Jn 8:54 - Chuj San Sebastian Bible

⁵⁴ Yuj cha, xyaln pax 'ixtc 'a ewinac: —Toto mun tzwij chan̈ in b'a, may jac wel'chi. Palta a 'in Mam tzalni, to 'ay wel'chi. A 'in Mam cha, a tzeyalch e Diosaloc,

Chuj San Mateo Bible

⁵⁴ Yuj chi' ix yalxi d'a eb' vin̈: —Tato munil svic'chaan̈ in b'a, malaj velc'ochi. Palta a in Mam tz'alani to ay velc'ochi. A in Mam chi' tzeyaloch e Diosaloc,

Jn 8:54 ပူးပေါင်းရင်းမြစ်များ

Pr 25:27

Man̈ wach'oc toto niwn no yal chab' tzqui tz'ub'ec, an̈jtona' man̈ wach'oc toto tzqui nib'jec to niwn tzon̈ b'inaxc yuj eb' quit 'anma'il.

Is 66:5

'Ab'tec wal spaxti Jehová, ex to tze chaj eyab' tas tzyala, a tzaln 'ixtc 'ayex: 'Ay jun tzo'n̈ eb' eyit chon̈b' tzchichn 'och 'ayex, tzex spech b'eyc'oc eb', yujto a 'ayn tzeyal e b'a; yuj cha, tzlaj yaln eb' 'ixtic: Sch'ox cab' Jehová chi stzictznil quilnoc, tzqui nib'j tzquila tas tzex 'aj e tzalji, xchi eb' 'ayex. Palta a eb' cha, 'oj q'uixwoc can 'el eb', xchi.

Os 1:9

'Ix yaln pax Jehová 'ixtc 'ayin: Man̈ in Chon̈b'oc, 'ixta tzac' sb'ic win 'unn tic, yujto a eb' israel tic, man̈x in chon̈b'oc yaj eb', man̈x in sDiosalc eb'.

Jn 17:1

Xlajw yaln Jesús jun tzo'n̈ cha, 'ix q'ue q'ueln 'a satcha'an̈. 'Ix yaln 'ixtic: —Mamin, tox xjaw stiempoal yic tza ch'oxn 'eli to niwn wel'ch an Onnaln tic. Ax in ch'oxn paxi, to caw niwn pax el'chi.

Jn 17:5

A 'a yic mantzac b'o yolyib'n̈q'uinl tic, 'ayn 'ec' et' 'a 'aj 'ay qui wach'il. Al ticnec Mamin, chaj in pax q'ue et' 'a 'aj 'ay qui wach'l cha, 'icha xon waj et'oc.

Jn 2:11

A jun milagro tic, sch'ox Jesús 'a chon̈b' Caná 'a yol yic Galilea. B'ab'l milagro jun chi 'ix sch'oxli. 'Ixta xyutj sch'oxni, to niwn spoder. Ax eb' scuywum, caw xya'ch eb' sc'ojl 'a 'a.

Jn 5:41

Matz in nib'j to 'ay wel'ch 'a sat eb' 'anma'.

Jn 7:18

A mach tzpaxtin 'a yol yico', ton̈j tzb'an̈ sb'a, sec 'ay yel'ch 'a sat eb' 'anma snani. Palta an tic, tzin nib'ej to a jun checjnacn coti, 'ay yel'ch 'a e sat. Yuj cha, caw yel tzwala. May jac 'es tzwac'a.

Jn 7:39

'Ixta xyutj yalni, chajtlto a eb' tzya'ch sc'ojl 'a 'a, 'oj 'ajxc 'och Yespíritu Dios 'a eb'. A 'a jun tiempoal cha, mantzac 'ajx Yespíritu Dios 'a eb', yujto mantzac pax q'ue Jesús chi 'a satcha'an̈.

Jn 8:41

Ax tic, a tas tzb'o jun e mam, an̈j tze b'o yet'oc, xchi Jesús 'a eb'. —Palta an̈ tic on̈, man̈ mitz' 'unnoc caj on̈. Junn̈j qui mam on̈, atn Dios, xchi eb' 'a 'a.

Jn 8:50

An tic matz in nib'j 'ay wel'chi. Palta 'ay jun tzalni to 'ay wel'ch 'a sat. A jun chi tzb'eyc'ojlani, mach yel tzyala.

A Tas Sc'ulejnac Eb' Schecab' Jesús Hechos 3:13

A qui Diosalec, atn sDiosal eb' qui mam quichmec, atn Abraham, Isaac, yet' Jacob, yu'uj, caw niwn x'aj yel'ch Jesús, atn Yunnal. Palta ax tic, xeya'ch 'a yol sc'ab' ewin yajal. A win Pilato, snib'j cob' win ya'l 'a libre. Ax xo, ma'ix yal e c'ojol.

2 Co 10:18

'Ay eb' mun tzyal wach'l sb'a, palta may yel'ch tas tzyal eb' cha, cojn eb' tzyal Cajlilec wach'il, an̈j eb' wach'.

A Sb'ab'el Carta San Pedro 1:12

Palta x'ajx nachjc 'el yuj eb', to a jun tzo'n̈ yaljnac can eb' cha, man̈ yico'oc eb', palta to quiquec. Al ticnec, 'ix wach' alx 'el 'ayex, tas yaj qui colnb'ilec tic. A eb' tzaln 'el wach' 'ab'x yic colnb'il, a eb' 'ix aln 'ayex. A Yespíritu Dios checb'il cot 'a satcha'an̈, a x'och yet' eb', yic xyaln 'el eb'. An̈jtona eb' ángel, tznib'j pax eb' tznachj 'el jun tzo'n̈ tic yu'uj.

A Sb'ab'el Carta San Pedro 1:21

Yuj Cristo, tzca'nec 'och Dios 'a qui c'ojl ticnec, yujto a 'a'jnac pitzwc pax 'a scal eb' chamnac. Caw niwn x'aj 'el'ch yu'uj. Yuj wal cha, caw ca'c 'och Dios 'a qui c'ojol, tzca'nec pax 'och yipc qui c'ojol.

A Schab'il Carta San Pedro 1:17

Caw quiljnac on̈, yic ya'n qui Mam Dios stzictznil 'a 'a. Cab'n pax yaln Dios on̈, to caw niwn yel'ch Cajlilec cha. Yaln 'emt Dios 'ixtc 'a scal jun sniwn tzictznial: Atn jun tic, Wunnal, chamc'ojlb'il wu'uj, caw tzin tzalj yet'oc, xchi 'emta.