Job 2:3 - Chuj San Sebastian Bible

³ Yuj cha, xyaln Jehová 'ixtc 'a winac: ¿May am 'aj 'ix 'elcn win in checb' Job? May junc xo mach lajn snab'en yet' win 'a yolyib'n̈q'uinal, caw wal yiclum win 'ayin, tojl sb'eyb'al, 'ay xiwc'ojlal, may 'aj tzb'o win tas maysch'olnil. O'oj 'ix in satn 'el smasnil tas 'a winac, palta man̈ yujoc cha, sjun win snab'en, xchi Dios.

Chuj San Mateo Bible

³ Yuj chi' ix yalan Jehová chi' d'a vin̈: —¿Tzam il tas yaj vin̈ in checab' aj Job? Malaj val junocxo mach d'a yolyib'an̈q'uinal chi' lajan yed' vin̈. Te tojol spensar vin̈, te vach' sb'eyb'al vin̈. Ay val velc'och d'a yol sat vin̈, sya'ilej val sb'a vin̈, max yac'och sb'a vin̈ d'a scal chucal. Uuj val ix in satel masanil tastac ay d'a vin̈, palta tocval yuj chi' ix juviel spensar vin̈, xchi.

Job 2:3 ပူးပေါင်းရင်းမြစ်များ

Gn 6:9

Atn yab'xil win Noé tic: A Noé, caw wal wach' xyutj sb'a 'a sat Dios, cojxn win wach' snab'en 'a scal eb' 'anma 'a yic jun tiempoal cha, 'ix sb'eylb'ej 'icha tznib'j Dios.

A Ch'an̈ Schab'l Libro Samuel 20:20

'Ix ta'w Joab, 'ix yaln 'ixtic: —Matz in na jun chi 'ixta'. Man̈oc jun chi 'ayc' 'a in nab'en wa'n lajwoc.

Job 1:1

A 'a yol smacb'en lum Uz, ata 'ay jun winc Job sb'i, caw wal wach' sb'eyb'al may tas tu tzb'o'o, caw 'ay yel'ch Dios 'a sat, matz ya't sb'a 'a scal maysch'olnil.

Job 1:11

Palta q'uinloc tzej 'ec' tas 'ay 'a yol sc'ab' winac, 'oj ela', checlton ma'oj a b'uchx yuj winac, xchi win 'ajc'ojl cha.

Job 1:6

'Ay jun c'ual, xc'och eb' ángel sch'ox sb'a 'a yojltac Jehová, an̈jtona xc'och pax win 'ajc'ojl 'a scal eb', atn win Satanás.

Job 1:8

Yuj cha, xyaln Jehová 'ixtc 'a winac: ¿May am 'aj 'ix elcn win in checb' Job? May junc xo mach lajn snab'en yet' win 'a yolyib'n̈q'uinal, caw wal yiclum win 'ayin, tojl sb'eyb'al, 'ay xiwc'ojlal, may 'aj tzb'o win tas maysch'olnil, xchi Dios 'a winac.

Job 13:15

Wach'xam yuj cha tzin smiln cham Dios, palta 'oj wa'chn̈ej Dios yipc in c'ojol, 'oj in col in b'a 'a yojltac.

Job 2:2

'Ix sc'anb'n Jehová 'a win 'ixtic: —¿'Ajtil ach coti? xchi 'a winac. 'Ix yaln win 'ixtc 'a Jehová: —In cot 'a yolyib'n̈q'uinal, yujto tz'ec' woymtej lum lu'um, xchi winac.

Job 2:4

'Ix ta'w win 'ajc'ojl chi 'ixtc 'a Jehová: —A junc 'anma to man̈oc 'a sniwnal tz'och yailal, toc 'ay tas tzna'a, tzyaln̈j sc'ojl tzsat 'ejm smasnil tas 'a 'a, cojn toto tzcolchj cani, may tas tzna'a.

Job 9:17

Wach'xam may in mul, palta ax am tz'aji, tzin sma'lajwc yet' junc 'ic'n̈ab' caw ow, tzwach' niwtj am in yailal 'aych xoni.

Job 9:20

Q'uinloc cob' tzwala to caw wach' in, palta mun an tzwixtj 'el in b'a yuj tas tzwala. Toto tzwala to caw tojl in nab'en, palta a tas tzwal cha, a 'oj ch'oxnc 'el in paltail.

Salmos 26:1

Mamin Jehová alcn 'eli to may in mul, yujto wach'n̈j tas tzin b'o'o. Caw 'aych 'och yipc in c'ojol, may xon in chab'c'ojlal 'ayach.

Salmos 37:37

Tzcham wal cochc q'ueln 'a eb' wach' snab'en, caw wach' 'oj 'el'choc eb', yujto a junc'ojlal tzsayc' eb'.

Salmos 41:12

An xo pax tic, wach'n̈j xwutj in b'a 'a ojltac. Quetzn chan̈ Mamin, 'aynn̈ej cab' 'ec' et'oc.

Pr 11:8

A mach tojl sb'eyb'al, tzcolx 'el 'a scal yailal yuj Dios; ax junc tu sb'eyb'al, a tz'ochx can syailal sjelc jun cha.

Pr 13:6

Toto tojl qui b'eyb'alec, may tas tzon̈ 'i'ni; ax toto may qui ch'olnilec, caw wal tzquijec cot 'a quib'an̈.

Pr 14:2

A eb' wach' sb'eyb'al, caw 'ay yel'ch Jehová 'a sat eb'; ax eb' tu sb'eyb'al, toc 'ay yel'ch 'a eb'.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Pr 16:17

Toto tojl qui b'eyb'alec, tzqui'nec 'el qui b'a 'a scal maysch'olnil; toto tzca'c cuenta qui b'eyb'al, wan qui ya'ilnec qui b'a tzyal cha.

Jn 9:3

—A jun winc tic, man̈ yujoc smul smam snun, man̈ yujoc pax smul winac, 'ixta yajcn winac. Yujto a Dios tznib'j tzch'ox junc milagro yet' winac, yuj cha, 'ixtc yaj winac.

A Scarta San Pablo D'a Eb' Aj Filipos 3:12

Matz wala, toto tox xwac' ganar jun tzo'n̈ xwal tic. Yujto mant toc caw tz'acn in 'a smasnil. Palta caw an̈ja tzwac' 'ip ticnec, sec toq'ue 'oj in tz'acw 'a smasnil. Yujto a Cristo Jesús, tox in yique'ej.

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

A Sb'ab'el Carta San Pedro 5:10

A 'a yic 'oj lajwc cab'nec syal jab'oc tiempoal, ax Dios 'oj on̈ swach' tz'acb'tzoquec, 'oj swach' 'a'c qui te'nalec, yet' quipec. Caw 'oj on̈ smolc ta'. Yujto a Dios, man̈ jantcoc swach'c'ojlal tzyac' 'ayn̈ec. A on̈ 'awtnec 'och yico'oc, sec wach' a jun caw swach'il, a 'oj yac' 'ayn̈ec 'a jun 'ejmn̈ej, yujto junxn̈ej cajc yet' Jesucristo.