Job 2:6 - Chuj San Sebastian Bible

⁶ 'Ix yaln Jehová 'ixtc 'a winac: —'Ixta cab' tz'aj 'an. 'Ilto tas tzotj a b'a yet' sniwnal winac, cojn b'i'an may aln ec a milni, xchi Dios 'a winac.

Chuj San Mateo Bible

⁶ Ix tac'vi Jehová chi' d'a vin̈: —Ichocab' ta'. Olxo ila' tas tza c'ulej yed' snivanil vin̈ chi', an̈ej b'ian to malaj alan ic ic'anel sq'uinal vin̈, xchi.

Job 2:6 ပူးပေါင်းရင်းမြစ်များ

2 Cr 18:21

'Ix yaln jun espíritu chi 'ixtic: A smasnil eb' tzyalch sb'a a checb'oc, 'oj wac' yal eb' 'es 'a win rey, xchi. 'Ix yaln Jehová 'a 'ixtic: Caw 'oj stac' oj 'ixta', 'ixc 'an, 'at b'o 'icha 'ix otj aln cha, xchi 'a 'a.

Job 1:11

Palta q'uinloc tzej 'ec' tas 'ay 'a yol sc'ab' winac, 'oj ela', checlton ma'oj a b'uchx yuj winac, xchi win 'ajc'ojl cha.

Job 1:12

'Ix ta'w Jehová 'ixtc 'a winac: —'Ixta cab' tz'aj 'an. A tas 'ay 'a win Job cha, tzcan 'a yol a c'ab', 'ilto tas tzotej, palta man̈ a'ch yailal 'a sniwnal winac, xchi Dios. Cojn cha, x'elt win 'ajc'ojl chi 'a yojltac Jehová.

Job 2:5

Palta q'uinloc tza'ch syailal win Job 'a sniwnal, 'oj ela', checlton ma'oj a b'uchx yuj winac, xchi.

Job 2:7

Cojn cha, x'elt win mu'c 'a yojltac Jehová, 'ix ya'n 'och syailal win Job. 'Ix 'elt jun tzo'n̈ yab'il 'a sniwnal winac, 'a yoc masnto 'a sjolom.

Salmos 65:7

Tza'n 'och wan yib'x sat a mar, tza'n pax 'och wan sb'uylji eb' niwc chon̈b' ya'n owal.

Lc 12:23

A Dios x'a'n qui tzatzlec, ocxo tas tzqui c'uxec, ¿tom ma'oj yac'a'? A x'a'n qui niwnalec tic, ocxo qui pichlec, ¿tom ma'oj yac'a'?

1 Co 10:13

Jantcn̈ej jun tzo'n̈ prowal tzjaw 'a quib'n̈ec, lajnn̈ej yet' jun tzo'n̈ tzjaw 'a yib'n̈ eb' 'anma smasnil. Palta a Dios tz'a'n 'el'choc tas tzyala. Matz on̈ schaj 'ajxoc prowal yuj junc tas matz techj cujec. A yic tzjaw junjn prowal cha, a tz'a'n qui na'ec, tas tzcutjec qui coln qui b'a 'a 'a, sec wach' tztechj cujec.

2 Co 12:7

A jun tzo'n̈ tas ch'oxb'il 'ayn 'a satchan̈ cha, yel xo wal niwn yel'chi. 'Ay smay in b'an̈n in b'a yu'uj. Yuj cha, 'ay jun yailal 'ajxnac 'ayn yuj win Satanás, sec tzin yixtej. A jun cha, caw lajn 'icha junc niwquil q'uix tztecx 'och 'ayin. 'Ixta 'ajnc in, sec matz in b'an̈ in b'a.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.

Apoc 20:7

Ax yic 'oj tz'acwc jun mil ab'il cha, ax sjacx pax q'uet win Satanás 'a 'aj 'aycn 'ejm 'a preso cha.