Job 14:2 - Chuj San Sebastian Bible

² Lajn on̈ 'icha junc nichte wanto cob' spojli, ax tz'aji, tztacj pax 'el muc'uc; 'ixta yec' qui q'uinl on̈, lajn pax tz'aj yec' 'icha junc wewen.

Chuj San Mateo Bible

² Lajan co q'uinal tic icha junoc an̈ xumac vanto spojeli, elan̈chamel stacjipaxi. Lajan pax icha tz'aj satxicanem junoc en̈ul.

Job 14:2 ပူးပေါင်းရင်းမြစ်များ

1 Cr 29:15

Yujto an̈ tic on̈, 'e'lb'a quec' 'a a sat on̈, lajn quec' 'icha 'e'nc smasnil eb' qui mam quichm on̈; a qui q'uinl 'a sat lum lum tic on̈, lajn 'icha xob' lum lu'um, caw yajn̈ej tz'eq'ui.

Job 15:33

Lajn 'oj 'aj 'icha te sat uva ton̈j tzpucl 'a te snun cha, matz 'e'maxi, mto 'icha tzyac' te snich te olivo ton̈j tzpucli.

Job 8:9

An̈ec tic, 'icha to 'ewt on̈ jawc 'a yolyib'n̈q'uinl tic, mant 'a jac tas cojquec; ax jab' qui q'uinlec 'a sat lum tic, lajn wal yec' 'icha wewen.

Salmos 102:11

A 'in q'uinal, lajn wal yec' 'icha junc wewen, wan in tacj chan̈ 'icha te c'ultac.

Salmos 102:12

Ach xo pax Mamin Jehová, yajl ach 'a jun 'ejmn̈ej. 'Oj naxoc cot a b'i yuj junjn c'aj eb' 'anma tz'ec' 'a sat lum lum tic.

Salmos 102:5

Tox 'ix tacj 'och in tz'umal 'a spatq'uil in b'aquil, yujto til wal yel waw woq'ui.

Salmos 144:4

An̈ 'anman̈ tic on̈, lajn on̈ wal 'icha qui'n quic' jun 'ejmoc, 'ixta quec' on̈, ax qui q'uinl tic on̈, lajn wal yec' 'icha wewen.

Salmos 37:2

Yujto yajn̈ej ax satl eb' 'icha te c'ultc c'un stacji, 'icha pax te nichte c'un spucli.

Salmos 39:5

Caw wal c'ochn 'ix otj can in q'uinal, 'icha to may jac yel'ch 'a a sat. Yel ton b'i'an, qui masnil an̈ 'anman̈ tic on̈, caw may yel'ch jab' qui q'uinl tic on̈.

Salmos 39:7

Ax ticnec Mamin, ¿tas wach' tzin tan̈wej? Cojxn̈ej ach 'aych 'och yipc in c'ojol.

Salmos 92:12

Palta ax eb' wach' snab'en, 'icha to 'oj nichnoc eb' 'icha te palma, ax sq'uib' eb' 'icha te c'ute 'a Líbano.

Salmos 92:7

Wach'xam a eb' 'ajmul 'anma', mto eb' tzb'on maysch'olnil tzq'ue wan tzicnjoc 'icha sq'uib' te c'ultac, yajn̈j cha tz'och yip eb', palta jab' wal tiempo 'ixta tz'aj eb'. Tzlajw cha, tzsatx can 'el eb' 'a jun 'ejmn̈ej.

Ec 8:13

A eb' maysch'olnil sb'eyb'al, may jac wach'l 'oj yil eb', ax sq'uinl eb', lajn yec' 'icha junc wewen, yujto may yel'ch Dios 'a sat eb'.

Santiago 4:14

Palta 'in man̈ cojcoquec tas cajc q'uic'an. A qui q'uinlec 'a yolyib'n̈q'uinl tic, yajn̈ej tz'eq'ui. Lajn 'icha xob' lu'um, junn̈j rato tzlajw q'ue wa'an.

A Sb'ab'el Carta San Pedro 1:24

'Icha tzyal 'a Ch'an̈ U'un̈: A sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb', 'icha tz'aj slajw 'ejm swach'l yilx te nich te 'ay 'a lum 'a'lic. A te c'ultac, caw yajn̈ej tztacj can 'el te', ax snich te', tzlaj puccn 'eli.