Job 27:2 - Chuj San Sebastian Bible

² Tzwac' in ti 'a sat Dios tztac' yuj smasnil, jun matz in b'onyaji, to a tzin 'a'n cusoc,

Chuj San Mateo Bible

² Svac' in ti' d'a yichan̈ Dios Syal Yuj Smasanil, aton jun max yal sc'ol sb'oan yaj tas vaji, aton tz'ac'an ixtaxel in pensar yuj in yaelal,

Job 27:2 ပူးပေါင်းရင်းမြစ်များ

A Ch'an̈ Schab'l Libro Samuel 2:27

'Ix ta'w Joab, xyaln 'ixtic: —Wal 'a sb'i Dios tzwaln 'ayach, toc wal ma'ix ala to 'ixta', an tic yet' eb' wican tzca'n̈j owl eyet'oc masnto tzq'uin̈lb'i q'uic'an, xchi.

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

A Ch'an̈ B'ab'el Libro Yic Yab'ixal Eb' Rey 18:15

—A Jehová tztac' yuj smasnil, 'a sat tzwaln 'ayach, atn jun tzwac' servil, to a 'a jun c'u tic tzin paxtin yet' Acab, xchi Elías cha.

A Ch'an̈ Schab'il Libro Yic Yab'ixal Eb' Rey 4:27

Yajn̈ej 'ix c'och 'ix mu'c 'a 'aj 'ayc' Eliseo win schecb' Dios 'a lum jolm witz cha, 'ix 'och la'njoc 'ix 'a yoc winac. 'Ix 'och yamn Giezi 'a 'ix yic tzyi'n 'eli, palta ax win schecb' Dios cha, 'ix yaln win 'ixtic: —Yilx 'ix, yujto cusc'ojlal yaj 'ix, mantzac yal Jehová 'ayin tas yuj 'ix cot 'ix, xchi winac.

Job 10:3

'In ach b'ojnac in, tzlajw cha tzin a patquiln can 'eli, ¿tom wach' tzab'i yic tzin a chacn 'eli, ax yet' eb' maysch'olnil tzach colwji?

Job 16:11

A Dios, a in 'a'n 'och 'a yol sc'ab' eb' 'anma tu snab'en, caw wal 'a'm 'es eb'.

Job 19:6

Palta comnoc tzeyojquej 'eli, to a Dios 'ixtc tzin 'utni, a x'a'n 'ejm jun yal tic 'aj in can t'un̈an.

Job 23:16

A Dios, tztac' yuj smasnil, yu'uj caw wal tz'el wip yuj xiwc'ojlal.

Job 34:5

Yujto a Job 'ix yal 'ixtic: An tic toc 'ay in mul, palta a Dios matz in sb'oyaji.

Job 35:2

¿Tom wach' tza na'a, yic cob' 'ix alni to may a mul, sec tzyal am Dios chi a nani to may a mul cha?

Job 40:8

¿An̈ja am tza te'wtzej a b'a alni to man̈ tojloc tzwutj ach in b'onyaji, yujto may a mul 'a tzotj alni?

Job 9:17

Wach'xam may in mul, palta ax am tz'aji, tzin sma'lajwc yet' junc 'ic'n̈ab' caw ow, tzwach' niwtj am in yailal 'aych xoni.

Job 9:18

Man̈xtzac yac' am wic' jac wip 'a scal in yailal, caw am tzwach' niwtj in yailal chi yu'uj.

Is 40:27

Ex israel yin̈tl can Jacob, ¿tas yuj tzex we'lji eyawji? ¿Tas yuj tzeyal 'ixtic: A Jehová caw matz on̈ yilc coti, caw matz 'och 'il Dios jac cujec? xe chi.

Jeremías 12:16

Yujto a jun tzo'n̈ chon̈b' cha, a xcuyn eb' in chon̈ab' yic tzlocn eb' sb'i jun comn dios tzcuch Baal 'a junc tas tzyala. Ax ticnec, yet' 'a yojltac, 'oj stac' yaj cajn eb' 'a scal eb' in chon̈ab', toto caw yel 'oj syiclc eb' scuynb'il eb' in chon̈b' tic, ax slocn eb' in b'i 'a tas 'oj yala'.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

Jeremías 5:2

'Ay cob' eb' tzin b'inan an Jehová in tic, palta tzin sb'inej eb' 'a ya'm 'esal, xchi.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Nm 14:21

Caw yel pitzn in, checl pax in tzictznil 'a smasnil yolyib'n̈q'uinal.

Rt 3:13

Cann̈ 'a tic 'a jun 'ac'wl tic. At q'ui'n 'oj wila', toto 'oj yal sc'ojl win chi ach yi'n 'icha yaln sleyal, to 'ixta', caw wach' b'i'an; palta toto matz yal sc'ojl winac, tzwac' in ti 'a yojltac Jehová ach wi'ni. Wayn̈ ticnec, at tzsacb'eli, tzach 'ati, xchi winac.

A Ch'an̈ B'ab'el Libro Samuel 14:39

Yujto wa'jnac in ti 'a Jehová, qui Colmal an̈ israel on̈c tic, wach'xam a win wunnal Jonatán 'ix 'och smul, cojnto tojln̈ej scham winac, xchi. Palta may junc 'a scal eb' chon̈b' chi xta'wi.

A Ch'an̈ B'ab'el Libro Samuel 14:45

Palta 'ix yaln eb' chon̈b' 'ixtc 'a Saúl: ¡Tom tztac' scham Jonatán, yujto yuj winac on̈ colchji! ¡Man̈ smojc 'ixta'! Yojc wal Jehová to may 'oj 'i'noc Jonatán tic, yujto a Dios 'ix yamc'ab'n winac, xchi eb'. 'Ixta 'ix yutj eb' chon̈b' scoln can 'el Jonatán. Yuj cha, ma'ix chami.

A Ch'an̈ B'ab'el Libro Samuel 20:21

'Oj lajwc cha, ax in checn 'at junc in checab', ax waln 'a 'ixtic: 'Ixc 'at sayc' jun tzo'n̈ in jul-lab' cha, 'oj in chic 'a 'a. Toto 'oj wal 'a 'ixtic: Yaj jun tzo'n̈ jul-lab' chi 'a ojltac coti, 'ij cot eb', toto 'oj in chic 'a 'a, toto 'ixta', tztac' a cot 'a junc'ojlal, yujto may tas 'oj e'ni. Wal 'a sb'i Jehová tzwa'n can in ti 'ayach.

A Ch'an̈ B'ab'el Libro Samuel 25:26

A ticnec ach wajlil, a Jehová ach tenn 'och wa'an, yic to tzwul a mil cham eb' 'anma', yuj a'n spac stu nab'enal eb' 'ayach. 'El cab' 'a sc'ojl Jehová, to a eb' 'ajc'ojl yajch 'ayach, yet' eb' tznib'n tzach 'ixtni, 'ixta cab' pax tz'aj scotcn 'a yib'n̈ eb', 'icha tz'aj scot 'a yib'n̈ Nabal tic.

A Ch'an̈ B'ab'el Libro Samuel 25:34

A ticnec tzwac' in ti 'aych 'a yojltac Jehová qui Diosalec, to a 'in tenn 'och wa'an, yic tzwa'n in tu nab'enal 'ayach, toc wal ma'ix a col ep a cot wul in a cha', a q'uic'an man̈x pitznoc win Nabal, yet' pax smasnil eb' winc yicanto sb'a yet'oc yet' eb' schecab', xchi David 'a 'ix.