Jn 3:27 - Chuj San Sebastian Bible

²⁷ Yuj cha, xyaln pax 'a eb' 'ixtic: —May junc mach tztac' scomn 'och yopiso, toto man̈oc Dios tz'a'n 'a 'a.

Chuj San Mateo Bible

²⁷ Yuj chi' ix yalan vin̈ d'a eb': —Malaj junoc mach syal scomon och yopisio tato man̈oc Dios tz'ac'an d'ay.

Jn 3:27 ပူးပေါင်းရင်းမြစ်များ

Jeremías 1:5

Yictax mantzac ach wac' pitzwc 'a a nun, toxn sic'b'ilch xon 'el wu'uj. A yic mantzac ach 'alji, ach wi'n xon 'och wico'oc, yic tzach 'och in checb'oc 'a scal jun tzo'n̈ nacion̈, xchi 'ayin.

Jeremías 17:16

May 'aj in tew 'ayach yic tzin c'ann cot junc tas tzlajw 'el eb' 'anma yu'uj. An tic matz in nib'j tzjaw yailal 'a yib'n̈ eb'. Ach tic ojtac tas xin c'an 'ayach, yujto a wal 'a ojltac in paxtini.

Am 7:15

Palta a Jehová in 'i'n 'och wan 'a cajj noc' cha, 'ix yaln 'ayn 'ixtic: 'Ixic 'at al-l in paxti 'a chon̈b' Israel, xchi.

Nm 17:5

'Oj wac' wolnc te sc'occh jun mach to sic'b'il 'el wu'uj, sec 'oj 'och wan yaln eb' 'anma tic e peclal 'a wojltac, xchi Dios.

Mt 21:25

¿Mach 'a'jnac yopiso win Juan yic ya'n bautisar win eb' 'anma'? ¿Dios am x'a'ni, mto 'anma'? Alc 'ayin, xchi 'a ewinac. Yuj cha, 'ix syamn 'och ewin sten sb'a yuj jun tzo'n̈ xyal cha, 'ix laj yal-lanc ewinac: —¿Tas wal tzcutjec caln 'a 'a? Toto tzcalec, to a Dios 'a'jnac yopiso winac, 'oj yal am 'ixtc 'ayn̈ec: ¿Tas yuj ma'ix eya'ch 'a e c'ojl jun? 'oj schic am 'ayn̈ec.

Mt 25:15

'Ay jun 'aj 'ix yac' o'e talento, ax jun 'aj 'ix yac' chab' talento, 'ay pax jun 'aj 'ix yac' jun talento, a tzyal sjelnal junjn eb'. Xlajw cha, x'at winac.

Mr 13:34

Q'uinloc 'ay junc winac, tz'at 'a junc xo lugar 'a najat, tzcan yatut. Tzya'n can win yopiso junjn eb' smoso, tzyaln can winac tastc smunljel junjn eb', tzyaln can pax win 'a win stan̈mal n̈a, chajtlto tzmacwj winac.

Jn 10:41

Til wal 'anma xc'och ta'. 'Ix laj yal-lanc eb' 'ixtic: —A Juan, may 'aj 'ix ch'ox junc milagro, palta jantcn̈ej tas 'ix yal yuj Jesús tic, caw yel, xchi eb'.

Jn 6:65

'Ix yaln pax junx tic 'ixtic: —Yujto 'ayx matz eya'ch e c'ojl 'ayin, yuj cha, xwaln 'ayex, may junc mach tztac' scomn jaw 'ayin, toto man̈oc in Mam tz'i'n cot 'ayin, xin chi, xchi Jesús 'a eb'.

Ro 1:5

Yuj Jesucristo sch'oxjnac Dios swach'c'ojlal 'ayin, yic in ya'n 'och schecb'oc, sec wach' 'ay eb' 'a junjn chon̈b'al tzya'ch sc'ojl 'a 'a, tzyiclni pax eb' tas tzyala.

Ro 12:6

Chucchc copiso junjn on̈ec, a tzyala tastc tz'el 'a sc'ojl Dios tzyac' 'ayn̈ junjn on̈. Yuj cha, yowlal caw tzon̈ munlj junjn on̈ 'a copiso. A mach 'ac'b'il yopiso yaln 'el spaxti Dios, yowlal tzyal-li, a tzyala jantc tzyutj ya'n 'och sc'ojl 'a 'a.

1 Co 1:1

An Pablo in tic, 'awtb'iln 'och schecb'oc Jesucristo, yujto 'ixta x'el 'a sc'ojl Dios. An yet' Sóstenes,

1 Co 12:11

Til wal jun tzo'n̈ tas tz'ajx qui b'o'ec, palta junn̈j Espíritu tz'a'n qui b'oc jun cha. Chucchc tas tzyac' qui b'o junjn on̈ec, a tzyala tas tznib'j yac' qui b'o'ec.

1 Co 15:10

Ax ticnec, yujn̈ej swach'c'ojlal Dios, 'ixtc waj ticnec. Palta man̈ nab'an̈ejoc 'ix sch'ox swach'c'ojlal tic 'ayin, yujto 'ec'b'al in munlj 'a yib'n̈ eb' witb'eym chi smasnil. Palta man̈oc in tzin munlj in ch'ocoj. A Dios tzmunlj wet' yuj swach'c'ojlal.

1 Co 3:5

¿Tom 'ay wel'ch an Pablo in tic? An̈jtona pax Apolos cha, ¿tom 'ay yel'ch paxi? Yujto an̈ tic on̈, ton̈j ya'mal on̈ servil Dios on̈. Cuj on̈, eya'n 'och e c'ojl 'a Cajlil. Ton̈j tzon̈ munlj junjn on̈ on̈, 'icha yaj ya'n Dios copiso tic on̈.

1 Co 4:7

May junc on̈ tztac' qui b'an̈n qui b'a, yujto lajnn̈ej quel'chec qui masnil. Tzann̈j tas tztac' cujec, yujto a Dios tz'a'n 'ayn̈ec. Yuj cha, matz tac' qui b'an̈nec qui b'a yu'uj. Matz tac' calnec, to mun quiquec, yujto a Dios tz'a'n 'ayn̈ec.

Gl 1:1

An Pablo in tic, schecb' in Jesucristo. Man̈oc junc 'anma 'ayn schecab'. An̈jtona', man̈oc junc 'anma 'a'jnac wopiso tic. Atn Jesucristo 'a'jnac wopiso yet' qui Mam Dios. A 'a'jnac pitzwc pax Jesucristo 'a scal eb' chamnac.

Ef 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. Tic tzin tz'ib'j 'at jun in carta tic 'ayx ex yic xo Dios 'a chon̈b' Éfeso. Caw 'aych e c'ojl 'a Cristo Jesús si'mb'il.

1 Ti 2:7

Yuj wal jun tic, x'ajx wopiso waln 'el jun 'ab'x tic. In 'ajx 'och schecb'oc Jesucristo. Yuj cha, x'ajx pax wopiso in cuyn eb' man̈ israeloc 'a jun cuynb'il caw yel, sec tzya'ch eb' sc'ojl 'a Cristo. Caw yel tzwala, yujto 'aych in c'ojl 'a Cristo. Man̈ 'esc tzwac'a.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.