Job 26:6 - Chuj San Sebastian Bible

⁶ A campusan 'aj mucn eb' chamnac, man̈ c'ultacc yaj 'a sat Dios.

Chuj San Mateo Bible

⁶ A b'aj ayec' eb' chamnac, chequel yaj d'a yichan̈ Dios, chequel yaj junjun eb' d'a yichan̈.

Job 26:6 ပူးပေါင်းရင်းမြစ်များ

Job 11:8

¿Tas wal 'oj otc ojcan 'el jun jelnal cha? A jun cha, yel xo wal najt yajb't 'a satcha'an̈. Yel xo wal xab' yajb't 'a yaln̈ lum xab' olan.

Job 28:22

A yet'l spixn eb' chamnac yet' jun chaml cha, xyal eb' 'ixtic: A jun cha, ton̈j 'ix cab' yab'xil, xchi eb'.

Job 3:13

Comnoc chamnc in, to 'ixta', caw wal tzaljc'ojlal tzin wayi, caw wal tzin 'ilj 'a junc'ojlal.

Job 31:12

Toto 'ixta', jaw cab' in yailal chi 'icha junc niwquil c'ac' tzsatn 'el smasnil tas, 'ixta cab' tzyutj satn 'el smasnil tas 'ay 'ayin.

Job 38:17

¿Tox am 'ix ela 'aj 'ay spuertail yet'l chamel?

Job 41:11

Toc 'ay mach 'a'jnac junc tas 'ayin, yuj cha tzyaln to 'ay in b'oc 'a 'a. ¡A smasnil tas 'ay 'a yolyib'n̈q'uinl tic, wicn̈ej yaji!

Job 9:5

Yuj yowl sc'ojl Dios, tzya'n tzicb'tan̈x eb' lum niwc witz, tzlaj 'el c'acp yu'uj, palta may junc mach tztac' yojcan 'eli tas yuj 'ixta tz'aji.

Salmos 139:11

Q'uinloc tzwal 'ixtic: Sc'ub'quin cab' 'el q'uic'q'uinal, mto tz'och jun sacq'uinl tic q'uic'q'uinlal 'a in patic, xin chi.

Salmos 139:8

Q'uinloc cob' tzin 'at 'a satcha'an̈, a pax ta 'aych 'eq'ui; toto tzin 'em pax 'a xab'l yich lum lum tic, 'aych pax 'ec' ta'.

Salmos 88:10

¿Tom 'oj a ch'ox to yil eb' chamnc chi a poder? ¿Tom 'ayt 'aj 'oj yal eb' chamnc chi yuj diosal 'ayach?

Pr 15:11

A xab'l yich sjul-l chamel checl yaj 'a sat Jehová, ocxom wal snab'en 'anma', caw wal checl yaj 'a 'a.

Pr 27:20

A chamel yet' sjul-l 'aj tzmucx eb' tzchami, may tz'aj sb'ut'ji, 'ixta may b'a'n̈ tz'och wan snib'n eb' 'anma tas tznib'ej.

Is 14:9

A yic 'oj c'och jun tu snab'en chi 'a yol lum 'aj 'ay smasnil eb' chamnac, caw 'oj sat sc'ojl eb' yu'uj, ax scot eb' wul scha'. 'Icha to 'oj 'el swayn̈ eb' yu'uj, ax wul schanc eb' niwc yajal, eb' ya'jnac reyl 'a yolyib'n̈q'uinl tic. 'Oj q'ue wan eb' 'a yol xila, ax wul schanc eb'.

Dn 2:22

Ach tzac' cojcoc 'el jun tzo'n̈ tas caw 'ajltac snachj 'eli, yet' jun tzo'n̈ tas c'ultac yaji. Ojc tas 'ay 'a scal q'uic'q'uinal, yujto 'aj sacq'uinl ach.

Am 9:2

Wach'xam cob' 'oj 'at sc'ub'c 'el sb'a eb' 'a xab'l yich lum lu'um, palta 'oj 'at wic' q'uet eb' ta', wach'xam cob' 'oj q'ue eb' 'a satcha'an̈, palta 'oj wic' 'emt eb' ta'.

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.

Apoc 9:11

Ax 'a jun xab' oln cha, ata xq'uet jun ángel syajlil e no'. A jun cha, Abadón sb'i 'a hebreo, ax 'a griego, Apolión sb'i. Tzyal 'el'chi, a tz'a'n 'ixtxoc.