Job 14:12 - Chuj San Sebastian Bible

¹² 'ixta tzon̈ 'aj qui cham an̈ 'anman̈ tic on̈. Ya' sb'a 'ayt 'ec' satchan̈ tic, may wal junc chamnc 'anma 'oj comn pitzwc chan̈ 'aj mucan, mto 'oj comn q'ue wan 'a yet'l cha.

Chuj San Mateo Bible

¹² icha chi' tz'aj co cham a on̈ anima on̈ tic. Yacb'an aytoec' satchaan̈ tic, malaj val junoc chamnac anima ol comon pitzvoc b'aj mucan, malaj junoc ol comon q'ue vaan d'a yed'tal chi'.

Job 14:12 ပူးပေါင်းရင်းမြစ်များ

Job 3:13

Comnoc chamnc in, to 'ixta', caw wal tzaljc'ojlal tzin wayi, caw wal tzin 'ilj 'a junc'ojlal.

Job 30:23

Wojc xo to wan in e'n 'at 'a chamel, atn jun lugar 'aj 'oj c'och smasnil 'anma pitznto ticnec.

Job 7:21

¿Tom wal matz tac' in a'n niwnc'ojlal yuj in mul? ¿Tom matz tac' in a'n niwnc'ojlal yuj tas maysch'olnil tzin b'o'o? 'In to jab'xoj in 'atcn 'a scal pococ, 'oj in a sayq'ui, palta man̈x 'oj wilchji, xchi Job.

Job 7:9

'Icha tz'aj satchan̈ 'asun yic tzc'achwi, 'ixta tz'aj sat 'ejm junc 'anma', yic tz'at mucxoc can 'a campusan;

Salmos 102:26

Smasnil jun tzo'n̈ tic, 'oj lajwc 'eq'ui, palta ach xo tic, 'aychn̈ej 'eq'ui. Smasnil jun tzo'n̈ tic, 'oj 'ichmaxc eb' 'icha te pichul. Ach 'oj a satli. 'Icha tzyac' junc mach tzjul-l junc spichul, 'ixta wal 'oj otoc.

Salmos 90:5

'Icha wal yijx 'at junc tas yuj a 'elmal a', 'ixta e'n 'ec' jab' qui q'uinl an̈ 'anman̈ tic on̈, mto 'icha junc wayich, 'ixta tzon̈ 'aj quec' on̈.

Ec 11:8

Wach'xam niwn tiempo tzquila, ca'c 'ip ca'nec tzaljoc qui c'ojol. Tzcham wal qui nanec, to niwn pax tiempo 'oj qui canc 'a campusan, man̈x 'a tas 'oj ca'c ganar ta'. Man̈xtzac nachj cujec tas yaji.

Ec 12:5

'Oj e xiw e q'ue 'a junc cha'an̈, 'ay xo smay eyec' 'a yoltc b'e. Ax syamn 'och sacb' xil e jolom, c'ojnc'ojnil xoj e yec' machljoc. Man̈x 'a pax tas 'oj e na 'a eyitb'eyum, yujto wan xo e 'at 'a jun e cajnub' 'a jun 'ejmn̈ej, ax eb' 'anma 'a yoltc caye 'oj laj 'oc' eb yuj e chamlil.

Is 26:19

Palta ax eb' chamnac, eb' to ec yaji, 'oj pitzwc pax eb'. A eb' 'icha ton̈j waynac, 'oj 'el swayn̈ eb' cha, ax sq'ue 'awjoc eb' 'a tzaljc'ojlal. 'Icha wal tz'aj sq'uel junc 'awb'en yuj chicb'chan̈ tz'ejm 'a yib'an̈, 'ixta wal 'oj otc a'n cot a sacq'uinlal 'a yib'n̈ eb' chamnac, yic 'oj q'uex wan eb' 'a 'aj mucan.

Is 51:6

Q'uen̈ec q'ueln 'a satcha'an̈, tzex 'emx q'ueln 'a sat lum tic: A satcha'an̈, 'oj sat 'ejm 'icha tzyac' te tab'. Ax lum lum tic, 'oj 'ichmaxc lum 'icha tzyac' junc pichul. 'Ichan̈ej tz'aj scham no 'us, 'ixta 'oj 'aj scham eb' 'anma cajn 'a sat lu'um. Palta ax colnb'il tzwac'a, 'ayc'n̈ej 'a jun 'ejmn̈ej, a 'in tojlal may slajub'.

Is 65:17

'Ab'ec, 'oj in b'o junx 'ac' satcha'an̈ yet' junx 'ac' yolyib'n̈q'uinal. A jun 'ayc' tic, 'oj 'ec'oc, man̈x 'a mach 'oj nanc coti, 'oj 'atcn 'a satc'ojlal.

Is 66:22

Yujto 'icha wal yilx jun 'ac' satcha'an̈ yet' jun 'ac' yolyib'n̈q'uinl 'oj in b'o', to 'oj cann̈j 'a jun 'ejmn̈ej, 'ixta 'oj 'aj e b'inax yet' eyin̈tl 'a smasnil tiempo.

Dn 12:2

Til wal eb' chamnc xo 'oj pitzwc paxi. 'Ay eb' 'oj scha sq'uinl 'a jun 'ejmn̈ej. 'Ay pax jun tzo'n̈ xo eb' jun, 'oj 'atcn eb' 'a q'uixwc'ojlal 'a scal yailal 'a jun 'ejmn̈ej.

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

A Tas Sc'ulejnac Eb' Schecab' Jesús Hechos 3:21

Palta a ticnec, yowlal 'oj can Jesucristo 'a satcha'an̈, masnto 'oj jawc jun tiempoal, ax sb'o yaj smasnil tas yu'uj. A Dios ya'jnac yal-l eb' schecb' pecti'. A eb' cha, caw yicn̈ej yaj eb'.

Ro 8:20

Yujto a jun tzo'n̈ tas sb'ojnac Dios, c'uxn juwnac xo, man̈x 'a swach'il. Man̈ munoc sjujnac sb'a 'ixta', yujto a Dios 'a'jnac juwoc. Palta 'ay wal jun tiempoal tan̈b'il sjawi,

Ef 5:14

Yuj cha, 'ay jun tzaln 'ixtic: Ach 'icha to waynac, 'ij 'el a wayan̈. Q'uen̈ wan 'a scal eb' 'icha to chamnc to. Ax Cristo 'oj 'a'nc sacq'uinl 'ayach, xchi.

A Schab'il Carta San Pedro 3:7

A satcha'an̈ yet' sat lum tic, an̈ja 'ayc' ticnec. Palta yaljnac can Dios, to yowlal 'oj cann̈j 'ixtic, masnto 'oj 'ajxc 'emt c'ac' 'a 'a. Atta 'oj jawc jun c'u yic b'eyc'ojlal. Ax eb' may yel'ch Dios 'a sat, 'oj satcn 'el eb' 'a jun 'ejmn̈ej ta'.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.

Apoc 21:1

Xlajw cha, xwiln jun 'ac' satcha'an̈, yet' jun 'ac' yolyib'n̈q'uinal. Yujto a jun b'ab'l satcha'an̈, yet' jun b'ab'l yolyib'n̈q'uinal, satnc 'eli. An̈jtona a mar, man̈x 'a a'.