ec' 'a cha; a 'a tic 'oj a jaw pawnjoc, xin chi 'a a'.

Chuj San Mateo Bible

¹¹ Ix valan d'a a' icha tic: An̈ej d'a tic tzach javican c'aman, maxtzac yal ec' d'a tic, an̈ej d'a tic ol ach ja pon̈najoc, xin chi d'a a'.

Job 38:11 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 13:28

Xlajw cha, x'at winac, 'ix c'och win 'aj t'ocn 'ec' jun niwnal cha, ax no b'uru yet' no león cha, 'ayc' e no 'a stz'ey jun niwnal cha. A no león cha, mant 'a jac jun niwnal chi tox 'ix schi no', may pax 'ix yutj no b'uru cha.

Job 1:22

Wach'xam niwn tas x'ec' 'a yib'n̈ Job, palta may tas tu 'ix yal 'a spatc Dios.

Job 2:6

'Ix yaln Jehová 'ixtc 'a winac: —'Ixta cab' tz'aj 'an. 'Ilto tas tzotj a b'a yet' sniwnal winac, cojn b'i'an may aln ec a milni, xchi Dios 'a winac.

Job 26:10

A x'a'n 'ejm yechl snan̈l a mar, atn chi tz'och smacloc snan̈l sacq'uinal yet' q'uic'q'uinal.

Job 38:10

An 'ix wa'cn 'ejm smon̈jonal a mar chi 'aj tzc'ochi, xwa'n can 'och syaweal spuertail a'.

Job 38:12

¿'Ayxam 'aj 'ix al 'a sacl yib'cha'an̈, to tz'el 'a yet'ul yic tzsacb' pax 'a junx c'u cha?

Salmos 104:9

Xac' 'ejm yechl 'aj xcan a', sec man̈xtzac c'axw 'e't a 'a sat lum lum tic jun 'ejm xo.

Salmos 124:5

'Icha a 'elmal a cha, 'ixta am x'aj eb' yec' 'a quib'n̈ec, xqui chiec.

Salmos 76:10

A yowl sc'ojl eb' 'anma', 'oj 'a'nc niwtjoc a b'inab'il, ax jaywn̈ocx eb' ma'oj cham 'a owal, 'icha to 'oj 'och eb' elwnub'loc.

Salmos 89:9

Ach tza tench wan a mar yic tzowx chan̈ a', sictac tz'aj a o'oj.

Pr 8:29

yic xyaln can 'a a mar cha, chajtlto matz 'el a 'a smon̈jonal, yic xya'n can 'och sb'achnub'al yaln̈ lum lum tic, 'ayc' xon jun jelnal cha.

Is 27:8

A Dios 'ix ya'ch yailal 'a yib'n̈ schon̈ab', atn 'a yic yijx 'at eb' 'icha presoal. 'Icha wal tz'aj yutz'x 'at junc tas yuj 'ic' tzcot 'a 'aj tzq'uel c'u, 'ixta wal 'ajnc yijx 'at eb'.

Jeremías 5:22

An Jehová in, an tzwala: Ax tic, caw may jac wel'ch 'a e sat, matz ex xiw xon jac 'ayin. An in b'ojnac 'ejm q'uen arena smacnb'ilc stitc a mar, sec matz 'e't a 'a yib'n̈ q'ue'en. Wach'xam caw ow sq'ue wan chel-loc a', wach'xam caw ow yib'x sat a', palta matz 'ec' a 'a yib'n̈ jun cha. Wach'xam 'ixta in yet' in poder, palta caw matz ex xiw jac 'ayin.