Job 11:20 - Chuj San Sebastian Bible

²⁰ Palta ax eb' maysch'olnil snab'en, 'oj cob' sayc' eb' mach 'oj colwjoc 'a 'a, palta caw nab'a xoj. Man̈x 'oj 'ilchjoc 'aj wach' scoln sb'a eb', axn̈ej schamlil eb' 'aj 'oj ya'ch snab'en, xchi win Zofar.

Chuj San Mateo Bible

²⁰ Axo eb' chuc spensar, olto scomon sayej eb' b'aj scolchaji, palta nab'axon̈ej. Man̈xo ol ilchaj b'aj syal scolan sb'a eb', axon̈ej chamel ol yac'och eb' yipoc sc'ool, xchi vin̈aj Zofar chi'.

Job 11:20 ပူးပေါင်းရင်းမြစ်များ

Job 12:1

Yuj cha, xta'w pax Job, xyaln 'ixtic:

Job 17:5

Toto yuj tas tz'ajx 'a junc mach, tzya'n stu nab'enal 'a junc swach'c'ojol, ax yunnal b'aq'uin̈, 'oj yab' eb' syal yuj jun cha.

Job 18:14

'Oj 'ijxoc 'el 'a scal sjunc'ojlal 'a yol yatut, ax sjucx 'at 'a yojltac xiwc'ojlal, atn chamel.

Job 27:22

'Oj 'ijxocn̈ej 'at eb' wach'xam tzat cob' ya'lc eb' s'at 'eloc, palta man̈x 'a niwnc'ojlal 'a eb'.

Job 27:8

¿Tas to junc 'aych yipc sc'ojl eb' maysch'olnil sb'eyb'al yic tzyi'n 'ec' Dios sq'uinl eb'?

Job 3:21

'Ay mach cob' tznib'j cham sb'a, palta matz cham paxi; wach'xam cob' tzsay tas tz'aj scham 'icha qui sayn 'ec' ricoal, palta matz 'ilchj yu'uj.

Job 3:22

At yic tzc'och junc 'anma chi mucxoc can 'a campusan, atta tzcan 'a tzaljc'ojlal.

Job 31:16

May 'aj ton̈j in 'och queln 'a eb' meb'a', yic 'ay tas sc'a'l tz'och yuj eb', man̈ ton̈joc xwila, x'och swejl eb' 'ix 'ix chamnc yichmil.

Job 34:22

A eb' maysch'olnil sb'eyb'al, matz tac' sc'ub'x 'el eb' yuj q'uic'q'uinal.

Job 6:9

Comnoc tz'el 'a sc'ojl in ya'n lajwoc sec tzin sat 'ejmi.

Salmos 142:4

'Ilt nab'n 'a in wach' c'ab', toc 'ay mach 'ayc' wet'oc, yujto may mach 'ojtnac in. May xon mach tzin colni, toc 'ay mach tz'och 'il wu'uj.

Salmos 69:3

Caw 'ix poj yol in jaj wawji, xq'ue syal yol in jaj. Caw 'ix c'unb' c'och yol in sat yuj in macn wil a jaw ach in Diosal.

Pr 10:24

A eb' maysch'olnil sb'eyb'al, a tas 'aj tzxiw eb', a jun tzo'n̈ chi tzjaw 'a yib'n̈ eb', ax eb' wach' snab'en, tz'el'ch tas tznib'j eb'.

Pr 10:28

A tas wan sjaw 'a yojltac eb' wach' sb'eyb'al, atn tzaljc'ojlal; ax tas wach' tan̈b'il yuj eb' maysch'olnil sb'eyb'al, matz 'el'chi.

Pr 20:20

A mach tzb'aj smam snun, 'oj 'ijxoc 'ec' sq'uinal, 'icha junc cantil tztupi.

Jeremías 25:35

A eb' yilmal chon̈ab', ma'oj stac' s'at eb' 'eloc, a eb' tzjucb'tzan eb' chon̈ab', ma'oj colchjoc can 'el eb'.

Lm 4:17

Caw wal on̈ c'unb' qui macn sjaw junc mach tzon̈ coln on̈, palta may mach xjawi. 'Ay cob' jun nacion̈ yipc'ojlal yaj cuj on̈, palta ma'ix stac' on̈ scolni.

Lv 26:16

an̈jtona 'in, 'oj in na', tas 'oj ex wutoc. 'Oj wa' cot xiwc'ojlal 'a eyib'an̈. 'Oj cot owya yab'il 'a e cal. C'a'lyab'il, 'oj 'och 'a e sat. 'Oj e tz'onb' cha'an̈, ax yel yip e niwnal. 'Oj cob' e b'o e munljel, palta ax eb' 'ajc'ojl 'oj molnoc sat smasnil eyawb'en cha.

Am 2:14

A 'a yic jun c'ul cha, a eb' jeln xon sb'eyi, man̈x 'oj stac' s'at eb' 'eloc, a eb' caw 'ay yip, man̈x 'a jac yip eb' ta', a eb' soldado caw tec'an, man̈x 'oj colchjoc eb'.

Dt 28:65

Ya' sb'a 'ayx 'ec' 'a jun tzo'n̈ nacion̈ cha, may xon jac e tzaljc'ojlal ta', ma'oj eyilj xon jab'oc, yujto a Jehová 'oj 'a'n jawc e xiwc'ojlal, caw cusltac yilx e sat yuj somc'ojlal.

A Ch'an̈ Carta D'a Eb' Hebreo 2:3

Toto 'ixta x'aj eb' cha, ¿tast wal 'oj cutquec qui coln qui b'a an̈ec tic, toto tzquijec 'el qui nab'en 'a jun qui colnb'il caw niwn yel'ch tic? Caw a Cajlilec, a b'ab'l aljnac yab'xil qui colnb'ilec tic. Ax eb' 'ab'jnac, sch'oxjnac 'el eb' chajtlto caw niwn yel'ch jun 'ab'x tic, xyaln pax eb' 'ayn̈ec.