Jn 5:42 - Chuj San Sebastian Bible

⁴² Ax xo tic, wojtac tas yaj e nab'en, to may e chamc'ojlal 'a Dios.

Chuj San Mateo Bible

⁴² Vojtac tas yaj e pensar, man̈ xajanoc Dios eyuuj.

Jn 5:42 ပူးပေါင်းရင်းမြစ်များ

Lc 16:15

Yuj cha, xyaln Jesús 'ixtc 'a ewinac: Ax xo tic, cojxn 'a sat eb' 'anma wach' tzeyutj e b'a, palta ax Dios, yojtac tas yaj e nab'en. A jun tzo'n̈ tas niwn yel'ch 'a sat eb' 'anma', caw yajb'il yuj Dios.

Jn 2:25

Man̈ yowlalc tzat alx 'a 'a, tas snab'en junc mach. Toxn yojtac tas 'ay 'a qui nab'en junjn on̈.

Jn 21:17

'Ix yaln pax 'ixtc 'a yoxlal: —Simón, ach yunnal Juan, ¿tzam in a chamc'ojlej? xchi 'a 'a. Yuj cha, caw 'ix cus chan̈ Pedro cha, yujto yoxlal sc'anb'n Jesús 'a 'a, toto tzchamc'ojlej. Yuj cha, 'ix yaln pax 'a 'ixtic: —Mamin, ojc xon smasnil to chamc'ojlb'ilchn̈ej wu'uj, xchi 'a 'a. —Toto 'ixta', 'icha junc 'ilm calnelu, 'ixta tzotj a jucb'tzan eb' wic xo.

Jn 5:41

Matz in nib'j to 'ay wel'ch 'a sat eb' 'anma'.

Jn 5:43

An tic, checb'iln cot yuj in Mam, palta 'in matz eya'ch e c'ojl 'ayin. Toto 'ay junc xo mach mun 'oj jawc 'a yol yico', atn 'a jun chi 'oj eya'ch e c'ojol.

Jn 5:44

Toto an̈j 'a e sat junjn ex tze nib'j 'ay eyel'chi, toto matz e nib'j 'ay eyel'ch 'a sat Dios jun caw yel, ¿tom 'oj stac' eya'n 'och e c'ojl 'a 'a?

Jn 8:42

—Octom yel a Dios chi e mam. Toto 'ixta', 'ay e chamc'ojlal 'ayin, yujto a 'a Dios chi cotnc in, in jaw 'a tic. Man̈ munoc tzin jawi, yujto a Dios checjnacn coti.

Jn 8:47

A eb' yic Dios, tzya'ch eb' schicn 'a spaxti'. Palta ax xo tic, man̈ ex yico'oc Dios. Yuj cha, matz yal e c'ojl tzeya'ch e chicn 'a 'a, xchi Jesús 'a eb'.

Jn 8:55

palta niwnoc tzeyal 'ixta', yujto man̈ eyojcoc. Aln tic, caw wojc Dios cha. Q'uinloc tzwala to man̈ wojcoc. To 'ixta', caw tzwac' 'es 'icha 'ex. Palta caw yel wojtac, yujto a tas tzyala, a tzin yiclej.

Ro 8:7

Palta ax eb' tzb'eylb'an 'icha tznib'j stu nab'enal, ton̈j tz'och eb' 'ajc'ojlal 'a Dios. Matz nib'j eb' tzyiclj sley Dios cha. Caw matz tac' yuj eb'.

1 Jn 2:15

Man̈ qui chamc'ojloquec qui b'a yet' yolyib'n̈q'uinl tic, yet' jun tzo'n̈ tastc 'ay 'a 'a. Toto tzqui chamc'ojlejec qui b'a yet'oc, ax 'a qui Mam Dios, may qui chamc'ojlalec.

1 Jn 3:17

Q'uinloc 'ay tas 'ay 'ayn̈ec, ax tzquilnec junc quit creyenteal to caw 'ay tas sc'a'l tz'och yu'uj. Toto matz 'o'ch qui c'ojlec 'a 'a, may jac qui chamc'ojlalec 'a Dios tzyal cha.

1 Jn 4:20

Toto tzcalec, to 'ay qui chamc'ojlalec 'a Dios, palta tzon̈ chichnec 'och 'a junc quit creyenteal, toto 'ixta', ton̈j tzca'c 'es. A eb' quit creyenteal, cojc yilx eb'. Yuj cha, toto matz qui chamc'ojlejc eb', ¿tast wal 'oj cutquec qui chamc'ojlanec Dios, yujto man̈ cojcoquec yilxi?

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.