Job 27:20 - Chuj San Sebastian Bible

²⁰ A jun tzo'n̈ tas 'aj tzxiw eb', a 'oj jawc 'a yib'n̈ eb' 'icha a 'elmal a', 'icha tz'aj yijx 'at junc tas yuj 'ic'n̈ab' 'a yic 'ac'wal.

Chuj San Mateo Bible

²⁰ A xivelal ol javoc d'a eb' icha a' eluma', ma icha tz'aj yic'jib'at junoc tas yuj ic'n̈ab' d'ac'valil.

Job 27:20 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 19:35

A 'a yic jun 'ac'wl cha, 'ix xit' jun yángel Jehová smil cham 185 mil eb' soldado asirio 'a scamplamento, ax yic sacb' 'el 'a junx c'u, chamnc xo eb' soldado chi smasnil.

Job 15:21

A yic tzyab'n eb' sc'an̈ junc tas, caw tzxiw eb' yu'uj, ax yic cob' may tas tzna eb', a paxta tzjaw maysch'olnil chi 'a yib'n̈ eb'.

Job 18:11

Tzanxn̈ej 'aj 'oj 'ec'oc, 'ay xoj smay schami, tza'n 'och eb' tzpechn b'ey chi yuj tzyab'i.

Job 20:23

A yic wan ya'n cob' eb' sgana sc'uxn tas 'ay 'a 'a, yic wan laj swa eb', ax sjacn cot Dios yowl sc'ojl 'a yib'n̈ eb'.

Job 20:8

Ton̈j 'oj satchan̈ eb' 'icha junc tas tzquil 'a qui wayich, man̈x 'a mach 'oj 'ilnc eb'.

Job 21:18

¿Tom comn xoj tzsactzic eb' 'icha tzyac' te 'ac tzma' chan̈ chacxuxm'ic'?

Job 22:16

A eb' cha, seb' chamnc eb' mu'c 'icha tzyac' junc mach tz'ijx 'at yuj a 'elmal a'.

Job 24:18

A eb' 'anma maysch'olnil snab'en, yajn̈ej ax yec' eb' 'icha a b'eymal a', ax slum eb', 'oj catb'tzax cani, man̈x 'a mach 'oj munljoc 'och 'aj 'ay yawb'en uva eb'.

Job 34:20

Toto tzyal sc'ojl Dios, junn̈j wal rato tzlajw 'anma scham smasnil 'a junc 'ac'wal, yajn̈ej tzon̈ satc 'eli; ax eb' tzyal jelnal sb'a' mun 'oj cham eb' 'a 'ichn̈jta', man̈ 'anmac 'oj milnc eb'.

Salmos 18:4

A smay chamel, 'ix 'ec' oyyoc 'a in patic. 'Ix jaw xiwc'ojlal 'ayn yuj eb' milm 'anma', 'icha junc a 'elmal a caw 'ay yip.

Salmos 42:7

'Icha wal a niwc pajew tz'elt 'a sat pac'an, 'ixta wal jun tzo'n̈ niwc yailal 'ix 'ec' 'a wib'n̈ o'oj.

Salmos 83:16

Mamin Jehová, 'ij 'el sq'uixwel eb', sec 'oj 'och tza'n eb' o'oj.

Salmos 90:5

'Icha wal yijx 'at junc tas yuj a 'elmal a', 'ixta e'n 'ec' jab' qui q'uinl an̈ 'anman̈ tic on̈, mto 'icha junc wayich, 'ixta tzon̈ 'aj quec' on̈.

Ex 12:29

Ax 'a yic chim'ac'wal, 'ix 'ec' smilnc cham Jehová eb' sb'ab'l 'unnal eb' 'aj Egipto 'a junjn n̈ail. 'Ixta 'ix 'aj scham win sb'ab'l 'unnal win rey, win to jab'xoj yochx can sjelc win 'a sdespacho; xcham pax eb' sb'ab'l 'unnal ewin 'aych 'a preso yet' pax sb'ab'l 'une e no noc'.

Dn 5:30

Ax 'a yic jun 'ac'wl cha, 'ix milx cham win Belsasar sreyl eb' caldeo cha.

Jonás 2:3

Wal 'a xab'l yich a mar in a julcn 'ati, smasnil a a tzb'eyi, 'ix yoych sb'a eb' a 'ayin. A eb' a niwc a', xmayy 'ec' a 'a wib'an̈.