Job 31:9 - Chuj San Sebastian Bible

⁹ Q'uinloc 'ay 'aj xwixtj paxti junc 'ix 'ix, mto 'ay 'aj xin mac yel-l yistzil junc wit wincal 'a sti yatut,

Chuj San Mateo Bible

⁹ Q'uinaloc ay junoc ix ix, ix cuchb'anb'at in pensar, mato in maclej yelta junoc ix yetb'eyum junocxo vinac d'a sti' spat,

Job 31:9 ပူးပေါင်းရင်းမြစ်များ

Ec 7:26

'Ay wal jun tas yel xo wal tu x'ilchj wuj 'a yib'n̈ chamel. Atn 'ix 'ix caw wal 'ay smon yejm win winc yu'uj, man̈xtzac yactj 'el 'ix win winc cha. A win winc yiclum 'a Dios, matz 'ejm win yuj 'ix, palta ax win tzb'on xon maysch'olnil, tzmonchj win yuj 'ix.

A Ch'an̈ B'ab'el Libro Yic Yab'ixal Eb' Rey 11:4

A yic x'och Salomón 'ichm wincal, ax eb' 'ix yistl chi x'i'n 'at snab'en 'a jun tzo'n̈ xo comn dios, yuj cha, man̈xtoc xya'ch snab'en si'mb'il 'a Jehová sDiosal, 'icha ya'jnac David, atn smam.

Jueces 16:5

'Ix 'at eb' syajlil chon̈b' filisteo paxtinc yet' 'ix Dalila cha, 'ix yaln eb' 'a 'ix 'ixtic: —Tza montj wal Sansón cha, tza c'anb'j 'a 'a, 'aj wal tzcot yip yet' tas wal tzcutj qui jalni yic tzca'n ganar. Junjn on̈ on̈, tzcac' 1,100 q'uen tumn plata 'aych yuj a tojloc, xchi eb' 'a 'ix.

Os 7:4

Cojxn 'ajmulal tzb'o eb' smasnil. A snib'b'en eb' cha, lajn 'icha junc jorna jab' wal tzecx 'och sc'a'l yuj junc b'om pan, ya' sb'a wanto sjaw sti 'ixm harina cha; ax yic tox xjaw sti 'ixim, 'ixta to b'i'an tzwach' ecx 'och wal sc'a'l si'mb'il.

Jeremías 5:8

Lajn eb' 'icha no man̈cron chej caw wach' tz'aj yajx servil, amancotn yeq'ui. Tzanxn̈ej eb' winc tz'och tza'n 'a spatquil yistzil yit wincal.

Pr 22:14

A spaxti junc 'ix 'ix tzmuln 'a yol sc'ab' yichmil, lajn spaxti 'ix 'icha xab'l yich junc jul, ata tz'atcn eb' tzcatb'tzax yuj Jehová.

Pr 6:25

Man̈ a nib'c 'och swach'l yilx 'ix. Man̈ ac' somchjoc a nab'en yuj tas tzach yutj 'ix ach yiln 'ochi.

Nehemías 13:26

'Ixtn tic x'aj yoch smul Salomón sreyl Israel. Wach'xam may junc xo rey lajn yet' 'a jun tzo'n̈ xo nacion̈, to 'ay schamc'ojlal Dios 'a 'a, 'ix 'ajx 'och qui reyloc an̈ israel on̈c tic, palta 'ix 'ijx 'at 'a maysch'olnil yuj eb' 'ix chuc chon̈b'al.

Pr 7:21

Yuj wal jun tzo'n̈ spaxti 'ix man̈x sja'loc smontw cha, yuj cha, yajn̈ej 'ix 'em 'a sc'ojl win quelm cha.

Job 31:1

An tic, ma'ix wa'ch in nab'en in nib'n 'och eb' 'ix cob'stac 'ix.

Lv 20:10

Toto 'ay mach tzb'o 'ajmulal yet' yistzil junc yit wincal, yowlal tzcham jun winc chi yet' 'ix 'ix cha.

Dt 5:21

Man̈ e nib'c 'och yistzil junc win winac, mto yichmil junc 'ix 'ix. Man̈ e nib'c 'och yatut, slu'um, smoso, mto junc 'ix ya'mal servil junc mach, swacax, sb'uru yet' tzann̈j tas 'ay 'a 'a, xchi Dios, xchi Moisés.

Pr 6:27

Q'uinloc 'ay junc mach tzyij 'at c'ac' 'a sn̈i sc'ojol, ¿tom ma'oj tz'a spichl yu'uj?