Jn 4:20 - Chuj San Sebastian Bible

²⁰ A eb' qui mam quichm an̈ 'aj Samaria on̈ tic on̈, a 'a jun witz tic wul yaljnac sb'a eb' 'a Dios. Palta ax xo israel ex tic, tzeyal 'ixtic: A 'a Jerusalén, ata yowlal tz'at calc qui b'a 'a Dios, xe chi, xchi 'ix.

Chuj San Mateo Bible

²⁰ A eb' co mam quicham a on̈ aj Samaria on̈ tic, a d'a jun vitz tic yalnac sb'a eb' d'a Dios. Palta a exxo israel ex tic, tzeyala': A d'a Jerusalén, ata' yovalil b'at cal co b'a d'a Dios, xe chi, xchi ix.

Jn 4:20 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 9:3

'Ix yaln 'ixtic: 'Ix wab' tas 'ix al 'ayn yet' a lesal, yet' tas 'ix a c'an 'ayin. Tox 'ix in si'cn 'el jun n̈a tic wico'oc, yic tz'och 'emmquilal 'ayn 'a 'a. Caw 'aynn̈ej 'ec' ta 'a junjn c'u, 'oj in tan̈wcn̈ej 'a smasnil tiempo.

1 Cr 21:26

Axta sb'o chan̈ jun yet'l xajmb'al chi 'a Jehová. Ata 'ix yac' xajmb'al to tz'a smasnil, yet' xajmb'al yic junc'ojlal. 'Ix leslwi 'a Jehová. 'Ix ta'w 'a 'a, yuj cha, xya'n cot c'ac' 'a satcha'an̈, 'ix 'ejm 'a yib'n̈ jun no xajmb'al cha.

1 Cr 22:1

Yuj cha, 'ix yaln David 'ixtic: A 'a tic 'oj b'o chan̈ yatut Jehová Dios, yet' jun yet'l xajmb'al 'aj 'oj ca'c tz'a qui xajmb'al an̈ israel on̈c tic, xchi.

2 Cr 6:6

palta a ticnec, xin si'l chon̈b' Jerusalén, sec wach' ata tzb'inax in b'i. Ach in si'n pax 'eli sec wach' ach 'oj ac' reyl 'a yib'n̈ in chon̈b' tic, xchi Dios 'a in mam.

2 Cr 7:16

yujto tox xin si'cn 'el jun n̈a tic wico'oc, atn 'aj 'oj 'och 'emmquilal 'ayn 'a smasnil tiempo. A jun tic 'oj in tan̈woc, nann̈ej wuj 'a smasnil tiempo.

Salmos 132:13

An Jehová in, an xin si'l lum tzaln Sión wico'oc, yujto ata tzin nib'j tzin 'aj cajan.

Salmos 78:68

palta a 'a eb' yin̈tl Judá 'ix sic' 'elta. Si'n pax 'el lum tzaln Sión caw chamc'ojlb'il yu'uj

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Lc 9:53

Palta ax eb' 'aj Samaria cha, toxn ma'ix schaj c'och eb' 'a scal, yujto wan s'at Jesús 'a Jerusalén.

Jn 4:12

A qui mam 'ichm Jacob on̈, a 'u'jnac a yet' eb' yunnal 'a tic, yet' jun tzo'n̈ scajb'en noc'. A yic schami, xcan jun a tic 'ayn̈ on̈. Ach xo tic, ¿tom 'ec'b'al opiso 'a Jacob cha? xchi 'ix 'a 'a.

Dt 11:29

A yic tox ex c'och yuj Jehová qui Diosalec 'a sat lum lum cha, 'oj eyalcn 'el wach' paxti 'a yich lum witz Gerizim, ax 'a yich lum witz Ebal, ata 'oj eyalcn 'el catab'.

Dt 27:12

A yic tzex c'axw 'ec' 'a yojl a Jordán, a eb' yin̈tl Simeón, Leví, Judá, Isacar, José yet' Benjamín, ata tz'aj eb' tic 'a lum yich witz Gerizim, sec ata 'oj yal eb' wach' paxti 'a yib'n̈ eb' chon̈ab'.