Job 15:23 - Chuj San Sebastian Bible

²³ Ax sniwnal eb' cha, a no 'usj 'oj chinoc. Yojc xon pax eb' to a tas tzjaw 'a yib'n̈ eb' cha, to ma'oj 'ec'oc.

Chuj San Mateo Bible

²³ Axo snivanil eb' ol chijocb'at yuj noc' ostoc. Yojtac eb' to a tas ol cot d'a yib'an̈ eb', man̈ ol ec'laj.

Job 15:23 ပူးပေါင်းရင်းမြစ်များ

Gn 4:12

A yic 'oj a munlj 'a sat lum lum tic, may jac 'oj ec' 'a sat lu'um, ma'oj elj xon jab'oc, ton̈j 'oj a satc' 'a sat lum lum tic, ya' sb'a 'aych 'ec' 'a yolyib'n̈q'uinl tic, xchi 'a winac.

Job 15:22

Man̈x 'oj stac' scoln 'elt sb'a eb' 'a scal q'uic'q'uinal, tecn xo 'och q'uen cuchlub' 'a eb' yic tzmilx eb'.

Job 15:24

A yailal mto xiwc'ojlal cha, a 'oj 'a'nc somchjoc 'el snab'en eb', 'icha tzon̈ 'ajc qui xiw chan̈ yuj junc win rey tzjaw yac' owl quet'oc.

Job 15:30

Man̈x 'oj stac' scoln 'el sb'a 'a scal q'uic'q'uinal. Lajn wal 'oj 'aj 'icha junc te sc'ab' te tz'a yuj te c'ac', mto tzma'x 'el snich te yuj 'ic'.

Job 18:12

Caw 'oj 'el yip yuj wejel, ax yailal, q'ueln xo 'och 'a 'a, yic tzjaw 'a yib'an̈.

Job 18:18

'Oj 'ijxoc 'el 'a scal sacq'uinal, ax sjulx can 'at 'a scal q'uic'q'uinal, 'oj 'ijxoc 'el 'a yolyib'n̈q'uinl tic.

Salmos 109:10

Stitc n̈a cab'n̈ej 'aj 'oj 'ec' eb' yunnal sc'an jac tas tzc'uxu. Pechx cab' 'el eb' 'a 'aj juwnac can yatut cha.

Salmos 59:15

Caw matz 'och wan xon eb' sb'eyq'ui tz'ec' 'ac'wal, yic tzsayn 'ec' eb' tas tzc'uxu, tz'el yaw eb' 'icha 'oques, yujto matz c'och sc'ojl eb'.

Salmos 59:16

Palta an xo pax tic Mamin, 'oj ach in b'itnoc 'a caw sq'uin̈b'ilto. 'Oj walcn 'el a chamc'ojlal yet' in b'it, yuj pax smasnil tas tztac' o'oj. Yujto a 'aych tzin col in b'a 'a yic stiempoal 'ay in yailal, 'icha to wen̈l aji.

Pr 10:3

A Jehová matz chaj jawc wejl 'a yib'n̈ eb' wach' sb'eyb'al, palta ax eb' maysch'olnil sb'eyb'al, matz tzchaj yac' eb' sgana yet' tas tznib'j cha.

Pr 16:4

A Jehová, a xb'on can smasnil tas yic tz'el'ch tas nab'il yu'uj; an̈jtona', a 'ix aln cani to a eb' 'anma maysch'olnil snab'en, a eb' 'ay yaln yic 'a yailal.

Ec 11:8

Wach'xam niwn tiempo tzquila, ca'c 'ip ca'nec tzaljoc qui c'ojol. Tzcham wal qui nanec, to niwn pax tiempo 'oj qui canc 'a campusan, man̈x 'a tas 'oj ca'c ganar ta'. Man̈xtzac nachj cujec tas yaji.

Lm 5:6

Xqui b'acht qui c'ab' 'a eb' 'aj Egipto, yet' 'a eb' 'aj Asiria, yuj qui chan jac tas tzqui c'ux 'a eb'.

Lm 5:9

Scal xiwc'ojlal tz'at quic' jac tas tzqui c'ux on̈, yujto 'ay smay yuj eb' 'a'm owl 'a lum cusltac lu'um.

Jl 2:2

A 'a jun c'u cha, caw q'uic'q'uinl 'oj 'ajoc. 'Oj 'och q'ui'l 'asun, yuj cha, 'oj 'och wewen. A wal no c'ulub', lajn wal no 'icha eb' soldado caw niwn sb'isul. Caw b'essi sb'ey e no 'icha wal sb'ey b'essoc wewen, masnto tzmacchj 'el lum jolmctac witz yu'uj. Mant 'a 'aj ujnc jun tic jun 'ejmoc 'a yic yaln̈taxi, man̈x 'a pax b'a'n̈ 'oj 'ujc jun 'ejm xo.

Am 5:20

A jun c'u yic yowl sc'ojl Jehová cha, caw q'uic'q'uinl 'oj 'ajoc, man̈x 'a jac sacq'uinl 'oj checljoc.

Sofonías 1:15

A jun c'u cha, yic ton wal yowl sc'ojl Dios, yic yailal yet' cusc'ojlal. A yic cha, 'oj ma'xoc can 'ejm lan̈chjoc chon̈ab', cusltac xoj 'oj 'ajcni. 'Oj 'och q'uic'q'uinal, 'oj 'och q'ui'l 'asun, caw q'uic'q'uinl 'oj 'ajcni.

A Ch'an̈ Carta D'a Eb' Hebreo 10:27

Toto 'ixta', cojxn jun niwn yailal tzqui tan̈wjec, yet' jun c'ac' tzn̈ilchji. Smoj caw tzon̈ xiwc yu'uj. Yuj jun c'ac' cha, ax slajw 'el eb' 'ajc'ojl yajch 'a Dios.