Jn 7:31 - Chuj San Sebastian Bible

³¹ Palta til wal 'anma 'ix ya'ch sc'ojl 'a 'a. 'Ix laj yalnc eb' 'ixtic: —A yic 'oj jawc Cristo, ¿tom caw 'ec'b'al xo milagro 'oj sch'ox 'a yib'n̈ jun tic? xchi eb'.

Chuj San Mateo Bible

³¹ Tzijtum eb' anima ix ac'anoch Jesús d'a sc'ool, ix yalan eb': —Ayic ol javoc Cristo, ¿tom más ec'to tas satub'tac ol sch'ox d'a yichan̈ jun vin̈ tic? xchi eb'.

Jn 7:31 ပူးပေါင်းရင်းမြစ်များ

Mt 12:23

Ax eb' 'anma smasnil, caw sat sc'ojl eb' yilni, 'ix laj yalnc eb' 'ixtic: —¿A jun winc tic, am jun yin̈tl David tan̈b'il sjaw cujec? xchi eb'.

Lc 8:13

Ax jun tzo'n̈ 'in̈t xc'ochcn 'a yib'n̈ samq'ue'en, tzyal 'el'chi 'ay eb' 'anma tz'ab'n spaxti Dios, caw tzaljc'ojlal tzchaj eb'. Palta may ste'nal eb', jab' wal tiempo tzya'ch eb' 'a sc'ojol, yujto a yic tzjaw junc prowal 'a yib'n̈ eb', yajn̈ej tz'elx can eb' muc'uc.

Jn 11:45

Ax eb' israel chi ajun yet' 'ix María cha, 'ix yiln eb' tas 'ix b'o yuj Jesús. Yuj cha, til wal eb' xya'ch sc'ojl 'a 'a.

Jn 12:42

Wach'xam yaljnac can 'ixta', palta 'ay eb' israel 'ix ya'ch sc'ojl 'a Jesús cha. An̈jtona eb' yajal, niwn eb' 'ix ya'ch 'a sc'ojol. Palta matz ch'oxl sb'a eb', yujto tzxiw eb' yuj ewin fariseo, toq'ue tzpech 'elt ewin eb' 'a yol scapiya.

Jn 2:11

A jun milagro tic, sch'ox Jesús 'a chon̈b' Caná 'a yol yic Galilea. B'ab'l milagro jun chi 'ix sch'oxli. 'Ixta xyutj sch'oxni, to niwn spoder. Ax eb' scuywum, caw xya'ch eb' sc'ojl 'a 'a.

Jn 3:2

Ax 'a jun 'ac'wal, 'ix c'och 'a Jesús. 'Ix yaln 'ixtic: —Mamin, cojc on̈ to a Dios checjnacch cot wul on̈ a cuy on̈, yujto 'ay jun tzo'n̈ milagro tza ch'oxo. May junc mach tztac' sb'on 'ixta', toto matz 'och Dios yet'oc, xchi.

Jn 4:29

—'Ay jun winac, c'uxn yojtac tastc tzin b'o'o, yictax in cottch 'a yune'al. C'uxn xyal win 'ayn smasnil. Coyc wet'oc, 'at quilc nab'an. Tope laj to a jun Mesías, xchi 'ix 'a eb'.

Jn 4:39

A 'a jun chon̈b' 'ay 'a yol yic Samaria cha, til wal eb' xya'ch sc'ojl 'a Jesús, yujto xyal jun 'ix chi 'ixtc 'a scal eb': C'uxn yojtac tastc tzin b'o'o, yictax in cottch 'a yune'al, 'ix yal 'ayn smasnil, xchi 'ix 'a eb'.

Jn 6:2

Til wal eb' 'anma x'och tza'n yuj Jesús, yujto xyil eb' jun tzo'n̈ milagro sch'oxo yic xya'n b'oxc sc'ojl eb' ya'ay.

Jn 7:26

Palta 'in yaj win 'a tic, wan spaxtin 'elt win 'a qui calec. Palta may jac owl tzyac' ewin yet'oc. Lemb'il 'ix ya'ch ewin yajl chi sc'ojl 'a 'a, chajtlto a Cristo.

Jn 9:16

Yuj cha, 'ay jaywn̈ ewin xcob' alnc 'a win 'ixtic: —A jun winc chi xjacn yol a sat cha, man̈ yico'oc Dios, yujto matz yiclj sc'ul 'iljelal, xchi eb' 'a winac. Palta xlaj yalnc jun tzo'n̈ xo eb': —A Jesús cha, man̈ 'ajmuloc. A junc 'ajmul, ¿tom tztac' sch'oxn junc milagro 'icha tzch'ox Jesús tic? xchi ewinac. —Yuj cha, chapoj xyutj sb'a eb'.

A Tas Sc'ulejnac Eb' Schecab' Jesús Hechos 8:13

'Ixta pax win Simón cha, 'ix ya'ch pax win 'a sc'ojol. 'Ix ya'n pax 'ajxc bautisar sb'a winac. Xlajwn̈ej cha, junxn̈ej x'ec' win yet' Felipe. 'Ay jun tzo'n̈ milagro 'ix sch'ox Felipe cha, caw niwn yel'chi. Yuj cha, caw 'ix sat sc'ojl win Simón chi yilni.

Santiago 2:26

Toto cob' tzca'c 'och qui c'ojl 'a Dios calni, palta man̈ wach'c tzcutjec qui b'a, may yel'ch tas tzcalc cha. Lajn 'icha sniwnal junc chamnc 'anma man̈x 'a spixan.