Job 37:1 - Chuj San Sebastian Bible

¹ A yic tzwiln sjaw junc 'ic'n̈ab', caw wal tzin xiwi, ax in pixan, toxn̈ej tztin̈tin̈n yib'xi, 'icha to tzjul 'elt sb'a tzwab'i.

Chuj San Mateo Bible

¹ A svilan nivac ic'n̈ab' chi', ste ib'xiq'ue in pixan yuj xivelal, ichato sq'ueta svab'i.

Job 37:1 ပူးပေါင်းရင်းမြစ်များ

Job 21:6

A yic tzin nan cot jun tzo'n̈ cha, caw tzin xiw chan̈ yu'uj, tzchinchni in niwnal xiwi.

Job 36:33

Toto tzc'an̈ c'u, tzyal 'el'chi to wan ya'n n̈ab', 'intax no cajb'en noc', yojc no' to jab'xoj ya'n n̈ab' cha.

Job 37:2

'Ab'tec wal sc'an̈ c'u, a jun cha yol sjaj Dios. A 'a yol sti tz'elt jun tzc'an̈ cha.

Job 38:1

Xlajw cha, 'ix paxtin Jehová 'a win Job 'a scal jun chacxuxm'ic', 'ix yaln 'ixtic:

Job 4:14

'Ix jaw wal jun niwquil xiwc'ojlal 'ayin, 'ix 'ib'x chan̈ smasnil in niwnal.

Salmos 119:120

Mamin, a 'in niwnal tic, tz'ib'x yuj xiwlal 'a ojltac, yujto caw niwn yel'ch a ley 'a in sat.

Salmos 89:7

Dios ach ton Mamin, caw niwn el'chi, 'ay smay a b'inaxi, oyn 'och eb' ángel 'a a tz'ey.

Ex 19:16

Ax yic sacb' 'el 'a schab'jil cha, caw tz'ec' letz'lo'om, tzc'an̈ pax c'u, 'ay jun niwquil q'uic' 'asn x'och 'a sjolm lum witz cha. Ax xyab'n eb' caw 'ip 'ix 'oc' jun q'uen trompeta 'a sjolm lum witz cha, smasnil eb' 'anma 'ayc' 'a yol smantiado, caw 'ix xiw eb'.

Jeremías 5:22

An Jehová in, an tzwala: Ax tic, caw may jac wel'ch 'a e sat, matz ex xiw xon jac 'ayin. An in b'ojnac 'ejm q'uen arena smacnb'ilc stitc a mar, sec matz 'e't a 'a yib'n̈ q'ue'en. Wach'xam caw ow sq'ue wan chel-loc a', wach'xam caw ow yib'x sat a', palta matz 'ec' a 'a yib'n̈ jun cha. Wach'xam 'ixta in yet' in poder, palta caw matz ex xiw jac 'ayin.

Habacuc 3:16

A yic xwab'n smasnil tas 'oj jawc 'a quib'n̈ chi 'on̈, caw in xiw cha'an̈. 'Ix 'ib'x chan̈ in ti'. Smasnil in niwnal, caw man̈x 'a yip, tzanxn̈ej 'aj in telwi. Wach'xam 'ixta 'oj 'ajoc, palta caw junc'ojlaln̈ej waj in tan̈wni jun c'ual yic 'oj jawc yailal oj 'a yib'n̈ eb' tz'a'n owl quet' on̈.

A Tas Sc'ulejnac Eb' Schecab' Jesús Hechos 16:26

Ax 'a chim'ac'wl cha, 'ix 'ec' wal jun niwquil quixcab', caw ow x'eq'ui. C'uxn x'ib'x yipnub'al yich te preso cha. Yajn̈j wal cha, mun xjacw spuertail te preso chi smasnil. Ax q'uen cadena 'aych 'a eb' preso cha, c'uxn x'el lan̈njoc q'uen smasnil.

A Tas Sc'ulejnac Eb' Schecab' Jesús Hechos 16:29

Yuj cha, 'ix sc'ann cot win staj. 'Ix 'ochch win 'a 'aj 'ay eb' cha. Caw x'ib'x chan̈ win yuj xiwlal. 'Ix 'em cumn win 'a yojltac Pablo yet' Silas.

Dt 33:22

'Ix yaln 'ixtc 'a yib'n̈ eb' yin̈tl Dan: A eb' yin̈tl Dan tic, lajn wal eb' 'icha junc no quelm león xb'at'j cot 'a lum Basán, xchi.