Job 18:18 - Chuj San Sebastian Bible

¹⁸ 'Oj 'ijxoc 'el 'a scal sacq'uinal, ax sjulx can 'at 'a scal q'uic'q'uinal, 'oj 'ijxoc 'el 'a yolyib'n̈q'uinl tic.

Chuj San Mateo Bible

¹⁸ Ol ic'chajel d'a scal eb' pitzan b'aj sacq'uinal. B'aj ay eb' chamnac d'a q'uic'alq'uinal ol yumjoccanb'atoc.

Job 18:18 ပူးပေါင်းရင်းမြစ်များ

Job 10:22

'Oj in can 'a jun lugar to man̈x 'a sacq'uinl tz'ilx ta', musn xoj ta 'a smasnil tiempo, 'a 'ajtil to a sacq'uinl tic, a chi q'uic'q'uinl pax yaj ta', xchi win Job.

Job 11:14

Toto 'ay a mul 'aych 'a eb'an̈, wach' to tzej 'el a b'a 'a yalan̈; man̈ e'ch jun tzo'n̈ maysch'olnil chi 'a yol atut.

Job 18:11

Tzanxn̈ej 'aj 'oj 'ec'oc, 'ay xoj smay schami, tza'n 'och eb' tzpechn b'ey chi yuj tzyab'i.

Job 20:26

A q'uic'q'uinal, a 'oj c'ub'nc 'el smasnil tas c'ultac yaj yuj eb'. Ax jun c'ac' may tz'aj stupi, a 'oj n̈usntz'a eb' yet' smasnil tas 'ay 'a 'a.

Job 20:8

Ton̈j 'oj satchan̈ eb' 'icha junc tas tzquil 'a qui wayich, man̈x 'a mach 'oj 'ilnc eb'.

Job 27:21

'Icha tzyac' junc tas tz'ec' smac' 'elt 'ic' tzcot 'a stojlal 'aj tzq'uel c'u, 'ixta 'oj 'aj yijx 'el eb' 'a yatut.

Job 27:23

A jun 'ic' cha, caw wal 'oj jommoc, ax xub'n sc'an̈ s'at 'a spatc eb'.

Job 3:20

¿Tasm yuj tzyac' Dios sacq'uinl 'a yib'n̈ eb' tz'ixtxi? ¿Tasm yuj an̈ja ya'n sacq'uinl 'a yib'n̈ eb' 'aych 'a cusc'ojal?

Job 5:14

Caw wal chimc'ual tzlaj telw 'ejm eb' 'icha to 'ac'wl xo 'ayc' eb'. Toxn̈ej tzlaj smachlc eb' tz'ec' eb'.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Is 22:18

'oj ach in julcn 'at c'olc'noc 'icha junc pelota, caw najt 'oj a 'ati, ata 'oj a c'ochcn 'a jun lum lum caw lewn sat. Ata 'oj a chami, ax yoch wan jun tzo'n̈ caruaje tz'i'n chan̈ a b'inab'ilal, caw 'oj ac' sq'uixwloc eb' et munljuml 'ayc' 'a yatut win ajlil.

Dn 4:33

A wal 'a yic jun rato cha, 'ix 'el'ch tas alb'il can 'a yib'n̈ win rey cha, 'ix pechx 'el 'a scal eb' 'anma'. A te c'ultc slo 'icha no wacax, 'ix 'ejm chicb'chan̈ 'a yib'n̈ sniwnal. 'Ix q'uib' xil 'icha xil no salt'iw, xq'uib' pax yech 'icha yech no salt'iw cha.

Dn 5:21

'Ix pechx 'el 'a scal yit 'anma'il, 'ix jelmj snab'en, lajn x'aj snab'en 'icha no noc'. Ax yet' no calcte'al b'uru 'ajnc cajan, a te c'ultc slo 'icha no wacax. 'Emnc chicb'chan̈ 'a yib'n̈ sniwnal, masnto xnachj 'el yu'uj, chajtlto a jun Dios cojxn niwn yel'chi, a tz'a'n yajlil 'a yib'n̈ eb' tz'och reyal. A mach tznib'j tzya'ch yajlil 'a junjn chon̈ab', tzya'chn̈ej.

San Judas 1:13

'Icha wal tzyac' yib'n̈ a mar, caw ow sq'ue wan chel-loc, 'ixta 'eb', yujto toxn matz tac' stenx 'och wan eb' 'a maysch'olnil. 'Icha swom a a tzcan 'a sti', til wal tastc maysch'olnil 'aych 'a scal, 'ixta eb' yuj jun tzo'n̈ q'uixwelal chi tzb'o cha. Q'uinloc 'ay junc c'anal tzsat 'a sb'e, 'ixta eb'. Yowlal 'oj c'och eb' 'a scal jun niwquil q'uic'q'uinal. Ata 'oj can eb' 'a jun 'ejmn̈ej.

A Ch'an̈ B'ab'el Libro Samuel 2:9

Ach tza tan̈wj eb' eco', palta ax eb' maysch'olnil, ata tzcham eb' 'a scal q'uic'q'uinal. Matz tac' qui q'ue'ch yet' qui jelnal 'a mun yol quic on̈.