Jn 7:23 - Chuj San Sebastian Bible

²³ Ax tic, 'in tzeyac' circuncidar eb' 'unn 'a sc'ul 'iljelal, sec matz ex 'ec' 'a yib'n̈ jun ley yic Moisés cha. Toto 'ixta', ¿tas yuj tzex owx 'ayin, yujto xwac' b'oxc sc'ojl jun win ya'ay 'a sc'ul 'iljelal cha?

Chuj San Mateo Bible

²³ A ex tic tzeyac' circuncidar eb' unin d'a sc'ual ic'oj ip, yic max ex ec' d'a yib'an̈ jun ley Moisés chi'. Tato icha chi', ¿tas yuj scot eyoval d'ayin yujto ix vac' b'oxoc sc'ol jun vin̈ penaay d'a sc'ual ic'oj ip chi'?

Jn 7:23 ပူးပေါင်းရင်းမြစ်များ

Ex 31:14

A jun c'u cha, niwn cab' yel'ch 'a e sat. A mach matz yiclni jun sc'ul 'iljelal cha, tojln̈ej schami. An̈jtona', toto 'ay mach tzmunlj 'a jun c'u cha, 'ajx cab' 'och 'a yol sc'ab' chamel.

Mt 12:10

Ata 'ayc' jun winc sicb'nac 'el sc'ab', jun 'ejmn̈ej caw tacn̈ cotnac. Ax eb' fariseo cha, tznib'j eb' 'ay junc smul Jesús tz'ilchj yu'uj, sec tzyac' queja eb'. Yuj cha, stz'acn eb' sc'anb'c 'ixtc 'a 'a: —¿'Aym sleyl tzcac' b'oxc junc ya'ay 'a sc'ul 'iljelal, mto ma'ay? xchi eb' 'a 'a.

Mt 12:2

Palta 'ix yiln jun tzo'n̈ ewin fariseo tas tzb'o eb'. Yuj cha, xyaln ewin 'ixtc 'a Jesús: —'Ilt eb' a cuywum tic. Wan smunlj eb' 'a sc'ul 'iljelal, palta 'in may sleyl tzb'o eb' 'ixta', xchi ewin 'a 'a.

Mt 12:5

¿Tom may 'aj xeyil 'a ley yic Moisés, chajtlto a eb' ya'mal 'och qui ti 'a Dios, eb' 'ay 'a yol yatut Dios, matz yiclj eb' sc'ul 'iljelal? Palta matz 'och smul eb'.

Jn 5:10

Yuj cha, 'ay jaywn̈ ewin 'aj Judea xaln 'ixtc 'a win xb'ox cha: —A ticnec, caw sc'ul 'iljelal. Caw may sleyl tza cuchb't a waynub' tic, xchi ewin 'a winac.

Jn 7:21

Yuj cha, 'ix yaln pax 'a eb' 'ixtic: —'Ay wal jun tas xin b'o 'a sc'ul 'iljelal. Yuj cha, caw 'ix sat e c'ojl yu'uj.

Jn 9:16

Yuj cha, 'ay jaywn̈ ewin xcob' alnc 'a win 'ixtic: —A jun winc chi xjacn yol a sat cha, man̈ yico'oc Dios, yujto matz yiclj sc'ul 'iljelal, xchi eb' 'a winac. Palta xlaj yalnc jun tzo'n̈ xo eb': —A Jesús cha, man̈ 'ajmuloc. A junc 'ajmul, ¿tom tztac' sch'oxn junc milagro 'icha tzch'ox Jesús tic? xchi ewinac. —Yuj cha, chapoj xyutj sb'a eb'.