Job 18:11 - Chuj San Sebastian Bible

¹¹ Tzanxn̈ej 'aj 'oj 'ec'oc, 'ay xoj smay schami, tza'n 'och eb' tzpechn b'ey chi yuj tzyab'i.

Chuj San Mateo Bible

¹¹ Ayn̈ejoch xivc'olal d'a spatic yichan̈, ichato spechji b'eyec'oc.

Job 18:11 ပူးပေါင်းရင်းမြစ်များ

Job 15:21

A yic tzyab'n eb' sc'an̈ junc tas, caw tzxiw eb' yu'uj, ax yic cob' may tas tzna eb', a paxta tzjaw maysch'olnil chi 'a yib'n̈ eb'.

Job 18:10

A jun ch'an̈yal cha, c'ultac 'oj 'aj 'ejm 'a yol sb'e, ax yic 'oj 'ec' ta', ax scan sut'n 'a 'a.

Job 18:18

'Oj 'ijxoc 'el 'a scal sacq'uinal, ax sjulx can 'at 'a scal q'uic'q'uinal, 'oj 'ijxoc 'el 'a yolyib'n̈q'uinl tic.

Job 20:25

A jun jul-lab' cha, tojln̈ej yec' 'a yol sniwnal eb', tz'ec' 'a seyb' eb', tz'elx c'och 'a yichspatc eb'. A yuj jun cha, ax sniwtj chan̈ xiwc'ojlal 'a scal 'anma'.

Job 20:8

Ton̈j 'oj satchan̈ eb' 'icha junc tas tzquil 'a qui wayich, man̈x 'a mach 'oj 'ilnc eb'.

Job 22:10

Atn yuj cha, tz'och 'oyn maysch'olnil 'ayach, tzach somchj chan̈ yuj tas 'ay smay.

Job 27:20

A jun tzo'n̈ tas 'aj tzxiw eb', a 'oj jawc 'a yib'n̈ eb' 'icha a 'elmal a', 'icha tz'aj yijx 'at junc tas yuj 'ic'n̈ab' 'a yic 'ac'wal.

Job 6:4

Yujto a Dios tztac' yuj smasnil, 'icha to 'ix 'och sjul-lab' 'a in niwnal. A jun sjul-lab' cha, caw 'ay svenenoal sti', yuj cha, caw wal tzyab' in niwnal syail. A Dios 'ix yoych wal tas 'ay smay 'ayin.

Salmos 53:5

Wach'xam may tas tzxib'tn eb', palta caw 'oj 'ib'xoc chan̈ eb' yuj xiwlal. Yujto a Dios 'oj 'a'n sactzic sb'acl eb' 'ajc'ojl cha. 'Oj cancn eb' 'a q'uixwc'ojlal, ax spatquilx can 'el eb' yu'uj.

Salmos 73:19

Wal 'a yajn̈ej ax satl eb', scal xiwc'ojlal 'oj lajwc 'el eb'.

Pr 28:1

A mach tzb'on maysch'olnil, wach'xam may mach tzpechni, palta mun tz'at 'eloc; ax pax mach wach' snab'en, te'tec' yaj 'icha junc no león.

Is 28:19

A yic 'oj jawc 'a junjn 'ejem, 'oj e jucx b'ey yu'uj, 'oj jawc 'ayx 'a junjn sq'uin̈b'ial. Sc'ual yac'wlil 'oj eyib'x can chan̈ yu'uj, yic 'oj eyab'nc yab'xil.

Jeremías 46:5

¡Tas jun wan yuj tic! A tzwila to a eb' soldado win Necao wan laj smeltzj eb' 'a spatc yuj xiwc'ojlal. A wal eb' 'a'm owl cob' cha, caw sactzicnac s'at eb' 'eloc. Man̈xtzac yil't eb' jac 'a spatic.

Jeremías 49:29

'Ijec 'ec' scalnelu eb', smantiado eb', yet' jantcn̈ej syamc'ab' eb'. 'Ijec 'ec' pax scameyo eb', tzlajw cha, tzeya'n 'el eyaw, tzeyaln 'ixtic: Caw 'ayxn̈ej xiwc'ojlal 'a smasnil lugar, xe chi.

Jeremías 6:25

¡Man̈x ex 'at munljoc, man̈x ex 'ec' b'eyc'oc 'a yoltc b'e! ¡Yujto a eb' 'ajc'ojl yajch 'ayn̈ec, 'ayx 'ec' eb' yet' syamc'ab' yic owal. 'Ayxn̈ej xiwc'ojlal 'a smasnil lugar! xchi eb' 'anma cha.

Dn 5:9

Caw wal xwach' xiw win rey Belsasar chi si'mb'il, caw xwach' sacb'el sat win yuj xiwlal. Ax smasnil eb' yajl 'ayc' yet' winac, man̈x 'ic nachj 'el yuj eb', tas tzyutj eb'.

Lv 26:36

Ax eb' eyin̈tl pitznto 'a scal eb' 'ajc'ojl yajch 'ayx cha, 'oj wac' jawc xiwc'ojlal eb' si'mb'il. 'Oj laj comn 'at eb' 'eloc, yic 'oj yab'nc eb' sc'an̈ yem c'otnjoc junc xil te'. 'Oj laj 'at eb' 'eloc, 'icha to 'ay mach pechjnac eb' yet' q'uen espada. 'Oj laj smac' telwc sb'a eb' s'at 'eloc, palta may mach tzpechn eb'.

2 Co 5:11

An̈ xo tic on̈, a 'a Cajlilec 'aj 'ayx qui xiwc'ojlal on̈. Yuj cha, caw tzcac' quip ca'n snab'enoc eb' 'anma 'on̈. A Dios, yojc xo, tas yaj qui nab'en on̈. Ax xo, tzin nib'ej, tzeyojquej pax 'el tas yaj qui nab'en on̈.

A Ch'an̈ B'ab'el Libro Samuel 28:5

A yic 'ix yiln 'at Saúl to caw 'ay yip eb' filisteo, caw 'ix xiwi, 'ix somchj 'el snab'en.