Job 23:7 - Chuj San Sebastian Bible

⁷ 'Oj yojcoc am 'eli to yel tas tzwala, ax yaln am b'i'an to may in mul, 'ixta am 'oj waj wel 'a libre yuj 'a jun 'ejmn̈ej.

Chuj San Mateo Bible

⁷ Ol am yojtaquejeli to yel svala', ol am yalani to malaj in mul. Icham chi' ol aj in yac'anel d'a libre d'a juneln̈ej.

Job 23:7 ပူးပေါင်းရင်းမြစ်များ

Job 13:16

Lemb'il pax ata 'oj wac' ganar in colnb'il, yujto a junc maysch'olnil snab'en, matz te'wtzej sb'a sc'och 'a yojltac Dios.

Job 13:3

Palta tzin nib'j tzin paxtin yet' Dios, atn jun tztac' yuj smasnil, a yet' tzin nib'j tzin tej in b'a.

Job 23:10

Palta yojtac chajtl yilx in b'eyb'al. A yic 'oj lajwc wajx prowal yu'uj, ax in b'ocn 'icha q'uen oro tz'ec' 'a scal c'ac'.

Job 9:15

Wach'xam may in paltail 'a sat, palta matz tac' in pacn junc paxti chi 'a 'a; a Dios in Juezal yaji, a tzin c'an swach'c'ojlal 'a wib'an̈.

Is 1:18

Xlajw cha, xyaln pax Jehová 'ixtic: An Jehová in, an tzwala. Cotn̈ec, b'ocyaj e b'a. Wach'xam a 'e mul caw wal tu eyilx yu'uj, palta 'oj ex in b'icli, ax e sacb' can 'icha yilx q'uen sacb'acum. Toxn̈ej lajn eyilx yuj e mul chi 'icha junc te q'uic'mucnac nip matz 'el yan̈il, palta 'oj ex wac' b'icxc 'eli, ax e sacb' can 'icha yilx sac lana.

Jeremías 12:1

'Ix waln 'ixtc 'a Dios: Mamin Jehová, toto tzin a'ch 'a tejb'al et'oc, ach tic, caw wal tojln̈ej yaj tas tzala. Palta caw tzin nib'j tzin c'anb'j jun tzo'n̈ tas 'ayach. ¿Tas yuj caw wach'n̈j sc'ojl eb' maysch'olnil sb'eyb'al? ¿Tas yuj caw tzaljc'ojlaln̈ej yaj eb' cojn tas tu tzna'a?

Jeremías 3:5

¿Tom smasnil tiempo 'ay cot owl 'ayn̈ on̈? ¿Tom 'ayc'n̈ej owl chi 'a jun 'ejmn̈ej? xe chi. Ya' sb'a wanto eyaln 'ixta', wan e b'on pax jun tzo'n̈ maysch'olnil tze b'o xon cha, xchi Dios 'a eb' israel.

Ro 8:1

A ticnec, an̈ec junxn̈ej cajc yet' Cristo Jesús, man̈x 'ayc 'och yailal 'a quib'n̈ec.