Job 12:4 - Chuj San Sebastian Bible

⁴ Ex in wach'c'ojol, wach'xam an tic may in mul, may pax in paltail; wach'xam xyab' pax Dios waln in b'a 'a yic yaln̈ cha, palta ax ticnec, ton̈j tzin e tzetzej.

Chuj San Mateo Bible

⁴ Vach'chom a in tic malaj in mul, ma in paltail, vach'chom ix yab' Dios in tevi d'a yalan̈taxo, axo ticnaic toxon̈ej tzin tzetzaji.

Job 12:4 ပူးပေါင်းရင်းမြစ်များ

Job 11:3

Am wal a nani to yuj til wal tas tz'el aln tic, ax qui can an̈ tic 'a sictacl on̈. Am tzotj a nani to man̈x 'a mach tztac' spacn jun tzo'n a b'uchwal paxti cha.

Job 12:5

A eb' may jac tas tzjaw 'a yib'an̈, tzpatquilj can 'el eb' junc mach 'oltac yaj yuj syailal; toc 'ay yel'ch junc chi 'a eb', wach'xam tztelw jun 'oltac cha.

Job 13:18

A ticnec, tox xin na'a tas tzwutj in coln in b'a, yujto wojtac to wach' 'oj wel'chi.

Job 16:10

Til wal 'anma tzyam sb'a yic tzin laj sb'uchn eb', tzlaj spawnc 'och eb' sc'ab' 'a in ti', caw man̈x 'a yel'ch tzin yutj eb'.

Job 16:20

Ex in wach'c'ojol, 'in ton̈j tzex b'uchwj 'ayin, an xo tic, tzin 'o'n̈j 'a yojltac Dios.

Job 17:2

Ax eb' 'anma', oyn 'och eb' 'ayn 'a smasnil tiempo; 'ay eb' tzin laj b'uchni, tzlaj ya'nc eb' cus in c'ojol.

Job 17:6

Ach 'ix ac' yal eb' 'anma tu paxti'al 'ayin, 'ix laj tzub'n 'och eb' 'a in sat.

Job 21:3

'A'c wal niwnc'ojlal 'ayin ya' sb'a wanto in paxtini, tzlajw cab' in paxtin tic, tzin e tzetzn cab' paxi.

Job 30:1

Palta ax ticnec, a eb' quelmtac winac ton̈j tzin stzetzj eb', a 'a yic yaln̈tax cha, man̈ smojc xin chaj 'och wan smam eb' yet' e no in tz'i tztan̈wni in calnelu.

Job 30:9

Ax ticnec, tzin laj sb'uch eb' yunnal eb', tzin laj yetz'tanc eb'.

Job 34:7

Toxn may mach lajn 'icha Job tic, caw tzb'uchwj 'a Dios, lajn wal 'icha jac a a tzcuq'uej.

Job 6:29

'Actjec eyaln jun tzo'n̈ chi 'a wib'an̈; comnoc tzeyojquej 'eli, to yel jun tzo'n̈ tzwal tic.

Job 9:21

Wach'xam may in mul, palta man̈x 'a yel'ch jun chi 'ayin; man̈xtzac in nib'j to pitzn in.

Salmos 35:16

Caw ya in 'ec' yuj eb', in laj sb'uch eb', xjuch'ch'i ye eb' in yiln yet' schichnc'ojlal.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Pr 14:2

A eb' wach' sb'eyb'al, caw 'ay yel'ch Jehová 'a sat eb'; ax eb' tu sb'eyb'al, toc 'ay yel'ch 'a eb'.

Jeremías 20:7

Mamin Jehová, caw ton̈j in 'a montej. 'Ix in yiclj tas 'ix ala. Yel xo wal caw 'ay ep, yuj cha, in 'ejm o'oj. Smasnil tiempo tzin tzetzxi, smasnil xoj 'anma tzin b'uchni.

Jeremías 33:3

C'anb'j 'ayin, 'oj wal jun tzo'n̈ tas caw niwn yel'ch 'ayach, to satjub'tac yalxi, atn jun tzo'n̈ to mant ojcoc.

Miqueas 7:7

Palta an xo pax an tic, a Jehová 'aych yipc in c'ojol. Cojn Dios in Colmal yaji, a yipc'ojlal yaj wu'uj, yujto 'oj yab' tas 'oj wala'.

Mt 27:29

'Ix spalch'ab'j ewin jun te q'ui'ix, setnxoj x'aji. 'Ix ya'n q'ue ewin 'a sjolm Jesús scoronaoc, sec tzyetz'tej ewin yilx 'icha junc rey. 'Ix ya'ch ewin jun te 'aj sc'occhoc 'a swach' c'ab', xlaj stz'acn ewin 'em cumn sb'a 'a yojltac. 'Ix laj b'uchwj ewin 'a 'a, 'ix laj stz'acn ewin yal 'a 'ixtic: —Tzaljan̈ ach sreyl cob' eb' israel, xchi ewinac.

Mt 9:24

Yuj cha, xyaln Jesús 'ixtc 'a eb': —'Eln̈ec 'a tic. A 'ix 'unn tic, man̈ chamncoc 'ix, ton̈j waync 'ix, xchi 'a eb'. Palta ton̈j 'ix tzewj eb' yu'uj.

Mr 5:40

Palta ton̈j 'ix tzetzj eb'. Ax yic xlajw yel eb' 'anma chi yu'uj, 'ix yi'n 'och smam snun 'ix, yet' eb' 'ayc' yet'oc, 'ix 'ochch eb' 'a 'aj 'ayc' 'ix 'unn cha.

Lc 16:14

Ax ewin fariseo cha, c'uxn xyab' ewinac tastc 'ix yal Jesús. Palta cojxn wal tumn 'aj 'aych snab'en ewinac. Yuj cha, ton̈j xb'uchwj ewin 'a 'a.

A Tas Sc'ulejnac Eb' Schecab' Jesús Hechos 17:32

A yic xyab'n eb', to tzpitzw pax eb' chamnac, 'ay eb' xb'uchwj 'a 'a, palta 'ay jun tzo'n̈ xo eb' xaln 'a 'ixtic: —'Oj qui c'anb'c cab' jun tzo'n̈ tic 'aych jun 'ejm xo, xchi eb'.

A Ch'an̈ Carta D'a Eb' Hebreo 11:36

'Ay jun tzo'n̈ xo eb' yab'jnac syal sb'uchxi, sma'xi. 'Ay eb' jalxjnac yet' q'uen cadena, yoch pax eb' 'a preso.