Jn 7:37 - Chuj San Sebastian Bible

³⁷ A wal 'a yol slajw q'uin̈, ata caw sin̈n̈i tz'aj eb' 'anma'. Yuj cha, at 'a yol slajw q'uin̈ cha, atta 'ix q'ue lin̈n Jesús 'a sat eb'. Caw 'ip 'ix yal 'elt 'a scal eb' 'ixtic: —Toto 'ayx tze nib'j tze chaj e q'uinl 'a jun 'ejmn̈ej, cotn̈ec 'ayin. 'Icha tzeyutj ey'un a yuj e tacn̈ti'al, 'ixta 'oj e yutc e chan jun e q'uinl chi 'ayin.

Chuj San Mateo Bible

³⁷ A d'a slajvub' c'ual q'uin̈ chi', aton jun c'u te nivan yelc'ochi, ata' ix elta lin̈an Jesús d'a yichan̈ eb' anima. Te chaan̈ ix yalelta d'a scal eb': —Tato ayex tze nib'ej tze cha e q'uinal d'a juneln̈ej, cotan̈ec d'ayin. Icha tz'aj eyuc'an a a', ayic stacji e ti', icha chi' ol aj e chaan e q'uinal d'ayin.

Jn 7:37 ပူးပေါင်းရင်းမြစ်များ

Nehemías 8:18

'Ix yawtj Esdras ch'an̈ libro yic ley 'a junjn c'u, schaj 'el 'a b'ab'l c'u masnto 'aj tzlajw uque c'u niwn q'uin̈ cha. Ax 'a junx c'u, 'ix syamn pax sb'a eb' yic tz'och eb' 'emmquilal 'a Jehová, 'icha yaln ley cha.

Salmos 143:6

A 'aych tzin moj q'ue in c'ab', caw wal tzach in nib'j 'icha tzyac' lum tacn̈ lum yet' a a'.

Salmos 42:2

Nab'ilchn̈ej wu'uj, yol a c'ab' 'ay in q'uinal. ¿B'a'n̈ wal tzin c'ochx 'a ojltac jun 'ejm xo?

Salmos 63:1

Ach in Diosal, tzin nib'j tzwal in b'a 'aych 'a caw sq'uin̈b'ilto. Caw tzach in nib'j 'icha tzyac' lum tacn̈ lu'um yic tznib'n lum n̈ab'.

Pr 1:20

A 'a yoltc caye, 'a 'aj tzlaj schaj sb'a b'e yet' 'a 'aj tzlaj syam sb'a 'anma', ata tzon̈ yawtjec Dios yuj ya'n qui nab'enec, tzyaln 'ixtic:

Pr 8:1

'Ab'tec, tzex 'awtxi yic tzeyi'n e jelnal, sec tzq'uib' e nab'en.

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Pr 8:3

yet' pax 'a 'aj 'ay spuertail chon̈ab', tzex 'awtx pax ta'.

Pr 9:3

Xlajw cha, schecn 'at 'ix jun tzo'n̈ eb' 'ix schecab', yic tz'at eb' 'awjoc 'a jun tzo'n̈ lugar caw chan̈ yaj chan̈ 'a yol chon̈ab'.

Cantares 5:1

Ach cob's 'ix to tzach 'och wistloc, tox xin 'och 'a scal te wawb'en te'. Wan in molb'tzan te 'in mirra yet' jun tzo'n̈ xo te su'q'ui sjab', wan pax in le'n no yal chab' tz'elt 'a sc'ate', wan pax wu'n yal in uva yet' in lech, xchi winac. Ex qui wach'c'ojol, wan̈ec, 'u'jec tas tzeyuq'uej, xchi eb'.

Is 12:3

A mach 'ay stacn̈ti'al, 'oj 'ajxoc yuc' a 'a tzaljc'ojlal, atn scolnb'il tz'ajx yuj Dios.

Is 40:2

Wach' tzeyutj paxtinc e b'a 'a eb' 'aj Jerusalén, tzeyaln 'a eb' chajtlto man̈x b'a'n̈ 'oj 'och eb' mosoal, tox 'ix stuplajwc eb' stenmtaquil yet' smaysch'olnilal, tox 'ix schaj eb' syailal 'a 'ayn an Jehová in, xchi Dios.

Is 40:6

'Ay jun 'aw 'ix aln 'ayn 'ixtic: 'Awjan̈, xchi. Xin c'anb'n 'a 'a, ¿tas 'oj wutc 'awjoc in b'a? xin chi. 'Ix yaln 'ayin: Al-li chajtlto a sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb' 'icha tz'aj slajw 'ejm swach'l yilx te nich te 'ay 'a lum 'a'lic.

Is 44:3

An 'oj wac' 'el yoctc a a 'a lum cusltac lu'um, ax sb'ey pax a 'a lum tacn̈ sat. An 'oj wac' Wespíritu 'a eb' eyin̈til, ax wa'n cot in yaxilal 'a yib'n̈ eb'.

Is 55:1

Xyaln pax Dios 'ixtic: E masnil ax 'ay e tacn̈ti'al, cotn̈ec wul 'u'jec a', ax may e tumin cotn̈ec 'a tic, wul chajec tas tze c'ux 'a nab'an̈ej, wul chajec yal uva yet' lech tzeyuq'uej, may stojl tzc'anx 'ayex.

Is 55:3

Cotn̈ec 'ayin, tzcham wal e maclni eyab' tas 'oj wala', tzeyiclni, sec 'ay e q'uinal. 'Oj in b'ox in trato eyet' 'a jun 'ejmn̈ej, ax wa'n 'el'choc in wach'c'ojlal 'aj wa'jnac in ti wa'n 'a rey David.

Is 58:1

'Ix yaln Dios 'ayn 'ixtic: 'Awjan̈ yet' smasnil ep 'a eb' in chon̈ab', atn eb' yin̈tl Jacob. May yuj tzach xiwi, caw 'ip yel aw 'icha yic tz'utz'x q'uen trompeta. Tzaln yab' eb' to caw wal tenmtac eb', 'ix 'och smul eb' 'a in sat.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

Jeremías 2:2

'Ixic, 'at al yab' eb' 'aj Jerusalén, to an Jehová in, an tzwal 'a eb' 'ixtic: Tzin na cot wal eyiclumal 'ayin, yic ex wi'n 'och wico'oc, caw tzin e chamc'ojlej, 'icha junc cob's 'ix tot xnupni, caw 'ay schamc'ojlal 'a yichmil, 'ixta ex. 'Ochnc ex tza'n wuj 'a lum cusltac lu'um, atn lum lum may xon 'aj tz'awxi.

Ez 47:9

Tzann̈j 'aj 'oj c'och yoctc a a tic, 'oj b'ocn eb' a a c'a yu'xi; ax spitzw e no chay 'a yojl eb' a a cha, til wal jun tzo'n̈ xo no noc' 'oj pitzwc 'a yojl eb' a'.

Lv 23:36

A 'a yol uque c'u cha, tzeyac' tz'a e xajmb'al 'a wojltac, yic tzeyi'n chan̈ in b'i, ax 'a swajxquil c'u, tzex 'ochx 'emmquilal 'a wojltac, tzeya'n tz'a pax e xajmb'al. A jun c'u cha, sc'ul yic tzeyamn e b'a, yuj cha, may junc mach tztac' smunlji.

Lv 23:39

Palta a 'a olajn̈e yoch yucl 'uj cha, 'a yic tox xlajw e molnchan̈ sat smasnil eyawb'en, ata tze na uque c'u q'uin̈, yic tzeyi'n chan̈ in b'i an Jehová in. A 'a b'ab'l c'u cha, tzex 'ilji, 'ixta pax 'a yucl c'u cha.

Miqueas 6:9

Wan yawtn Jehová eb' schon̈ab'. Caw 'aych 'a snab'en eb' smaclni yab' 'a 'emmquilal tas tzyala. Tzyal Jehová 'ixtic: Jaw cab' e nab'en yuj yailal, 'ay cab' wel'ch 'a e sat, an ton tzwa'ch eyailal cha.

Zacarías 9:15

A Jehová tztac' yuj smasnil, a 'oj colwjoc 'a eb' schon̈ab'. A yet' smejech eb', ax ste'x 'ejm eb' chuc chon̈b'al yuj eb', 'oj 'ajxoc ganar eb' 'ajc'ojl yuj eb'. Caw 'oj ya'l eb' schon̈b' chi yaw 'a scal owal, 'icha eb' 'u'm 'an̈. 'Oj 'elcn schic'l eb' 'ajc'ojl chi yuj eb', 'icha wal tzyac' schic'l no xajmb'al 'ay 'a yol niwc waso yic tztob'x 'ejm 'a yib'n̈ sch'ac junc yet'l xajmb'al.

Nm 29:35

Ax 'a swajxquil c'u cha, tzeyamn pax e b'a yic tzex 'och 'emmquilal. A 'a jun c'u cha, may mach tzmunlji.

Mt 11:28

Tzann̈j ex 'icha to tz'el eyip e munlji, yet' ex 'icha to caw 'al eyaj yuj eyicatz, cotn̈ec 'ayin, 'oj ex wac 'iljoc.

Mt 3:3

A jun schecb' Dios Isaías sb'i, 'aycto stz'ib'n can yab'xil Juan 'a Ch'an̈ Un̈ 'ixtic: 'Ay jun mach 'a cusltac lu'um, 'oj 'awjoc cha'an̈, ax yaln 'ixtic: B'oc junc sb'e Cajlil, caw tojl tzeyutj e b'on 'a 'a, 'oj schioc, xchi 'a Ch'an̈ Un̈ cha.

Mt 5:6

A eb' tznib'j tojlb'oc snab'en wal 'a smasnil sc'ojol, caw wach' yic eb', yujto 'oj 'och Dios yet' eb', sec 'ixta 'oj 'aj eb'.

Jn 1:23

Yuj cha, 'ix yaln pax 'a eb' 'ixtic: —An tic, tzin 'awj 'a cusltac lu'um, tzwaln 'ixtic: B'oc junc sb'e Cajlil, caw tojl tzeyutj e b'on 'a 'a, xin chi. Yujto 'ixta yaj stz'ib'x can wab'xil yuj Isaías, atn jun schecb' Dios 'a pecti', xchi 'a eb'.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 4:10

Xlajw cha, xyaln pax Jesús 'ixtc 'a 'ix: —Tzin c'an wuc' jac a 'ayach, palta man̈ ojcoc mach in. Man̈ ojcoc pax tas tznib'j Dios tzyac'a. Comnoc ojtac. Toto 'ixta', ach xo tic, xa c'an 'ayin, an xo xwac' jun a tz'a'n a q'uinal, xchi Jesús 'a 'ix.

Jn 4:11

—Ach winac, 'in may a lechlab' tzac' lechnc q'uet a'. Caw xab' yaj 'ejm a'. ¿'Ajm til 'oj ec' jun a 'oj ac' 'a'nc in q'uinl cha?

Jn 4:14

Palta ax eb' tz'u'n jun a tzwac'a, man̈x b'a'n̈ 'oj cot stacn̈til eb' jun 'ejm xo. Yujto a jun a tzwac' tic, 'oj 'aj sjaj a 'a eb', ax ya'n a sq'uinl eb' 'a jun 'ejmn̈ej, xchi Jesús 'a 'ix.

Jn 5:40

matz e nib'j tzex jaw 'ayin, yic tze chan e q'uinl cha.

Jn 6:35

—An ton tic, 'icha wal in, yujto 'ay eb' tzlaj wac' sq'uinl 'a jun 'ejmn̈ej. A eb' tzjaw 'ayin, man̈x b'a'n̈ 'oj 'och swejl eb'. A eb' tzin 'a'n 'och 'a sc'ojol, man̈x b'a'n̈ 'oj 'och stacn̈til eb'.

Jn 6:37

Jantcn̈ej eb' tz'ajx 'ayn yuj qui Mam Dios, 'oj jawc eb' 'ayin. A eb' tzjaw 'ayn cha, ma'oj in pechl eb'.

Jn 6:55

Yujto a jun in chib'jal tic, caw yel lajn yet' junc tas tzc'uxxi. Yet' in chic'l tic, lajn yet' junc tas tz'u'xi.

Jn 7:28

Yic 'ix yab'n Jesús jun tzo'n̈ cha, 'ix yaln jun tzo'n̈ xo cuynb'il tic 'a eb' 'ay 'a yamq'uil yatut Dios cha, 'ix yaln 'elt 'ixtc 'a scal eb': —Yel ton jun, eyojc in. Eyojc ton pax 'aj cotnc in. Palta man̈ munoc in jaw 'a yol wico'. To a Dios, atn jun caw yel, a checjnacn coti. Palta a jun cha, man̈ eyojcoc.

1 Co 10:21

Matz tac' qui comn 'u'lb'anec jun vaso yic Cajlil, toto tzcu'lb'ejec pax jun yic ewin demonio. An̈jtona', matz tac' qui comn wanec jun pan tz'ajx 'ayn̈ec 'a smexa Cajlil, toto tzqui c'uxc jun tzo'n̈ tas tz'ajx 'a smexa ewin demonio cha.

1 Co 10:4

An̈jtona', smasnil eb' 'u'jnac jun a 'ac'b'il yuj Dios 'a eb' 'a 'esal. A 'a sat jun q'uen q'ue'en, ata 'elnc ta a a'. A jun q'uen cha, sch'oxnb'il Cristo yaji.

1 Co 11:25

An̈jtona', 'ixta 'ix yutj yi'n pax chan̈ jun vaso, yic xlajw swa eb'. 'Ix yaln pax 'ixtc 'a eb': A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc jun strato tic. A yic tzeyu'n jun tic 'a junjn 'ejem, 'ixtc 'oj e b'o', sec 'oj in e na coti, xchi Jesucristo.

1 Co 12:13

Yujto qui masnilec, wach'xam israel on̈ec, wach'xam ma'ay, junn̈j cajc qui masnil. Wach'xam 'ayn̈ 'och smosooc junc mach, wach'xam mun quic qui b'a, palta junn̈j cajec. Yujto a yic on̈ 'ajx bautisar, junn̈j on̈ 'ajc can yet' Cristo. Yujn̈ej Yespíritu Dios, 'icha to junn̈j niwnal cajec, yujto a 'ochnc can 'ayn̈ qui masnil.

Ef 5:18

Man̈ ex 'och 'u'm 'an̈il, yujto a te 'an̈, tzwach' juw 'el qui nab'enec yuj te'. Yel xo wach' a Yespíritu Dios 'aych yajlilal 'ayn̈ec, man̈oc te 'an̈ cha.

Apoc 21:6

Xlajw cha, xyaln pax 'ayn 'ixtic: —Tox 'ix b'o 'el'chi. An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. A eb' 'ay stacn̈ti'al, 'oj wac' yuc' eb' jun spac'b'a tz'a'n q'uinl 'a jun 'ejmn̈ej. 'Oj wac' 'a eb' 'a nab'an̈ej.

Apoc 22:1

Xlajw cha, 'ix sch'oxn jun ángel chi jun niwn a 'ayin, caw yaxt'ujnac. Atn jun a tz'a'n qui q'uinlec 'a jun 'ejmn̈ej. Caw yaxt'ujnac yilx 'icha cristal. A 'a sdespacho Dios yet' jun tzcuch Calnelu, ata tzpac' 'elta.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.