Job 1:5 - Chuj San Sebastian Bible

⁵ A yic tzlajw yec' q'uin̈ chi 'a junjn eb', tzyawtn win Job chi smasnil eb' yunnal cha yic tzsacb'tzan sb'a eb' 'a sat Dios. Ax 'a junx c'u, tzseb' q'ue wan win yac' tz'a xajmb'al yuj junjn eb' yunnal cha, yujto lemb'il tzlaj 'och smul eb' sb'uchwj 'a Dios snan winac. Yuj cha, 'ixtan̈ej tzyutj sb'a win 'a junjn 'ejem.

Chuj San Mateo Bible

⁵ Ayic slajvi yec'chaj q'uin̈ chi' d'a eb' vin̈ d'a stzolal, tz'avtajcot eb' vin̈ yuj vin̈aj Job chi'. Ac'valto sq'ue vaan vin̈, sn̈usan silab' vin̈ yuj junjun eb' vin̈, yic sacb'itan sb'a eb' vin̈ d'a sat Dios, talaj tz'och smul eb' vin̈, syalan chuc eb' vin̈ d'a Dios d'a spensar snaan vin̈. Icha chi' sc'ulej vin̈ d'a juntac el.

Job 1:5 ပူးပေါင်းရင်းမြစ်များ

Gn 22:3

Yic wal caw sq'uin̈b'ilto, 'ix q'ue wan Abraham, 'ix ya'n 'och stz'um jun no sb'uru, stzu'n win sc'atzitz yic tz'a te yet' jun xajmb'al cha. 'Ix 'at 'a jun lugar 'aj 'ix yal Dios 'a 'a. Xyi'n 'at Isaac, yet' pax chawn̈ eb' schecab'.

Gn 6:5

Ax xyiln Jehová, to yelc'ojlal tzb'o eb' 'anma maysch'olnil 'a sat lum lum tic, caw cojxn 'a maysch'olnil 'aych snab'en eb'.

Gn 8:20

'Ix sb'on Noé jun yet'l xajmb'al 'a yojltac Jehová, 'ix yi'n cot win no noc' yet' no ch'ic wach' yoch xajmb'alil. Junjn 'a junjn c'aj no', xya'n tz'a win e no 'a yib'n̈ yet'l xajmb'al.

A Ch'an̈ B'ab'el Libro Yic Yab'ixal Eb' Rey 18:31

'Ix yi'n cot Elías lajchwe q'uen q'ue'en, yujto 'ixta sb'isl eb' yunnal Jacob, atn win 'aj alb'il yuj Jehová to Israel tz'aj sb'i.

A Ch'an̈ B'ab'el Libro Yic Yab'ixal Eb' Rey 21:10

Tze sayn chawn̈oc winc tu snab'en tzte'wtzej sb'a ya'n testigoal sb'a 'a yojltac, tzyaln eb' 'ixtc 'a 'a: Ach tic, ach b'uchwj 'a Dios yet' 'a win rey, xchi cab' eb' 'a 'a. Tzlajw cha, tzeyi'n 'el win 'a sti 'el chon̈ab', axta tzjul q'uenax winac, sec tzcham ta', xchi ch'an̈ carta cha.

A Ch'an̈ B'ab'el Libro Yic Yab'ixal Eb' Rey 21:13

Xlajw cha, 'ix c'och chawn̈ winc tu snab'en 'a Nabot, 'ix yaln eb' 'ixtc 'a eb' 'anma cha: A win Nabot tic, xb'uchwj win 'a Dios yet' 'a win rey, xchi eb'. Yuj cha, 'ix yi'n 'el eb' 'anma chi win 'a sti 'el chon̈ab', sjulq'uenan eb' winac, axta xchamcn win ta'.

Nehemías 12:30

Xlajw cha, 'ix sacb'tzan sb'a eb' ya'mal 'och sti eb' 'anma 'a Dios yet' eb' levita. 'Ix sacb'tzan pax sb'a eb' chon̈ab', 'ixta to b'i'an 'ix sacb'tzan eb' spuertail chon̈ab' yet' smuroal.

Job 1:11

Palta q'uinloc tzej 'ec' tas 'ay 'a yol sc'ab' winac, 'oj ela', checlton ma'oj a b'uchx yuj winac, xchi win 'ajc'ojl cha.

Job 1:4

A eb' yunnal win cha, c'aync eb' yoch q'uin̈ 'a yatut, stzol-l yec' q'uin̈ chi 'a junjn ewinac, tzyawtn pax ewin wac eb' 'ix yanb' chi yet'oc.

Job 2:9

Palta ax 'ix yistzil winac, 'ix yaln 'ix 'a win 'ixtic: —¿Tas cob' yuj an̈ja wach' tzotj a nab'en? B'uchwjan̈ 'a Dios, tztac' cab' a chami, xchi 'ix.

Job 27:10

Yujto may 'aj 'ix yij eb' stzaljc'ojlal 'a spatquil Dios tztac' yuj smasnil, may xon 'aj xyal sb'a eb' 'a 'a.

Job 41:25

Toto tzcot no 'a eb' 'anma', caw wal tzxiw chan̈ eb' tzyal jelnal sb'a yuj no', man̈xtzac yil eb' s'at 'elc yuj xiwlal.

Job 42:8

Yuj cha, a ticnec b'i'an, 'ijec cot ucwn̈oc no quelm wacax yet' ucwn̈oc no mam calnelu, tz'at eya'n 'a win in checb' Job, ax win 'oj 'a'nc e no xajmb'al-l 'ayn eyu'uj. Ax sleslwi win eyu'uj, ax in chan slesl win cha, sec may 'oj ex wutc yuj e man̈ nab'enal, 'icha wal smoj e chani, yujto man̈ wach'c tas xeyal 'a in patic, 'icha xyutj sb'a win in checb' cha, xchi Dios.

Job 6:14

A mach 'aych 'a syailal, smoj wal yajx sniwnal sc'ojl yuj eb' swach'c'ojol, wach'xam to a Dios tztac' yuj smasnil, man̈x 'a yel'ch 'a sat jun 'anma cha.

Job 8:4

A eb' onnal cha, tecn 'ay smul eb' x'och 'a Dios, yuj cha, xya'n jawc yailal 'a yib'n̈ eb'.

Salmos 5:3

A 'a yic sq'uin̈b'ial, 'oj ab' wawj 'ayach; yic caw sq'uin̈b'ilto ax waln in b'a 'ayach, ax in tan̈wni a pacn 'ayin.

Ex 18:12

Xlajwn̈ej cha, xya'n win Jetro chi jun xajmb'al yuj yaln wach' paxti 'a Dios; 'ay jun tzo'n̈ xo xajmb'al xyac'a. 'Ix c'och pax Aarón yet' eb' yichm wincal chon̈b' Israel 'a winac, 'ix mol wa eb' 'a yojltac Jehová yet' win sn̈i Moisés cha.

Ex 19:10

Yuj cha, 'ix yaln Jehová 'ixtc 'a 'a: —'Ixic, 'at al 'a eb' chon̈b' cha, to tzb'o sb'a eb' ticnec, yet' q'uic'an, tzju'n pax 'el eb' spichul, yujto 'oj 'och eb' 'emmquilal 'ayin.

Ex 24:5

Yajn̈j wal cha, 'ix yaln 'a jun tzo'n̈ eb' quelmtac winac to tzmil cham eb' no quelm wacax, yic tz'och no xajmb'alil, yet' xajmb'al yic junc'ojlal tz'ajx 'a Jehová.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

Ez 14:14

Q'uinloc a 'a jun chon̈b' chi cajn Noé, Daniel, yet' Job, cojn am eb' 'oxwn̈ tic tzcolchj can 'eli, yujto tojl sb'eyb'al eb', palta may junc mach 'oj stac' scoln 'el eb'.

Lc 1:75

'Ixta 'oj on̈ yutquec, sec caw tojl qui b'eyb'alec. An̈j 'a tzca'c 'och qui nab'en 'a smasnil qui q'uinal.

Lc 18:7

An̈jtona Dios, caw 'oj sb'oyaj pax eb' sic'b'il 'el yu'uj, eb' to tz'awj 'a sc'ual yac'wlil 'a 'a. ¿Tom 'oj 'ec' tiempo sb'onyaj eb'?

Jn 11:55

Ax yic wan sjapx stiempoal sjaw q'uin̈ yic snanb'il cot yel eb' israel 'a libre, til wal eb' xlaj cot 'a najat, 'ix laj c'och eb' 'a Jerusalén. Yic mantzac 'och q'uin̈ cha, 'ix c'och eb' ta', sec tzb'o sb'a eb' 'icha xon sb'eyb'al.

A Tas Sc'ulejnac Eb' Schecab' Jesús Hechos 21:26

Ax 'a junx c'u, 'ix 'ijx 'at eb' chan̈wn̈ chi yuj Pablo cha, 'ix sacb'tzan sb'a yet' ewinac, 'icha tzyal ley yic Moisés. Xlajw cha, 'ix 'och 'a yamq'uil yatut Dios, yic tzyaln 'a win ya'mal 'och sti eb' israel 'a Dios, 'aja c'u 'oj lajwc c'och stiempoal sacb'tzan sb'a eb', yic 'oj ya'nc junjn eb' yofrenda 'a Dios.

A Tas Sc'ulejnac Eb' Schecab' Jesús Hechos 8:22

Yuj cha, na a b'a, tzactncan jun a maysch'olnil tic. C'an 'a Dios, sec toq'ue 'oj ach yac' niwnc'ojlal yuj tas wan a nan tic.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

2 Co 11:2

Caw wal tzex in ya'ilej, 'icha wal tzyutj Dios ex sya'ilni. Yujto tox xwac' in trato yet' Cristo, chajtlto 'oj ex wac' 'a yol sc'ab'. 'Icha junc cob's 'ix mant 'a jac smul, tz'ajx 'och 'a yol sc'ab' yichmil, comnoc 'ixta 'ex, yic 'oj ex wa'nc 'och 'a yol sc'ab' Cristo.

Ef 6:18

An̈jtona', smasnil tiempo caw tzex leslwi 'a Dios yet' spoder Yespíritu, tze c'ann tas 'a 'a. Caw tzeya'ch e nab'en e leslwi. Man̈ ex tzactzjoc. Leslwan̈c yuj jantcn̈ej eb' yic xo Dios quet'ec.

A Ch'an̈ B'ab'el Libro Samuel 16:5

—Wach' tas tzwul in b'o', to tzin jaw wul wac' in xajmb'al 'a Jehová. Sacb'tzejc e b'a, tzex c'och pax wet' 'a yic 'oj wa'nc in xajmb'al tic, xchi. 'Ix sacb'tzan Samuel win Isaí yet' eb' yunnal 'icha tzyal ley. Xlajw cha, xyawtn 'at eb' yic tzchin eb' no xajmb'al chi yet'oc.