Job 32:2 - Chuj San Sebastian Bible

² Palta 'ay junx quelm winc 'ayc' yet' eb', 'aj chon̈b' Buz, Eliú sb'i, yunnal Baraquel yic eb' yin̈tl can Ram. Caw wal man̈x 'ic techj syamn 'och wan sb'a scot yowl 'a Job, yujto an̈ja yaln Job chi wach'l sb'a, yic tzya'n can 'at jun tzo'n̈ chi 'a yib'n̈ Dios.

Chuj San Mateo Bible

² Palta a d'a scal eb' vin̈ ay jun vin̈ vinac aj chon̈ab' Buz, Eliú sb'i vin̈, yuninal vin̈ vin̈aj Baraquel yin̈tilal vin̈aj Ram. Majxo techaj yuj vin̈ scot yoval d'a vin̈aj Job chi', yujto stec'b'ej sb'a vin̈ yalani to malaj smul vin̈, syac'ancanb'at vin̈ d'a yib'an̈ Dios.

Job 32:2 ပူးပေါင်းရင်းမြစ်များ

Gn 22:21

Uz sb'i win b'ab'l 'unin, Buz sb'i win schab'il, Kemuel sb'i win yoxil, atn win smam win Aram.

Job 10:3

'In ach b'ojnac in, tzlajw cha tzin a patquiln can 'eli, ¿tom wach' tzab'i yic tzin a chacn 'eli, ax yet' eb' maysch'olnil tzach colwji?

Job 15:5

A tas tzal yet' a ti', a tzch'oxn 'el a paltail, yujto tza nib'j tzon̈ cob' extj paxti 'on̈.

Job 22:5

palta yel xo wal niwn a mul 'a sat, man̈x alchjb'enoc a mul cha.

Job 27:2

Tzwac' in ti 'a sat Dios tztac' yuj smasnil, jun matz in b'onyaji, to a tzin 'a'n cusoc,

Job 27:5

Ya' sb'a pitzn in to, may b'a'n̈ 'oj wala' to yel tas tzeyala; ma'oj in chach 'a wib'an̈ to yuj in mul 'ixta tzin 'aji.

Job 27:6

An tic, ma'oj wactc walni to tojl in nab'en, yujto wojc si'mb'il to may in mul.

Job 30:21

Tu tzotj a nab'en 'ayin, tzin a pech b'ey yet' yowl a c'ojol.

Job 32:3

'Ix cot pax yowl 'a eb' 'oxwn̈ swach'c'ojl Job cha, yujto ma'ix nachj 'el yuj eb' tas 'ix yutj eb' ya'n spac spaxti', palta an̈ja 'ix yaln̈j eb' to caw 'ay smul winac.

Job 33:8

Coyn wal 'ixtc 'ix otj aln xwab'i:

Job 35:2

¿Tom wach' tza na'a, yic cob' 'ix alni to may a mul, sec tzyal am Dios chi a nani to may a mul cha?

Job 40:8

¿An̈ja am tza te'wtzej a b'a alni to man̈ tojloc tzwutj ach in b'onyaji, yujto may a mul 'a tzotj alni?

Salmos 69:9

Caw pitz'n 'och 'a in c'ojl in ya'iln atut, a wal yic tzb'uchwj eb' 'anma 'ayach, caw locn in tzwab' syail.

Mr 3:5

'Ix 'ec' q'uel-loc Jesús 'a eb', 'ix cot yowal, 'ix cus pax cha'an̈, yujto caw pit eb', 'ix yaln 'a win 'ixtic: —'A' cot a c'ab', xchi. 'Ix ya'n 'at win sc'ab' 'a 'a, 'ixta to b'i'an, 'ix b'ox cani.

Lc 10:29

Palta ax winac, ton̈j tznib'j win scol sb'a, yuj cha, xyaln pax win 'ixtc 'a Jesús: —¿Palta mach eb' wit 'anmal chi tzyal cha? xchi win 'a 'a.

Ef 4:26

Toto 'ay 'aj tzlaj cot eyowal, man̈ e b'o junc maysch'olnil yuj jun eyowl cha. Matz tac' an̈j 'ijnoc 'ay cot eyowal tz'ejm c'u.