Job 1:19 - Chuj San Sebastian Bible

¹⁹ axn wal cha, xjaw jun niwquil 'ic' xcot 'a lum cusltac lu'um. 'Ix sma'n 'ejm lan̈chjoc te n̈a chi 'a yib'n̈ eb' onnal cha, 'ix cham eb' smasnil. Cojxn̈ej in 'elcni yic tzwul walnc ab'i', xchi winac.

Chuj San Mateo Bible

¹⁹ axo ix aji, ix javi jun tzijtumal ic' d'a stojolal lum taquin̈ luum. Ix em lan̈naj spat eb' uninal chi' d'a yib'an̈ yuj jun ic' chi', ix cham eb' smasanil. A inxon̈ej ix yal vel lemnajoc yic tzul valan ab'i, xchi vin̈.

Job 1:19 ပူးပေါင်းရင်းမြစ်များ

Gn 42:36

Yuj cha, xyaln win smam ewin chi 'ixtic: —Caw tu tzin eyutj tzwab'i. Man̈x 'a junc wunnal tzcan eyu'uj, win José man̈x 'ayc 'ec' winac; an̈jtona 'ixta pax win Simeón, tze nib'n pax tzeyij 'at ni Benjamín tic. A mach tzyab' syail, an toni, xchi Jacob.

A Ch'an̈ Schab'l Libro Samuel 18:33

Yuj cha, caw x'och pitz'njoc cusc'ojlal 'a rey David. 'Ix q'ue 'a yojl jun cuarto 'a cha'an̈, jun 'ay 'a yib'n̈ q'ue spuertail chon̈b' cha, syamn 'och yoc' ta'. Ya' sb'a yic wan sb'ey q'ue cha, xyaln 'ixtic: ¡'Ay... ach wunnal Absalón! ¡'Ay... ach wunnal Absalón! ¡Comnoc wal an in cham a jeloc! ¡'Ay... ach wunnal Absalón! xchi rey David.

A Ch'an̈ B'ab'el Libro Yic Yab'ixal Eb' Rey 20:30

Ax jun tzo'n̈ xo eb' soldado cha, 'ix 'at eb' 'eloc, axta xc'och eb' scol sb'a 'a chon̈b' Afec. Ax x'aji, 'ix cot lan̈njoc smuroal jun chon̈b' chi 'a yib'n̈ eb'. 'Ixta x'aj scham eb' uqueschawinc mil soldado xcob' yac' ganar s'at 'eloc. Ax win Ben-adad cha, x'at pax win 'eloc, tzol-li yec' win 'ec' sc'ub'c 'el sb'a 'a junjn n̈a.

Job 1:18

Wanto yaln win cha, 'ix jaw junx winac, xyaln win 'ixtic: —A ewin onnal yet' eb' 'ix esil, wan cob' swa eb', tzyu'n eb' tas tzyu'j 'a yatut win b'ab'l winac,

Job 1:20

Yajn̈ej 'ix q'ue wan win Job, caw xcus win si'mb'il, stzilnjat win spichl yuj scusc'ojlal cha, sjoxn 'el win xil sjolom, 'ix 'em cumn win 'a sat lu'um yic tzyaln sb'a win 'a Dios.

Mt 7:27

Ax yic xya'n jun yaxn̈ab', 'ix jaw a 'elmal a', xjaw jun 'ic' caw ow 'a yatut cha. Yuj cha, caw xc'an̈ yem junnjoc jun yatut cha, xchi Jesús 'a eb'.

A Tas Sc'ulejnac Eb' Schecab' Jesús Hechos 28:4

'Ix yiln eb' 'aj lugar cha, to xcan t'un̈n no 'a sc'ab'. Yuj cha, xyaln eb' 'ixtic: A win tic, tecn to ma'm cham 'anma winac. Wach'xam xyac' ganar scolchj 'el 'a a mar, palta yowlal 'oj scha spac jun smul cha, 'oj chamoc, xchi eb'.

Ef 2:2

yujto an̈j jun b'eyb'al yic yolyib'n̈q'uinl tic qui b'eylb'ejec. Qui b'ojnaquec 'icha tznib'j win 'ay yopiso ya'n mandar 'a scal 'ic'. A win cha, espíritu winac. An̈ja ya'n win sc'ojloc eb' man̈ yiclumoc 'a Dios.

Jueces 16:30

Xlajw cha, caw 'ip 'ix yal win 'ixtic: ¡Wach'xam tzin chami, an̈jtona', cham cab' eb' filisteo tic wet'oc! xchi. 'Ix ya'n yip yecntelwc chab' niwc yoyl jun n̈a cha. 'Ix lan̈chj 'ejm 'a yib'n̈ eb' syajlil chon̈ab' yet' 'a yib'n̈ eb' 'ayc' ta'. Caw wal niwn 'anma xcham yuj Sansón yic xchami, 'ec'b'al 'a yib'n̈ eb' chamnc yuj 'a yic pitzan.