Job 11:16 - Chuj San Sebastian Bible

¹⁶ ax a'n sat a c'ojl 'a yailal x'ec' 'a eb'an̈; jab'jnal 'oj sat 'a a c'ojol, 'icha tz'aj stup chan̈ a b'eymal a'.

Chuj San Mateo Bible

¹⁶ axo sat a c'ol d'a a yaelal ix ec' tic. Icha tz'aj stup a a' sb'eyi, icha chi' ol aj sat d'a a c'ool.

Job 11:16 ပူးပေါင်းရင်းမြစ်များ

Gn 41:51

A win b'ab'l 'unin, xyac' José sb'ic Manasés, yujto xyal 'ixtic: A Dios x'a'n 'at satc'ojlal wuj smasnil yailal x'ec' 'a wib'an̈, yet' smasnil eb' 'ayt wuj in b'a yet'oc, xchi.

Gn 9:11

A jun in trato 'oj wac' eyet' tic, man̈x 'oj in jela'. Man̈x 'oj in satl eb' 'anma', no noc' yet' a a', atn owl yaxn̈ab'. Man̈x 'oj jawc owl yaxn̈ab' 'oj satnc 'el smasnil lum lum tic jun 'ejm xo, 'icha jun x'ec' tic.

Job 22:11

Coynto scal q'uic'q'uinl xoj 'aj 'aych 'eq'ui, man̈xtzac stac' eln xon jab'oc; 'icha to a a 'elmal a wan ach yi'n 'ati.

Job 6:15

Palta ax xo tic ex in wach'c'ojol, ton̈j xe wach' juj in nab'en; lajn ex 'icha junc sb'e a 'elmal a tztacj chan̈ 'a yic man̈xtzac yac' n̈ab'.

Pr 31:7

sec 'oj sat sc'ojl eb' 'a tas tzyutj sb'a. Man̈x 'oj sna cot eb' smeb'a'il yet' syailal.

Ec 5:20

Ya' sb'a a Dios tz'a'n qui tzaljc'ojlalec cha, matz on̈ 'ochc 'il yuj tas 'ay tz'och cujec 'a junc xo c'u.

Is 54:4

Ex 'aj Jerusalén, man̈x ex xiwoc, man̈x 'oj e can 'a q'uixwc'ojlal, man̈x 'a mach 'oj eyi'n 'ejmi. 'Oj eyac' sat e c'ojl 'a tas x'aj yel e q'uixwel 'a yic yalan̈, atn 'a yic 'actb'ilx can 'icha tzyac' junc 'ix 'ix tz'actx can yuj yichmil.

Is 54:9

'Icha wal wutjnac wa'n in ti 'a win Noé yic ya'n owl yaxn̈ab', sec man̈x 'oj yac' jun chi jun 'ejm xo, 'ixta pax tzwutj wa'n in ti 'aych ticnec. Man̈x 'oj cot wowl 'ayach, man̈x 'oj ach in tumoc.

Is 65:16

Tzann̈j mach 'a jun nacion̈ tic, to tznib'j tzchaj yaxilal, sc'an cab' 'ayn an Dios in 'a caw yel. Tzann̈j mach to tzyac' sti yuj junc tas, ya' cab' sti 'ayn an Dios in tic 'a yel. A smasnil yailal xlaj 'eq'ui, tox x'atcn 'a satc'ojlal wu'uj.

Jn 16:21

Q'uinloc 'ay junc 'ix ticnec, wan yalj yune'. Tzcus toni, yujto 'aych 'a syailal. Palta ax yic tox 'ix 'alj yune cha, man̈xtzac sna cot syailal cha, caw tzalj paxi, yujto x'alj jun 'unn chi 'a yolyib'n̈q'uinl tic.