Job 24:12 - Chuj San Sebastian Bible

¹² A eb' tzlajwi, til wal yel yaw eb', wan laj scham eb' 'a scal eb' 'anma', palta matz yab' Dios slesl eb'.

Chuj San Mateo Bible

¹² Axo eb' ya yaji, tz'el yav eb' sc'anan colval. Van scham eb' d'a cal chon̈ab', palta max ab'chajlaj yel yav eb' yuj Dios.

Job 24:12 ပူးပေါင်းရင်းမြစ်များ

Gn 4:10

'Ix yaln pax Dios 'ixtc 'a winac: —¿Tas yuj 'ixta xa b'o'o? A schic'l win o'tac 'ix 'elcn 'a sat lum lum tic o'oj, 'icha to a tzyal sb'a 'ayin, yic tzin b'onyaji.

Job 24:11

'Aych eb' syuc q'uen niwc q'uen 'aj tz'elt aceite, tzlaj ste'nc 'el eb' yalil te uva, palta tzcham pax eb' yuj tacn̈ti'al.

Job 24:13

'Ay eb' matz nib'n jun b'e yic sacq'uinal, toxn matz b'eylb'ej eb' jac stojlal.

Job 9:23

Q'uinloc 'ay junc yailal tzjaw 'a yib'n̈ smasnil 'anma', til wal 'anma wach' snab'en tzcham 'a scal eb', toc 'ay tas tzna Dios yuj eb' may smul tzcham cha.

Job 9:24

A yic tzcan yolyib'n̈q'uinl tic 'a yol sc'ab' eb' 'anma maysch'olnil snab'en, tzmacn sat eb' 'aych juezal. Toto man̈oc Dios 'ixta tz'utni, ¿mach pax b'in jun?

Salmos 10:13

Ach in Diosal, ¿tas yuj tza chaj to tzach spatquilj can 'el eb' maysch'olnil? A snan eb' to ma'oj a b'eyc'ojloc eb'.

Salmos 109:22

Caw wal 'oltac in, tzcus in c'ojol, caw wal man̈x in 'anmac tzwab'i.

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Salmos 50:21

Atn smasnil e mul tic, an xo ton̈j tzin 'och q'ueln 'ayex. Am wal e nani to lajn in eyet'oc. Q'uelc'mb'a 'oj waj eyet'oc, ax waln 'och e mul 'a e sat.

Salmos 69:26

Tzin spech b'eyc'oc eb' an tzin ac' cus tic, tzin sb'uchn pax eb' an tzin ac' lajwc tic.

Ex 22:27

toq'ue cojn jun spichl chi tzya'ch yuj si'ic. Lemb'il may tas tzyac'q'ue 'a yib'an̈ yic tzwayi. Yuj cha, toto tzyal sb'a 'ayin, 'oj in colwj yet'oc, yujto an tic, caw tz'o'ch in c'ojl 'a eb' 'anma'.

Ec 4:1

'Ix wa'n 'at in nab'en 'a jantc tz'aj eb' 'anma yixtx 'a yolyib'n̈q'uinl tic. 'Ix wilni to caw wal tz'oc' eb', palta may mach tz'a'n sniwnal sc'ojl eb', yujto a eb' 'ay yopiso cha, a eb' tz'ixtn eb' yit 'anmal cha.

Is 52:5

Ax ticnec ¿tas 'oj wutc in b'a an Jehová in tic? 'In ton̈j xcomn 'ijx 'at eb' in chon̈b' tic 'a Babilonia 'a nab'an̈ej. Ax eb' tzyac' yajlil 'a yib'n̈ eb', caw wal tzb'an̈ sb'a eb', toxn matz 'och wan eb' in sb'uchni.

Jeremías 12:1

'Ix waln 'ixtc 'a Dios: Mamin Jehová, toto tzin a'ch 'a tejb'al et'oc, ach tic, caw wal tojln̈ej yaj tas tzala. Palta caw tzin nib'j tzin c'anb'j jun tzo'n̈ tas 'ayach. ¿Tas yuj caw wach'n̈j sc'ojl eb' maysch'olnil sb'eyb'al? ¿Tas yuj caw tzaljc'ojlaln̈ej yaj eb' cojn tas tu tzna'a?

Jeremías 12:2

Ach a b'ojnac eb', 'ix yi'n eb' yip. 'Ix q'uib' eb', xniwtj chan̈ sb'isl eb'. Caw tzach sb'inej cob' eb', palta ax snab'en eb', caw najt yajl 'a a tz'ey.

Malaquías 2:17

A Jehová, tox 'ix tzactzj chan̈ yuj tas tzeyala, tze c'anb'n to pax wal 'ixtic: ¿Tas laj yuj tzactzj cu'uj? xe chi. Tzactzji, yujto tzeyal ax tic, chajtlto tzchaj sc'ojl Jehová eb' tzb'on maysch'olnil, caw tzalj yet' eb'. Tzeyaln pax 'ixtic: ¿Tom 'ay jun Dios tzb'eyc'ojlwi 'a stojlal? xe chi.

Malaquías 3:15

'In tzquilc wal an̈ec tic, to a eb' tzb'an̈ sb'a, tzaljc'ojlal yaj eb'. 'Ixta pax eb' maysch'olnil tas tzb'o'o, caw wach'n̈j tz'el'ch eb'. 'Intax eb' tzte'wtzej sb'a 'a sat Dios, may yailal tzjaw 'a yib'n̈ eb', xe chi, xchi Dios.

A Schab'il Carta San Pedro 3:15

Nachj cab' 'el eyu'uj, to a Cajlilec 'ayt sniwnc'ojlal. Mantzac jawi, sec 'ay eb' tzat laj colchji. Ax cu'tac Pablo, chamc'ojlb'il cujec, 'ixta xyutj stz'ib'n pax 'at 'ayx jun xo, yujto 'ixta yaj ya'n can Dios sjelnal.

Jueces 10:16

'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.