Job 2:13 - Chuj San Sebastian Bible

¹³ Ax yic xjaw eb' 'a stz'ey winac, 'ix 'em wocn eb' 'a sat lum yet'oc, uque c'u uque 'ac'wl xcann̈j eb' yet' win ta', may xon junc eb' tzpaxtini, yujto caw wal ow ya'n syailal win tzyil eb'.

Chuj San Mateo Bible

¹³ Ix em c'ojan eb' vin̈ d'a sat lum yed' vin̈, uque' c'ual, uque' ac'val ix ec' eb' vin̈ yed' vin̈ ta', malaj junoc b'elan̈ lolonel ix yal eb' vin̈, yujto te ov yac'an syaelal vin̈aj Job chi' ix yil eb' vin̈.

Job 2:13 ပူးပေါင်းရင်းမြစ်များ

Gn 1:5

A sacq'uinl cha, xya'n Dios sb'ic c'ual, ax q'uic'q'uinal, xya'n sb'ic 'ac'wal. X'ec' jun 'ac'wal, yet' jun c'u, 'ixta x'aj yec' b'ab'l c'u.

Gn 1:8

A jun tas jen̈n 'ec' 'a yib'n̈ yolyib'n̈q'uinl tic, satchan̈ sb'i yuj Dios. X'ec' junx 'ac'wal, yet' junx c'u, 'ixta x'aj yec' schab'l c'u.

Gn 50:10

A yic xjaw eb' 'a Goren-ha-atad, 'a stojlal 'aj tzq'uel c'u 'a a niwn a Jordán, ata 'ix stan̈wj eb' yac'wlil sniwnal win Jacob, ax José caw wal niwquil xcus yuj smam chi 'a uque c'ual.

Esdras 9:3

A yic 'ix wab'n jun cha, xin tzilnjat in pichul, xin to'n 'el xil in jolom, yet' xil in ti', yuj in ch'oxn 'el in cusc'ojlal. Xlajw cha, in 'em wocan, man̈x in 'anmac xwab'i.

Nehemías 1:4

A yic xwab'n jun tzo'n̈ paxti cha, in 'emwocn woq'ui, caw in cus jaye c'ual, in 'och 'a c'ajb'c'ojlal, in leslwi 'a Dios 'ay yic satcha'an̈.

Job 3:1

Xlajw yec' uque c'u cha, 'ix yaln win Job jun tzo'n̈ tu paxti 'a yib'n̈ jun c'u 'aj 'aljnac, xyaln 'ixtic:

Job 4:2

Q'uinloc tzon̈ paxtin jac et'oc, tu 'am tzab'i, palta tecn man̈ smojc to ton̈j sictac tzon̈ can on̈.

Salmos 77:4

Mamin Jehová, may 'aj tzin a chaj wayoc, caw man̈x in 'anmac tzwab'i, man̈xtzac stac' in paxtini.

Is 3:26

Ax smasnil eb' 'aj Jerusalén, 'oj 'oc' eb' yuj scusc'ojlal, yujto sch'ocxoj eb' 'oj canoc.

Is 47:1

Tzyal Dios 'ixtc 'a Babilonia: 'Emn̈ta 'a a despacho, 'emn̈ wocn 'a scal pococ. Yujto a 'a yic pecti', lajn wal elx 'icha junc 'ix cob's mant 'a yichmil. Ax ticnec, man̈x 'oj alxoc 'aych 'ixtic: 'Ix cob's 'unn ya'ilb'il.

Lm 2:10

A eb' yichm wincal chon̈b' Sión, sictac xoj yaj eb', wocn 'ejm eb' 'a sat lu'um. Tzlaj sjopn q'ue eb' pococ 'a sjolom, tzya'n 'och eb' jun tzo'n̈ pichl n̈achtac sat. Ax eb' 'ix cob'stac 'ix 'aj Jerusalén, c'uxn tzlaj 'em quiln sat eb' 'ix 'a sat lu'um.

Ez 3:15

A yic in c'och 'a chon̈b' Tel-abib, 'a 'aj cajn eb' wit israelal 'icha preso yaj 'a sti a niwn a Quebar, in 'em wocn yet' eb' 'aj wocn 'ejm cha, uque c'u in can yet' eb' ta', ton̈j sat in c'ojl 'a scal eb'.