Job 22:9 - Chuj San Sebastian Bible

⁹ A eb' 'ix 'ix chamnc yichmil, 'ix ac' meltzjoc eb' 'ix 'a 'ichn̈jta', toc 'ay jac tas xac' 'a eb' 'ix. Ax eb' meb'a 'unn chamnc smam, 'ix laj e'c tas 'ay 'a eb'.

Chuj San Mateo Bible

⁹ Ix a chec meltzaj eb' ix ix chamnac yetb'eyum, malaj jab'oc tas ix ac' d'a eb' ix. Ix ic'anec' tas aycan d'a eb' chamnac smam.

Job 22:9 ပူးပေါင်းရင်းမြစ်များ

Job 24:21

A eb' 'ix 'ix may yune' yet' eb' 'ix chamnc yichmil, caw wal tz'ixtx eb' 'ix yuj eb', may xon 'aj tzcolwj jac eb' 'a eb' 'ix.

Job 24:3

Tzlaj yi'nc 'ec' eb' sb'uru eb' meb'a 'unn chamnc smam, tzto'n 'ec' eb' swacx eb' 'ix 'ix chamnc yichmil yuj smajnb'ilc stumn eb'.

Job 31:21

Toto 'ay 'aj xwixtj junc meb'a 'unn chamnc smam, yujto wojtac an xoj tzchax 'ab'xc wic yuj eb' yajal,

Job 6:27

Ax tic, tzyal e c'ojl eya'n 'och suerte 'a yib'n̈ eb' meb'a 'unn chamnc smam, tzyal pax e c'ojl e chon̈n 'el junc e wach'c'ojol.

Salmos 10:15

Mac' wecchjoc sc'ab' eb' tzb'on maysch'olnil. 'Ac' yowlal smaysch'olnilal eb' cha, tz'acn cab' tzyutj eb' stojn lajwc smul.

Salmos 37:17

Yujto 'oj satxoc 'el eb' maysch'olnil yuj Jehová, palta ax eb' wach' sb'eyb'al, 'oj 'ajxoc ste'nal eb' yu'uj.

Salmos 94:6

Tzlaj milx cham eb' 'ix chamnc yichmil yuj eb', eb' chuc chon̈b'al yet' eb' meb'a 'unn chamnc smam.

Is 1:17

Cuyc e b'a e b'on swach'il, a cab' stojlal tze sayq'ui, colwjan̈c 'a eb' 'anma tz'ixtxi, b'oc yaj eb' meb'a 'unin, colwjan̈c 'a eb' 'ix 'ix chamnc yichmil, xchi Dios.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Is 10:2

Matz e b'o yaj eb' meb'a 'anma', matz e chaj eyab' tas tzyal eb' tz'ixtxi. Caw wal tz'ixtx eb' wit chon̈b' tic eyu'uj, tzlaj eyelc'n tas 'ay 'a eb' 'ix 'ix chamnc yichmil yet' 'a eb' meb'a 'unin.

Jeremías 48:25

A Jehová, a tzaln 'ixtic: A wal yip Moab, tox 'ix lajw 'ejmi, a sjelnal, tox 'ix sat 'ejmi, xchi.

Ez 22:7

Tzchacl eb' 'anma chi smam snun. A eb' chuc chon̈b'al cajn 'ec' 'a scal eb', caw tz'ixtx eb' yuj eb'. Tz'ixtx eb' meb'a 'unn chamnc smam yet' eb' 'ix 'ix chamnc yichmil.

Ez 30:22

Yuj cha, an Jehová in, an tzwal 'ixtic: Caw an tzin 'och 'ajc'ojlal 'a win sreyl Egipto cha. 'Icha to 'oj in mac' wecchjoc junx sc'ab' win cha, sec 'oj 'el sc'ab' win chi schab'il, sec man̈x 'oj stac' syamn win yespada yic owal.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Mt 23:14

[Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Tzeyij 'ec' yatut eb' 'ix chamnc yichmil. Ax yic tzex leslwi, caw najt tzeyutj yoc e lesal, sec tzna eb' 'anma', to may e mul. Yuj cha, yel xo wal niwn yailal 'oj 'och 'a eyib'an̈.]

Dt 27:19

Catb'tzaxc cab' eb' tzb'on junc tas man̈ tojloc 'a eb' chuc chon̈b'al, mto 'a junc 'ix chamnc yichmil, mto pax 'a junc meb'a 'unn chamnc xo smam, xchi eb' levita. 'Ixta cab' tz'aji, 'oj xchic eb' chon̈ab'.