Job 26:14 - Chuj San Sebastian Bible

¹⁴ A jun tzo'n̈ tzcab'c tic, 'icha to stitc xoj yaj 'a tas b'ob'il yuj Dios. Ton̈j pax tzqui b'al 'ab'ej, palta ¿mach wal junc tztac' yojcan 'el sjelnal cha? xchi Job.

Chuj San Mateo Bible

¹⁴ A jantac tas satub'tac sc'ulej ix cab' tic, jab'n̈ej. A tas ix cab' tic ton̈ej ix co mac ab'ej. Ocxom val to tz'acan tz'aj cab'ani, maxtzac am nachajel cuuj, xchi vin̈aj Job chi'.

Job 26:14 ပူးပေါင်းရင်းမြစ်များ

Job 36:29

¿Mach wal junc tztac' yojcan 'eli tas tz'aj spucn sb'a 'asn yu'uj, mto tzyojquej 'eli tas tz'aj sc'an̈ c'u 'a satcha'an̈?

Job 37:4

Tzlajw cha, tz'ab'x sc'an̈ yol sjaj Dios jun 'ay yopiso 'a yib'n̈ smasnil; ya' sb'a tzc'an̈ cha, til wal yec' copljoc raya, toxn matz 'och wa'an.

Job 37:5

Caw satjub'tac yab'x sn̈il-li yol sjaj Dios, til wal tas niwn yel'ch tzb'o'o, palta may mach tztac' yojcan 'eli.

Job 4:12

'Ay jun 'ab'x caw c'ultac 'ix alx 'a in chiquin, teb'il wal 'ix tojlb'i wab'ni.

Job 40:9

¿Tom yel xo wal 'ec'b'al ep 'a wib'n̈ tza na'a? ¿'Icha am sc'an̈ yol in jaj tic, 'ixta am sc'an̈ pax ec cha?

Job 42:5

A 'a yic yaln̈taxi ton̈j tzwab' alxi, palta ax ticnec, caw wal tzach wilch yet' in sat.

Salmos 139:6

Caw wal satjub'tac yilx a jelnal tic, matz nachj 'el xon wu'uj. Caw wal niwn yel'chi, ton̈j tzsat in c'ojl yu'uj.

Salmos 145:3

Mamin Jehová, caw wal niwn yel'ch a b'i, yuj cha, smoj wal a b'itnaxi; a 'a b'inab'ilal, man̈ alchjb'enoc.

Salmos 29:3

Tz'ab'x yol sjaj Jehová 'a yib'n̈ a mar; a jun Dios to b'inab'il, a tz'a'n c'an̈ c'u 'a yib'n̈ a niwc mar.

Ec 11:5

Man̈ cojcoquec 'aj tzcot 'ic', man̈ cojcoquec pax tas tz'aj sq'uib' junc 'unn 'a yol sc'ojl snun; 'ixtnta pax man̈ cojcoquec tas wan sb'on Dios, atn jun Dios xb'on smasnil tas.

Habacuc 3:4

Ach jaw 'a scal a tzictznial. Xlaj 'eltoc jub'ljoc raya 'a yol a c'ab'. A 'ix ch'oxn 'eli, to 'ay a poder c'ultac yaj o'oj.

Ro 11:33

A Dios, man̈ jantcoc swach'il, man̈ jantcoc sjelnal. Caw yojcn̈ej smasnil tas. May junc mach tztac' snachj 'el yu'uj, tas tzyutj Dios snan 'el tas tzb'o'o. May pax junc mach tznachj 'el sb'eyb'al Dios yu'uj.

A Ch'an̈ B'ab'el Libro Samuel 2:10

Mamin Jehová a eb' 'ajc'ojl yajch 'ayach, choc' tz'ajcn eb' o'oj. A 'a satcha'an̈, ata 'oj smac' sb'a c'u scot 'a yib'n̈ eb'. 'Oj a b'eyc'ojloc smasnil tas 'ay 'a sat lum lum tic; ax a'n sjelnal jun rey sic'b'il 'el o'oj, xchi 'ix.