Job 11:14 - Chuj San Sebastian Bible

¹⁴ Toto 'ay a mul 'aych 'a eb'an̈, wach' to tzej 'el a b'a 'a yalan̈; man̈ e'ch jun tzo'n̈ maysch'olnil chi 'a yol atut.

Chuj San Mateo Bible

¹⁴ Actejcan a c'ulan chucal yed' juntzan̈ tas tza c'ulej d'a elc'altac.

Job 11:14 ပူးပေါင်းရင်းမြစ်များ

Gn 4:7

Toto wach' tas tza b'o'o, tzaljc'ojlal am aji, palta tu tas tza nib'j a b'o', yuj cha, a maysch'olnil chi q'ueln xo 'och 'ayach yic tzach ya'n telwoc, palta tztac' ach tzac' 'ejm jun maysch'olnil cha, xchi.

A Ch'an̈ Schab'il Libro Yic Yab'ixal Eb' Rey 17:13

Xlajw cha, schecn 'at Jehová eb' schecb' 'at yal 'ixtc 'a chon̈b' Israel yet' 'a Judá: 'Actjec can e tu b'eyb'al, tzeyiclni in checnb'il, in ley yet' smasnil in cuynb'il 'ix wac' yal eb' in checb' 'a eb' e mam eyicham, xchi.

Job 22:23

Toto tzej 'ejm a b'a 'a Dios jun tztac' yuj smasnil, tzach meltzj pax 'a 'a, 'oj ejx pax chan̈ yu'uj, ax yel smasnil yailal chi 'a yol atut.

Job 22:5

palta yel xo wal niwn a mul 'a sat, man̈x alchjb'enoc a mul cha.

Job 34:32

Ch'ox cot in mul matz in na cot cha. Toto 'ay 'aj tu xlaj wutej, ax ticnec, man̈x 'oj in b'o jun 'ejm xo, comnoc xa chi.

Job 4:7

Na cot nab'an, ¿tom 'ayx 'aj xjaw yailal 'a yib'n̈ junc mach to may smul?

Job 8:6

Toto yel wach' a nab'en tzyila, tojl tzotj a b'a 'a sat, 'oj ach stan̈woc, ax ya'n pax smasnil tas ec xon yaj 'icha 'a yalan̈.

Salmos 101:2

Tzin nib'j a a tojlal tzin b'eylb'ej. ¿B'a'n̈ wal tzach jaw pax 'ayn jun? Tzin nib'j may tu paxti'al tzalx 'a wib'n̈ yet' wopiso.

Is 1:15

A yic tzcob' ex leslwi, tzlaj cob' e mojchan̈ e c'ab' 'ayin, palta 'oj in c'ub'c 'el in sat 'ayex. Wach'xam cob' niwn tas tzeyal 'a e lesl cha, ma'oj wab'i', yujto milm ex cham 'anma'.

Santiago 4:8

Qui nitzc 'och qui b'a 'a stz'ey Dios. To 'ixta', 'oj snitzch sb'a 'a qui tz'eyc jun xo. Palta ax xo maysch'olnil e nab'en, b'oc e b'eyb'al. Ax chab'c'ojlal eyaji, tojlb'tzejc e nab'en.

A Ch'an̈ B'ab'el Libro Samuel 7:3

Yuj cha, 'ix yaln Samuel 'ixtc 'a eb' yit israelal cha: Toto yet' smasnil e c'ojol tzex meltzj pax 'a Jehová, yowlal tzeyij 'el jun tzo'n̈ comn dios 'ayc' 'a e cal, yet' jun tzo'n̈ sch'oxnb'il comn dios Astarté. Tzeya'n wal 'och e b'a 'a yol sc'ab' Jehová, cojxn tzeyac' servil. Toto 'ixta', 'oj ex scol 'elt 'a yol sc'ab' eb' filisteo, xchi.