Job 3:14 - Chuj San Sebastian Bible

¹⁴ To 'ixta' junn̈j waj yet' ewin rey, yet' pax eb' niwc yopiso 'e'nc 'a pecti', eb' to b'ojnac chan̈ jun tzo'n̈ niwc n̈a lan̈chjnac xo 'ejmi,

Chuj San Mateo Bible

¹⁴ yed' eb' rey yed' eb' yajal, aton eb' ix b'oanxiq'ue juntzan̈ nivac pat emnac lan̈najoc,

Job 3:14 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 11:43

Ax yic schami, ata xmucx can 'a Schon̈b' David. Ax jun yunnal tzcuch Roboam, a 'ix 'ochx can reyl sjeloc.

A Ch'an̈ B'ab'el Libro Yic Yab'ixal Eb' Rey 2:10

Ax 'a yic xcham rey David, ata 'ix mucx 'a jun lugar tzcuch Schon̈b' David.

Job 12:17

A tz'a'n sat snab'en eb' tzyal jelnal sb'a, ax eb' juez, tz'ochcn eb' man̈ nab'enal yu'uj.

Job 12:18

A tz'i'n 'ec' yopiso eb' rey, tzya'n can 'at eb' 'icha presoal 'a junc xo chon̈ab', jitn 'el eb' yic tz'at eb' cha.

Job 15:28

Ax jun chon̈b' chi 'aj cajn cha, 'oj lajwc 'eli, man̈x 'a mach 'oj cajnc smasnil te n̈a. 'Oj can 'a sictaquil, jun b'uln̈ xoj 'oj 'ajcn 'icha c'alem.

Job 30:23

Wojc xo to wan in e'n 'at 'a chamel, atn jun lugar 'aj 'oj c'och smasnil 'anma pitznto ticnec.

Salmos 49:14

A 'a jun tzo'n̈ 'anma cha, a chamel 'a chi 'aych yilmalc eb'. A jun chi tz'i'n 'at eb' 'a campusan, 'icha tz'aj junc calnelu tz'ijx 'at 'a 'aj tzchami. Ax 'a yic 'oj sacb'c 'eli, a eb' wach' snab'en, a eb' 'oj 'a'nc ganar 'a yib'n̈ eb' cha. Jab'jnal 'oj sat 'ejm sniwnal eb', ax lum campusan cha, a chi 'oj 'och yatutoc eb'.

Salmos 89:48

May wal junc mach to mun yic sb'a yet' sq'uinal, to ma'oj chamoc. May wal junc mach tztac' scoln 'el sb'a 'a yol sc'ab' chamel.

Ec 8:8

May junc on̈ec 'ay caln quic 'a qui q'uinal, yic tzqui'nec 'och wa'an. An̈jtona', may junc on̈ec tztac' qui'nec 'och wan sc'ul qui chami, lajn 'icha junc soldado matz tac' yajx 'elt 'a scal owal. A junc mach tu sb'eyb'al, ma'oj colxoc 'el 'a yol sc'ab' chamel yuj smaysch'olnilal cha.

Is 14:18

Ax smasnil eb' sreyl junjn nacion̈ to wan laj yilji, oyn 'och sricoal eb' 'a stz'ey, mun 'ayc' junjn eb' 'a sjul-l 'aj mucan.

Is 22:16

¿Tas tza b'o 'a tic? ¿Mach 'ix 'a'n opiso yic tza b'on jun yet'l chamnc 'anma tic 'a lum tzaln tic, tzoln 'och a b'a 'a sat q'uen q'uen 'aj 'oj a can tic a nani?

Is 5:8

'Oltac wal eb' cob' niwn yatut tzb'o'o, tzcob' smacn 'ec' eb' lum lum smasnil yico'oc. Tznib'n eb' to man̈x 'a tas tzcan 'a junc xo mach, tznib'n pax eb' to cojxn eb' tzcajn junc chon̈b' cha.

Is 58:12

'Oj e b'ox chan̈ e chon̈b' 'a yet'l 'aj lan̈chjnac can 'ejmi. 'Oj eya'x 'ejm 'a yib'n̈ yipnub'al yich b'ob'il can xon 'a yic pecti'. Ax yalx eyu'uj, to b'om ex pax smuroal chon̈ab', b'om ex pax n̈a lan̈chjnac 'ejmi.

Ez 26:20

'Oj in julcn 'ejm 'aj 'ayc' eb' 'anma chamnc 'a pecti'. 'Oj in julcn 'ejm 'a xab'l yich lum lu'um, 'icha 'ajnc jun tzo'n̈ xo chon̈b' satnc 'el 'a jun 'ejmn̈ej. Man̈x 'a b'a'n̈ 'oj 'ochx chon̈b'al, man̈x 'a xon eb' 'anma 'oj cajnoc.