Job 10:7 - Chuj San Sebastian Bible

⁷ Wach'xam ojtac to may in mul, palta toc 'ay mach tztac' in scoln 'el 'a yol a c'ab'.

Chuj San Mateo Bible

⁷ Vach'chom ojtac to malaj in mul, malaj junoc mach syal in scolanel d'a yol a c'ab'.

Job 10:7 ပူးပေါင်းရင်းမြစ်များ

Job 10:15

Toto 'ay in mul tz'och 'ayach, caw wal 'oltaquin; wach'xam wach' in, palta matz tac' woch 'a ojltac 'a junc'ojlal, yujto caw wal tzin q'uixw in nan cot in yailal.

Job 11:4

Ach tic, cob' tzal 'a Dios to tojl a nab'en 'a sat, palta mun ach tzal 'ixta'.

Job 13:18

A ticnec, tox xin na'a tas tzwutj in coln in b'a, yujto wojtac to wach' 'oj wel'chi.

Job 23:10

Palta yojtac chajtl yilx in b'eyb'al. A yic 'oj lajwc wajx prowal yu'uj, ax in b'ocn 'icha q'uen oro tz'ec' 'a scal c'ac'.

Job 23:11

An tic, a jun b'eyb'al 'aj ch'oxb'iln yu'uj, an̈jta tzin b'eyi, may 'aj tzin jel in b'eyb'al.

Job 27:22

'Oj 'ijxocn̈ej 'at eb' wach'xam tzat cob' ya'lc eb' s'at 'eloc, palta man̈x 'a niwnc'ojlal 'a eb'.

Job 31:14

Q'uinloc ma'ay, ¿tas wal 'oj wutc wochch 'a yojltac Dios? ¿tas 'oj wutc walni yic 'oj sc'anb'n 'ayn yuj tas xin b'o'o?

Job 31:35

Comnoc wal 'ay mach tz'ab'n tas wan waln tic. A jun tzo'n̈ tzwal tic, caw yel eb' smasnil. Ax ticnec, tzin tan̈wej tas spac 'oj 'ajxoc 'ayn yuj Dios tztac' yuj smasnil. Ax mach tzin 'a'n queja cha, comnoc wach' pax tzyutj stz'ib'n 'a junc un̈ yuj tas wan yaln cha.

Job 31:6

Comnoc tzin sbeyc'ojlej Dios 'a stojlal, yic tzyilni to tz'acn in wach'il.

Job 32:1

A yic xyiln ewin 'oxwn̈ cha, to yelc'ojlal tzte'wtzej sb'a Job yalni to may smul, yuj cha, 'ix yactn ewin sten sb'a yet'oc.

Job 33:9

An tic wach' in, may xon in mul, may in paltail, toc 'ay tu tzin b'o'o.

Job 40:8

¿An̈ja am tza te'wtzej a b'a alni to man̈ tojloc tzwutj ach in b'onyaji, yujto may a mul 'a tzotj alni?

Job 42:7

A yic xlajw yaln Jehová jun tzo'n̈ tic 'a Job, 'ix yaln pax 'ixtc 'a win Elifaz: Caw wal tzin owx 'och 'ayach, yet' 'a eb' chawn̈ ajun et' tic, yujto man̈ wach'c tas xeyal 'a in patc 'icha 'ix yutj sb'a win in checb' Job tic.

Job 9:12

Q'uinloc 'ay junc tas tzyij 'ec' 'a junc mach, ¿tom 'ay junc mach tztac' yaln 'a yuj tas tzb'o cha?

Job 9:21

Wach'xam may in mul, palta man̈x 'a yel'ch jun chi 'ayin; man̈xtzac in nib'j to pitzn in.

Job 9:22

Yujto lajn xoj yel'ch jun tzo'n̈ tic tzwila: A Dios tzalni yic tzcham eb' 'ay smul, a pax tzalni yic tzcham eb' may pax smul.

Salmos 1:6

A Jehová a tztan̈wni eb' tojl sb'eyb'al, palta ax pax eb' tu sb'eyb'al, wan s'atcn eb' 'a syailal.

Salmos 17:3

Ach tic Mamin, caw ojtac tas 'ayc' 'a in nab'en. 'A junjn 'ac'wal tzwul in a b'eyc'ojlani, tzin a'n prowal, palta may in mul tz'ilchj o'oj. May 'aj 'ix wal jun tzo'n̈ paxti to man̈ smojc walni.

Salmos 50:22

Toto tzin 'at satc'ojlal eyu'uj, wach' cab' tz'aj snachj 'el eyu'uj, to choc' 'oj ex wutc cani. Man̈x 'a mach 'oj e coln 'el 'ayin.

Salmos 7:3

Mamin Jehová in Diosal ach, may 'aj 'ix 'och in mul, toc 'ay eb' xwa'ch chaml 'a yib'an̈.

Is 43:13

A 'a yictax pecti', Dios in xoni. May junc mach tztac' scoln 'el sb'a 'a yol in c'ab', may junc mach tztac' sjun 'el tas tzin b'o'o, xchi Dios.

Dn 3:15

A ticnec jun, toto 'oj scha e c'ojol, to a yic 'oj 'oc' jun tzo'n̈ yamc'ab' tzc'anlb'ax sonal, a yic cha, tzex 'em cuman, tzeya'n 'ejm e b'a 'a jun yechl nab'a oro 'ix wac' 'ajxoc b'o cha, to 'ixta', may tas 'oj eyi'ni. Toto ma'oj eyiclc eya'n 'ejm e b'a 'a 'a, wal 'a yajn̈ej 'oj e julx 'emt 'a yojl jun jorna caw ow sn̈ilchj sc'aq'uil. ¡'Oj wila', toto 'ay junc xo dios 'oj e coln 'el 'a yol in c'ab'! xchi winac.

Os 2:10

Q'ueln 'och wal jun tzo'n̈ nacion̈ 'ix mont 'at 'a sdiosal, ax wa'n yac' sq'uixwloc. May xon junc comn dios chi 'oj stac' scoln 'a yol in c'ab'.

Os 5:14

'Icha wal smacwj junc no león, 'ixta 'oj wutc in macwj 'a eb' yin̈tl Efraín yet' 'a eb' 'aj Judá. 'Oj in ch'iychtoc can eb', 'oj lajwc cha, ax in 'ati. An 'oj 'ec' in lem chan̈ eb', toc 'ayt mach 'oj stac' scoln eb' 'a yol in c'ab'.

Jn 21:17

'Ix yaln pax 'ixtc 'a yoxlal: —Simón, ach yunnal Juan, ¿tzam in a chamc'ojlej? xchi 'a 'a. Yuj cha, caw 'ix cus chan̈ Pedro cha, yujto yoxlal sc'anb'n Jesús 'a 'a, toto tzchamc'ojlej. Yuj cha, 'ix yaln pax 'a 'ixtic: —Mamin, ojc xon smasnil to chamc'ojlb'ilchn̈ej wu'uj, xchi 'a 'a. —Toto 'ixta', 'icha junc 'ilm calnelu, 'ixta tzotj a jucb'tzan eb' wic xo.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

Dt 32:39

An tic, cojn in ton Dios in, may junc xo dios 'icha 'in tic. An tzwac' cham junc mach, an pax tztac' wa'n sq'uinal. An tzwac' lajwc eb' 'anma', an pax tzwan̈tj eb'. ¡May junc mach tztac' scoln 'el sb'a 'a yol in c'ab'!

1 Ts 2:10

Yic 'ayn̈ 'ec' ta 'on̈, caw wach' qui b'eyb'al on̈. Tojl cutjnac pax qui nab'en 'ayx ax creyente ex quet' on̈. May jac maysch'olnil 'ec' qui sayjnac ta 'on̈. Eyojtac to 'ixta 'ec' cutjnac qui b'a ta 'on̈. An̈jtona pax Dios, yojtac.

Josué 22:22

—Tzyil Jehová Dios, jun tztac' yuj smasnil, chajtlto a jun yet'l xajmb'al xqui b'o tic on̈, man̈ yujoc qui meltzj 'och 'ajc'ojlal 'a 'a, xqui b'on on̈, man̈ yujoc pax qui patquiln can 'eli. Caw wal yojtac tas yaj jun tic, comnoc tzeyojquej 'el jun tic e masnil. Palta toto yuj qui b'on tas tu' xqui b'on on̈, man̈ on̈ eyac' cab' niwnc'ojlal on̈.