Jn 6:40 - Chuj San Sebastian Bible

⁴⁰ An tic, Yunnaln Dios. Yuj cha, jantcn̈ej eb' tz'och q'ueln 'ayin, toto tzin ya'ch eb' 'a sc'ojol, tznib'j in Mam cha, to tzchaj eb' sq'uinl 'a jun 'ejmn̈ej. Yuj cha, an 'oj wac' pitzwc pax chan̈ eb' 'a slajb' c'ual, xchi Jesús 'a eb'.

Chuj San Mateo Bible

⁴⁰ A in tic, Yuninal in Dios. Yuj chi' jantacn̈ej eb' tzin ilani, tato tzin yac'och eb' d'a sc'ool, snib'ej in Mam chi' to scha sq'uinal eb' d'a juneln̈ej. Yuj chi' a in ol vac' pitzvocxi eb' d'a slajvub' c'ual, xchi Jesús d'a eb'.

Jn 6:40 ပူးပေါင်းရင်းမြစ်များ

Is 52:10

A Jehová, tox 'ix sch'ox spoder yil smasnil nacion̈. 'Oj yojcoc 'el smasnil 'anma 'a yolyib'n̈q'uinl tic, chajtlto a Dios on̈ colnec 'eli.

Is 53:2

Yujto 'ix snib'j Dios to 'ix q'uib' jun schecb' cha, 'icha junc te wolte tz'ejm sch'an̈lyib' 'a lum tacn̈ lu'um. A jun cha, man̈ nib'b'ilc wal yilxi, may wal tas wach' yilx 'a 'a.

Nm 21:9

Ax Moisés 'ix sb'o jun yechl chan nab'a bronce cha, 'ix slocn q'ue 'a sjolm jun te 'oy. Yuj cha, a yic tzchix eb' 'anma yuj no chan, tz'och q'ueln eb' 'a jun yechl chan nab'a bronce cha. Yuj cha, tzb'ox sc'ojl eb'.

Mt 10:15

Wal yel tzwal 'ayex, a yic 'oj jawc jun c'u yic sb'eyc'ojlal Dios, yel xo wal niwn syailal eb' 'oj 'ajxc 'a yib'n̈ eb' 'aj Sodoma yet' eb' 'aj Gomorra.

Mt 25:46

A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.

Mr 16:16

A mach tzya'ch 'a sc'ojol, tzya'n 'ajxc bautisar sb'a, 'oj colchjoc. Palta ax eb' matz ya'ch 'a sc'ojol, 'oj 'ochcn yailal 'a yib'n̈ eb'.

Lc 2:30

A yet' in sat tic, caw tzwil jun Colwjum,

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 10:28

An tzwac' sq'uinl eb' 'a jun 'ejmn̈ej. Yuj cha, man̈x b'a'n̈ 'oj satl eb'. May junc mach 'oj stac' yi'n 'ec' eb' 'a yol in c'ab'.

Jn 11:24

—N', wojtac. At 'a slajb' c'ual a yic 'oj pitzwc pax eb' chamnac, atta 'oj pitzwc pax yet' eb', xchi 'ix 'a 'a.

Jn 11:25

—An tic, 'a'm in pitzwc pax chamnac, 'aj q'uinl in paxi. Tzann̈j eb' tzin 'a'n 'och 'a sc'ojol, wach'xam 'oj cham eb', palta 'oj pitzwc pax eb'.

Jn 12:45

A eb' tzin 'ilni, wan yiln pax eb' jun mach checjnacn coti.

Jn 12:50

Wojtac, yuj schecnb'il cha, tztac' schan eb' 'anma sq'uinl 'a jun 'ejmn̈ej. Yuj cha, 'icha yaj yaln in Mam 'ayin; 'ixta tzwutj walni, xchi Jesús.

Jn 14:17

A eb' yic xon yolyib'n̈q'uinl tic, ma'oj stac' schan eb' jun tic, yujto matz tac' yiln eb', man̈ yojcoc eb'. Ax xo tic, eyojc xo Yespíritu tic, yujto 'ayc' xon eyet'oc. A 'oj 'ochcn 'ayx 'a jun 'ejmn̈ej.

Jn 14:19

Jab'xoj wal tiempo, 'ixta to b'i'an, man̈x b'a'n̈ 'oj in yil eb' 'anma'. Ax xo tic, 'oj in eyila'. Yujto pitzn in 'a jun 'ejmn̈ej, yuj cha, pitzn ex pax 'a jun 'ejmn̈ej jun xo.

Jn 17:2

Yujto ach a'jnac wopiso 'a yib'n̈ smasnil 'anma', sec wach' jantcn̈ej eb' tzac' 'ayin, tztac' wa'n sq'uinl eb' 'a jun 'ejmn̈ej.

Jn 3:36

A eb' tzya'ch sc'ojl 'a Yunnal Dios, 'ay sq'uinl eb' 'a jun 'ejmn̈ej. Palta a eb' matz ya'ch sc'ojl 'a 'a, ma'oj scha eb' sq'uinl 'a jun 'ejmn̈ej. 'Ay cot yowl sc'ojl Dios 'a yib'n̈ eb'.

Jn 4:14

Palta ax eb' tz'u'n jun a tzwac'a, man̈x b'a'n̈ 'oj cot stacn̈til eb' jun 'ejm xo. Yujto a jun a tzwac' tic, 'oj 'aj sjaj a 'a eb', ax ya'n a sq'uinl eb' 'a jun 'ejmn̈ej, xchi Jesús 'a 'ix.

Jn 5:24

Wal yel tzwal 'ayex, a eb' tz'ab'n in paxti', tzya'n 'och eb' sc'ojl 'a jun checjnacn coti, atn eb' chi 'ay sq'uinl 'a jun 'ejmn̈ej. Man̈x 'oj 'at eb' 'a yailal, yujto tox 'ix 'el eb' 'a yol sc'ab' chamel, 'ix schaj eb' sq'uinal.

Jn 6:27

Man̈oc 'a jun tzo'n̈ tas tzqui c'uxu, man̈oc tzeya'ch e nab'en e sayn 'eq'ui, yujto ton̈j 'e'lb'a yec' jun tzo'n̈ cha. 'Ayt wal junx tas 'icha to tzqui c'uxu, palta may b'a'n̈ tzlajwi. 'Ay yopiso jun chi ya'n e q'uinl 'a jun 'ejmn̈ej. Yuj cha, a 'a jun chi tzeya'ch e nab'en e sayn 'eq'ui. An 'oj wac' jun chi 'ayex, yujto 'Ochnc in 'Anma'il. A qui Mam Dios 'a'jnac spoder 'ayin, xchi Jesús 'a eb'.

Jn 6:39

A 'in Mam checjnacn coti. Tznib'ej to may junc 'oj sat 'a scal eb' tzyac' 'ayin. Tznib'ej to an 'oj wac' pitzwc pax chan̈ eb' 'a slajb' c'ual.

Jn 6:44

A 'in Mam checjnacn coti. May junc mach tztac' scomn jaw 'ayin, yic tzchan sq'uinal, toto man̈oc in Mam tz'i'n cot 'ayin. A eb' tzjaw 'ayn cha, 'oj wac' pitzwc pax chan̈ eb' 'a slajb' c'ual.

Jn 6:54

Yuj cha, tzann̈j eb' 'oj chinc in chib'jal tic, ax yu'n pax eb' in chic'l tic, 'ay sq'uinl eb' 'a jun 'ejmn̈ej. An ton tic, 'oj wac' pitzwc pax chan̈ eb' 'a slajb' c'ual.

Jn 8:56

A qui mam quichmec Abraham, tzaljnac yujto alxnac 'a 'a, to 'oj yil in jawi. In yiln toni, yuj cha, caw tzaljnac, xchi 'a ewinac.

Ro 5:21

'Aych eb' 'anma smasnil 'a yol sc'ab' maysch'olnil. Yuj spoder maysch'olnil cha, tzlaj cham eb'. Palta ax swach'c'ojlal Dios, 'ay pax spoder. Yu'uj, wach'n̈ec 'a sat ticnec. 'Ixta tzyutj ya'n qui q'uinlec 'a jun 'ejmn̈ej yuj Cajlil Jesucristo.

Ro 6:23

Toto a maysch'olnil tzqui b'o'ec, 'oj qui chac stojol, atn chaml 'a jun 'ejmn̈ej. Palta ax jun siylab' tzyac' Dios 'ayn̈ec, atn qui q'uinlec 'a jun 'ejmn̈ej, yujto junxn̈ej cajc yet' Cristo Jesús, atn Cajlilec.

2 Co 4:6

A Dios yaljnac can 'ixtic: A 'a scal q'uic'q'uinl tic, pitzw cab' sacq'uinal, xchi. Caw a 'a'jnac cot sacq'uinlal 'a qui pixnec, sec yuj jun sacq'uinlal tic, tzcojcanec 'eli, chajtlto caw niwn swach'l Dios. A 'a Jesús, ata tzcheclj 'el swach'l Dios cha.

A Ch'an̈ Carta D'a Eb' Hebreo 11:1

A yic tzca'nec 'och Dios 'a qui c'ojol, tzyal 'el'chi, to caw tzca'c 'och yipc qui c'ojol, chajtlto 'oj qui chac tas wan qui tan̈wni. Cojquec si'mb'il, a jun tzo'n̈ tas mantzac quila, caw 'ayq'ui.

A Ch'an̈ Carta D'a Eb' Hebreo 11:27

Caw ya'jnac 'och Dios 'a sc'ojol. Yuj cha, yelt 'a yol yic Egipto cha. Ma'ix xiw jac yuj yowl sc'ojl win rey cha. Caw te'n yutjnac snab'en, 'icha to caw yiljnac jun matz tac' quilnec, atn Dios.

A Sb'ab'el Carta San Pedro 1:8

Ax xo, wach'xam man̈x 'ic eyil Jesucristo, palta 'ay e chamc'ojlal 'a 'a. Matz eyila, palta tzeya'ch e c'ojl 'a 'a. Caw tzex tzalji. A wal e tzaljc'ojlal cha, caw niwn yel'chi, man̈ jantcoc swach'il.

1 Jn 2:25

Atn Jesucristo ya'jnac can sti 'ayn̈ec, to tzyac' qui q'uinlec 'a jun 'ejmn̈ej.

San Judas 1:21

Caw tzeyil wal e b'a, sec ma'oj eyel 'a schamc'ojlal Dios. Qui tan̈wquec sjaw jun c'u, yic 'oj wach' 'o'ch sc'ojl Cajlil Jesucristo 'ayn̈ec, ax ya'n qui q'uinlec 'a jun 'ejmn̈ej.