Job 10:3 - Chuj San Sebastian Bible

³ 'In ach b'ojnac in, tzlajw cha tzin a patquiln can 'eli, ¿tom wach' tzab'i yic tzin a chacn 'eli, ax yet' eb' maysch'olnil tzach colwji?

Chuj San Mateo Bible

³ Ina a ach in a b'onac, ¿tom vach' tzab'i tzin a chaccaneli? Chuc tz'alji d'ayin, axo yed' tas sna eb' chuc spensar tzach ochi.

Job 10:3 ပူးပေါင်းရင်းမြစ်များ

Job 10:8

Ach b'ojnac in, ax ticnec tza nib'j pax tzin a satli.

Job 14:15

A yic cha, 'oj awj 'ayin, 'oj in ta'w 'ayach, caw 'oj a tzalj am in eln 'ochi, yujto ach b'ojnac in.

Job 15:13

¿Tas yuj tzcot owl 'a Dios, comn xoj tzal junc paxti'?

Job 16:11

A Dios, a in 'a'n 'och 'a yol sc'ab' eb' 'anma tu snab'en, caw wal 'a'm 'es eb'.

Job 19:6

Palta comnoc tzeyojquej 'eli, to a Dios 'ixtc tzin 'utni, a x'a'n 'ejm jun yal tic 'aj in can t'un̈an.

Job 21:16

Palta a eb' maysch'olnil snab'en cha, may junc tas 'ay 'a yol sc'ab' eb' to caw yico', yuj cha, caw matz in nib'j sb'eyb'al eb' cha.

Job 22:18

Palta b'i'an, a x'a'n b'ut'joc 'el yol yatut eb' yet' smasnil tas 'ay 'a eb'. An tic, ma'oj in b'eylb'oc sb'eyb'al eb' maysch'olnil snab'en cha.

Job 27:2

Tzwac' in ti 'a sat Dios tztac' yuj smasnil, jun matz in b'onyaji, to a tzin 'a'n cusoc,

Job 30:21

Tu tzotj a nab'en 'ayin, tzin a pech b'ey yet' yowl a c'ojol.

Job 31:15

A eb' in checb' cha, junn̈j Dios on̈ b'onec yet' eb' yic on̈ pitzwec chan̈ 'a qui nun; a x'a'n qui q'uinlec yet' eb'.

Job 33:4

A Dios tztac' yuj smasnil, a b'ojnac in, a 'a'jnac 'och wic', yuj cha pitzn in.

Job 40:2

Ach Job, xcob' a nib'c a te'wtzoc a b'a 'ayn an tztac' wuj smasnil tic, ¿tom 'ayt wal tas tza nib'j al 'ayin? Ta'wan̈ 'ayin, xchi Dios.

Job 40:8

¿An̈ja am tza te'wtzej a b'a alni to man̈ tojloc tzwutj ach in b'onyaji, yujto may a mul 'a tzotj alni?

Job 8:20

A Dios matz patquilj can 'el junc mach tojl snab'en, matz colwj pax 'a mach to tu tas tz'el sb'oni.

Job 9:22

Yujto lajn xoj yel'ch jun tzo'n̈ tic tzwila: A Dios tzalni yic tzcham eb' 'ay smul, a pax tzalni yic tzcham eb' may pax smul.

Job 9:24

A yic tzcan yolyib'n̈q'uinl tic 'a yol sc'ab' eb' 'anma maysch'olnil snab'en, tzmacn sat eb' 'aych juezal. Toto man̈oc Dios 'ixta tz'utni, ¿mach pax b'in jun?

Salmos 100:3

Tzcojcanec 'eli to a Jehová Dios toni; a b'ojnacn̈ec, yuj cha, to yic on̈ec; schon̈b' cajec, 'icha to scalnelu on̈ec, yuj cha, tan̈b'iln̈ec yu'uj.

Salmos 138:8

B'o 'icha tas tza nib'j 'ayin, a wal a chamc'ojlal 'ayc' cab' wet' 'a smasnil tiempo. A tas xa yamch a b'on 'ayin, man̈ c'axpoc cab' tzotj cani.

Salmos 69:33

A Jehová, schaj yab' tas tzyal eb' meb'a', matz patquilj can 'el eb' yic 'aych 'a preso.

Is 64:8

Mamin Jehová, ach tic qui Mam aj on̈; an̈ xo tic on̈, lum on̈n̈ej, ach tz'acjnacn̈ yet' lum lu'um, caw ach b'ojnacn̈ on̈.

A Sb'ab'el Carta San Pedro 4:19

Yuj cha, a yic tzjaw junc yailal 'a quib'n̈ec 'icha tznib'j Dios, yowlal an̈ja wach' tzcutjec qui b'eyb'al. Tzca'nec qui b'a 'a yol sc'ab' jun b'ojnacn̈ec, yujto a jun cha, tz'el'chn̈ej tas tzyala.