Jn 6:37 - Chuj San Sebastian Bible

³⁷ Jantcn̈ej eb' tz'ajx 'ayn yuj qui Mam Dios, 'oj jawc eb' 'ayin. A eb' tzjaw 'ayn cha, ma'oj in pechl eb'.

Chuj San Mateo Bible

³⁷ Masanil eb' tz'ac'ji d'ayin yuj in Mam, ol ja eb' d'ayin. A eb' sjavi d'ayin, man̈ ol in pechel eb'.

Jn 6:37 ပူးပေါင်းရင်းမြစ်များ

Salmos 102:17

'Oj a cha ab' slesl eb' may mach tzcolwj yet'oc, may mach 'oj stac' stenn 'och wan slesl eb' cha.

Salmos 110:3

A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

Is 41:9

An ton ex wij cot 'a 'aj tzlajw c'och sti lum lu'um, ex wawtn cot 'a 'aj caw najt eyajcn 'ati. 'Ix waln 'ayx 'ixtic: In checb' ex, xin chi. An ex in si'cn 'eli, ma'ex in patquilj 'eli.

Is 42:3

'Ay wal eb' caw 'oltac, 'icha junc te 'aj tzpacchji, mto 'icha junc cantil wan stupi, 'ixta eb'. Palta a 'oj colwjoc 'a eb', ma'oj yixtc eb', wal yel 'oj yac' tojlal 'a eb'.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Mt 11:28

Tzann̈j ex 'icha to tz'el eyip e munlji, yet' ex 'icha to caw 'al eyaj yuj eyicatz, cotn̈ec 'ayin, 'oj ex wac 'iljoc.

Mt 24:24

Yujto 'oj pitzwc chan̈ jun tzo'n̈ eb' 'oj cob' yalch sb'a Cristoal, yet' eb' 'oj cob' yalch sb'a schecb'oc Dios. 'Oj sch'ox eb' jun tzo'n̈ milagro senyaoc, sec 'oj 'ixtxoc paxti eb' 'anma yuj eb'. 'Oj ya'lc pax eb' yixtn paxti eb' sic'b'il 'el yuj Dios, palta ma'oj stac' yuj eb'.

Jn 17:11

Jab'xoj wal 'ayn 'ec' 'a yolyib'n̈q'uinl tic, ax in pax q'ue et'oc. Ax eb' tic, 'oj laj can eb' jacx 'a yolyib'n̈q'uinl tic. Mamin, caw tojln̈ej a nab'en. A eb' xac' 'ayn tic, tza tan̈wj eb' yet' a poder, sec junxn̈ej tz'aj snab'en eb' 'icha waj et'oc.

Jn 17:2

Yujto ach a'jnac wopiso 'a yib'n̈ smasnil 'anma', sec wach' jantcn̈ej eb' tzac' 'ayin, tztac' wa'n sq'uinl eb' 'a jun 'ejmn̈ej.

Jn 17:24

Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.

Jn 17:6

A eb' xa sic' 'elt 'a yolyib'n̈q'uinl tic, xa'n eb' 'ayin, xin ch'ox 'a eb' tas yaj a nab'en. A eb' xac' 'ayn cha, toxn ec xon eb'. Tzlaj syiclc eb' a paxti'.

Jn 6:39

A 'in Mam checjnacn coti. Tznib'ej to may junc 'oj sat 'a scal eb' tzyac' 'ayin. Tznib'ej to an 'oj wac' pitzwc pax chan̈ eb' 'a slajb' c'ual.

Jn 6:65

'Ix yaln pax junx tic 'ixtic: —Yujto 'ayx matz eya'ch e c'ojl 'ayin, yuj cha, xwaln 'ayex, may junc mach tztac' scomn jaw 'ayin, toto man̈oc in Mam tz'i'n cot 'ayin, xin chi, xchi Jesús 'a eb'.

Jn 9:34

—'In ach tic, toxn 'ajmul ach yic alji. ¿Tom tza nib'j tzon̈ cob' a cuy on̈? xchi ewinac. Xlajw xoj cha, spechn 'elt ewin 'a scal.

Ro 5:20

'Ac'b'il can ley yic Moisés, yic tzwach' checlj 'el tas maysch'olnil. Wach'xam caw 'ix niwtj maysch'olnilal cha, palta ax swach'c'ojlal Dios, yel xo wal caw niwn yel'ch 'a yib'an̈.

A Scarta San Pablo D'a Eb' Aj Filipos 1:29

Yuj swach'c'ojlal Cristo sch'ox 'ayn̈ec, man̈ cojnoc on̈ec 'ay caln quic ca'nec 'och qui c'ojl 'a 'a, palta 'ay calnec pax quic cab'n syal yu'uj.

1 Ti 1:16

Palta yuj wal cha, x'o'ch sc'ojl Dios 'ayin, sec wu'uj, tzcheclj 'eli chajtlto caw niwn sc'ojl Jesucristo. Yuj cha, an tic ch'oxnb'il waj 'a jantcn̈ej eb' tot 'oj ya'ch sc'ojl 'a 'a, sec tzchaj eb' sq'uinl 'a jun 'ejmn̈ej.

2 Ti 2:19

'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

A Ch'an̈ Carta D'a Eb' Hebreo 7:25

Yuj cha, a mach tz'ijx 'och yico'oc Dios yu'uj, a tztac' ya'n scolnb'il eb' 'a jun 'ejmn̈ej. Yujto pitzn 'a jun 'ejmn̈ej, yic tzc'ann niwnc'ojlal 'a Dios cujec.

1 Jn 2:19

A eb' cha, x'el eb' 'a qui calec, palta man̈toc caw quitb'eymoc qui b'a yet' eb'. Octom caw quitb'eymec qui b'a yet' eb', to 'ixta', xcan eb' quet'ec. Palta 'ixta x'aj eb' yeli, sec tzcheclj 'eli, to man̈ quitb'eymoquec eb'.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.