Job 12:2 - Chuj San Sebastian Bible

² A wal tzwutj wab'ni caw wal cojxn ex 'ojtnac smasnil tas 'a scal eb' 'anma', ax yic 'oj e chami, ax sat 'ejm smasnil jelnal.

Chuj San Mateo Bible

² A val svab'ani to a exxon̈ej eyojtac masanil tas d'a scal masanil anima. Ayic ol ex chamoc, tecan ol satcanel jelanil.

Job 12:2 ပူးပေါင်းရင်းမြစ်များ

Job 11:12

'Icha matz tac yalj junc 'anma 'a junc no calte'al b'uru, 'ixta pax junc mach may snab'en 'icha ach tic, ¿tom 'ay 'oj 'aj sjaw snab'en?

Job 11:2

A smasnil jun tzo'n̈ a paxti tic, smoj wal spacx eb' 'ayach, palta man̈ yujoc til wal tas tz'el alni, ax a b'oxcan muc'uc.

Job 11:6

Tzach sch'oxn 'a jun tzo'n̈ jelnal c'ultac yaji, atn jun tzo'n̈ caw 'ajltac snachj 'eli. Toto 'ixta', 'oj ojcoc 'eli, to mantzac yac' Dios a yailal 'icha wal tas smoj a chani.

Job 12:1

Yuj cha, xta'w pax Job, xyaln 'ixtic:

Job 15:2

A mach jeln snab'en, man̈ smojc sta'w yet' jun tzo'n̈ paxti may yopiso, mto jun tzo'n̈ paxti ton̈j tzsatcn 'at 'a scal 'ic',

Job 17:10

Palta ax ticnec, paxtinan̈c pax wab'i', a tzwutj wab'ni to may xon wal junc mach 'a e cal tic to 'ay sjelnal spaxtini.

Job 17:4

Ach 'ix ac' sat snab'en jun tzo'n̈ 'anma tic, sec wach' matz in yac' ganar eb'.

Job 20:3

Caw wal ya jun tzo'n̈ a paxti 'ix al 'ayn̈ on̈, palta tox xin na'a tas 'oj wutc wa'n spac 'ayach.

Job 26:3

Caw wach', ojc tzac' in nab'enoc yic tzin a cuyn an may in nab'en tic.

Pr 28:11

A eb' rico caw jeln snab'en eb' snani, palta ax eb' meb'a to jeln snab'en, tztac' yiln 'och eb' snab'en eb' rico cha.

Is 5:21

'Oltac wal eb' cob' tzyal jelnal sb'a, caw wach' cob' snab'en eb' chi 'a tzyutj snani.

1 Co 4:10

'Icha to may jac qui nab'en 'a sat eb' 'anma 'on̈, yujto 'aych qui nab'en 'a Cristo on̈. Palta ax xo, caw jeln ex xo 'a yic Cristo chi e nani. Cojc on̈, man̈toc te'n on̈ on̈. Ax xo, 'icha to caw te'n ex xo. An̈ tic on̈, tzon̈ spatquilj can 'el eb' 'anma 'on̈. Palta ax xo, caw 'ay eyel'ch 'a sat eb'.

1 Co 6:5

Tzwalb't jun tzo'n̈ tic 'ayex, sec 'oj e q'uixw 'eli. ¿Tom tze na'a, to may junc eb' 'a e cal tznachj 'el yu'uj? ¿Tom may junc eb' tztac' ex sb'onyaj ax creyente ex xo cha?