Job 24:4 - Chuj San Sebastian Bible

⁴ Ax eb' meb'a tzc'ann jac colwal 'a eb' 'anma tzb'ey 'a b'e, tzlaj 'ijxoc 'el eb' 'a yol b'e chi yuj eb'; tzlaj sc'ub'n 'el sb'a smasnil eb' 'emmquilal yec' yuj eb'.

Chuj San Mateo Bible

⁴ Tz'ic'jicanel eb' meb'a' d'a yoltac b'e yuj eb'. Axo eb' anima emnaquil yeq'ui, sc'ub'ejel sb'a eb' d'a eb' chuc chi'.

Job 24:4 ပူးပေါင်းရင်းမြစ်များ

Job 24:14

A junc ma'm cham 'anma', caw tzseb' q'ue wa'an, tz'at smilnc junc meb'a 'anma', ax yic tzq'uic'b' can pax 'ejmi, tzya'n 'och sb'a 'elc'mal.

Job 29:12

Yujto an tic, in laj colwj 'a eb' meb'a 'unn chamnc smam, yet' 'a eb' may xon jac tas 'ay 'a 'a, atn eb' may xon mach tzcolni.

Job 29:16

'Icha to mamb'il waj 'a eb' 'ay tas sc'a'l tz'och yu'uj, tzin colwj pax in b'onyaj eb' chuc chon̈b'al yic 'ay tas tznib'j eb' sb'o'yaji.

Job 30:25

In laj 'oc' yet' eb' 'aych 'a syailal, 'ix 'o'ch pax in c'ojl 'a eb' may jac tas 'ay 'a 'a.

Job 31:16

May 'aj ton̈j in 'och queln 'a eb' meb'a', yic 'ay tas sc'a'l tz'och yuj eb', man̈ ton̈joc xwila, x'och swejl eb' 'ix 'ix chamnc yichmil.

Job 31:19

A yic xlaj wilni to 'ay eb' 'anma man̈x 'a spichul, mto junc meb'a toxn may jac tas 'aych spichloc,

Salmos 109:16

yujto may xon 'aj sna sb'a jac sc'ojol yic tz'o'ch sc'ojl 'a eb' meb'a', 'a eb' 'emmquilal yeq'ui yet' 'a eb' 'ay scusc'ojlal. A yico', to tzyixtjn̈ej eb' masnto tzcham eb'.

Salmos 41:1

Wach' yic eb' tznan eb' meb'a', yujto a Jehová a 'oj colnc 'el eb' 'a yic stiempoal 'ay yailal.

Pr 14:31

Toto tzquixtjec eb' meb'a', caw tzqui patquiljec can 'el Dios, atn jun mach b'ojnac eb'. Palta toto tz'o'ch qui c'ojlec 'a eb', wan qui ch'oxnec 'eli to 'ay yel'ch Dios 'a qui satec.

Pr 22:16

A mach yuj snib'n 'och sb'a ricoal, yuj cha, tzyixtn eb' meb'a', yet' junc mach tz'a'n junc tas 'a eb' rico yic tzmontn eb', a eb' cha, 'oj lajwc 'ejm yuj meb'a'il.

Pr 28:12

A yic tz'och eb' wach' sb'eyb'al 'a yopiso, caw tzalj eb' 'anma yet' eb', tzya'ch eb' q'uin̈; palta toto a eb' tu snab'en tz'och 'a yopiso, ax eb' 'anma cha, tzlaj sc'ub'c 'el sb'a eb'.

Pr 28:28

A yic tz'och eb' maysch'olnil yajlil, tzlaj sc'ub'c 'el sb'a eb' 'anma yuj eb', palta a yic tzsatl eb' maysch'olnil cha, ax eb' tojl snab'en tzniwtj cha'an̈.

Pr 30:14

'Ay pax mach matz 'o'ch xon sc'ojl 'a eb' meb'a', caw tz'ixtx eb' yu'uj, tzyi'n can 'ec' tas 'ay 'a eb'.

Is 10:2

Matz e b'o yaj eb' meb'a 'anma', matz e chaj eyab' tas tzyal eb' tz'ixtxi. Caw wal tz'ixtx eb' wit chon̈b' tic eyu'uj, tzlaj eyelc'n tas 'ay 'a eb' 'ix 'ix chamnc yichmil yet' 'a eb' meb'a 'unin.

Ez 18:12

Tzyixtj win eb' meb'a 'anma', tzyel'j win eb', matz yac' meltzj tas tzyactjcan junc mach yuj tas tzmajnj 'a winac, a 'a jun tzo'n̈ yechl comn dios 'aj tzya'ch snab'en, a tas yajb'entac a tzb'o'o.

Ez 18:18

A smam cha, 'ixtm 'anma winac, caw wal 'elc'um, maysch'olnil tas sb'o 'a scal yit chon̈ab', yuj cha, mun 'oj cham yuj smul cha.

Ez 22:29

A eb' 'anma 'a jun chon̈b' cha, cojxn maysch'olnil tzb'o eb', tz'elc'w eb'; tz'ixtx eb' meb'a 'anma yuj eb', yet' eb' 'ay tas sc'a'l tz'och yu'uj, tz'ixtx pax eb' chuc chon̈b'al cajn 'a scal eb'.

Am 2:7

Caw tz'ixtx eb' meb'a yuj eb', man̈ wach'c tzyutj eb' sb'on yaj eb' tz'ixtx cha. Q'uixweltac in b'inax yuj eb', yujto a win mamb'il, yet' win 'unnab'il, junn̈j 'ix 'ix tzmuln ewin yet'oc.

Am 4:1

Ex 'ix to caw wal b'a'ch ex 'icha no wacx wach' yajx servil, ex to cajnex 'a lum stzalnil Samaria, 'ab'c wal jun tic. Caw tze yixtj eb' meb'a', yet' eb' 'oltac yilx 'ochi. Tzeyaln 'a eb' eyichmil 'ixtic: 'Ijec cot te 'an̈, to tzcu'jec te', xe chi 'a eb'.