Jn 3:19 - Chuj San Sebastian Bible

¹⁹ An tic, in 'eml 'a yolyib'n̈q'uinl tic wul wac' sacq'uinl 'a spixn eb' 'anma'. Palta 'ay pax eb' matz nib'n jun sacq'uinl tic. Yuj cha, 'oj cann̈j syailal eb' 'a yib'an̈. Cojn q'uic'q'uinl tznib'j eb' 'a spixan, yujto maysch'olnil tas tzb'o eb'.

Chuj San Mateo Bible

¹⁹ A in tic in emul d'a yolyib'an̈q'uinal tic yic svac' saquilq'uinal d'a eb' anima. Palta ay pax eb' malaj sgana d'a jun saquilq'uinal tic. Yuj chi', ol cann̈ej syaelal eb' d'a yib'an̈. An̈ej val yic q'uic'alq'uinal sgana eb', yujto an̈ej chucal sc'ulej eb'.

Jn 3:19 ပူးပေါင်းရင်းမြစ်များ

Pr 2:13

atn eb' tz'actn can wach' b'eyb'al, tz'atcn eb' 'a scal maysch'olnil.

Jeremías 9:6

A wal et'l 'aj cajn ach 'eq'ui, ata 'ayc' 'a scal eb' tz'ixtn eb' 'anma'. Yujto caw tzya'ch eb' sc'ojl yixtn yit 'anma'il, yuj cha, caw man̈xtzac snib'j eb' tzin yalch sDiosaloc.

Lv 13:10

Sec a win tz'ilni toto wan smali, sacx yilx stz'umal, wan xo pax sacb' xil cha, chacx yilx sat jun yab'il cha.

Lc 12:47

Q'uinloc 'ay junc moso 'ojtnac, tas tznib'j spatron̈ tzb'o'o, palta man̈ listaoc tzyutj sb'a. Matz yiclj tas tzyal spatron̈ cha. A jun cha, caw niwn yailal 'oj 'ajxc 'och 'a yib'an̈.

Lc 16:14

Ax ewin fariseo cha, c'uxn xyab' ewinac tastc 'ix yal Jesús. Palta cojxn wal tumn 'aj 'aych snab'en ewinac. Yuj cha, ton̈j xb'uchwj ewin 'a 'a.

Jn 1:4

Yu'uj 'ay qui q'uinlec qui masnil. A jun tz'a'n qui q'uinlec tic, tzyac' pax sacq'uinl 'a qui pixnec.

Jn 1:5

A jun sacq'uinl tic, tzyac' sacq'uinl 'a 'aj 'ay q'uic'q'uinal. Ax jun q'uic'q'uinl cha, matz tac' ya'n tup jun sacq'uinl tic.

Jn 12:31

A ticnec, a eb' 'ay 'a yolyib'n̈q'uinl tic 'oj b'eyc'ojlaxc eb'. Ax win tz'a'n yajlil 'a yolyib'n̈q'uinl tic, 'oj can 'a yaln̈ wu'uj.

Jn 12:43

'Ixta xyutj sb'a eb', yujto ton̈j tznib'j eb' an̈j 'a sat 'anma 'ay yel'ch eb'. Matz na eb', toto 'ay yel'ch eb' 'a sat Dios.

Jn 12:46

An tic, in jaw wul wac' sacq'uinl 'a spixn eb' 'anma 'a yolyib'n̈q'uinl tic, sec wach' a eb' tzya'ch sc'ojl 'ayin, man̈x 'a q'uic'q'uinl 'a spixn eb'.

Jn 5:44

Toto an̈j 'a e sat junjn ex tze nib'j 'ay eyel'chi, toto matz e nib'j 'ay eyel'ch 'a sat Dios jun caw yel, ¿tom 'oj stac' eya'n 'och e c'ojl 'a 'a?

Jn 7:17

Toto 'ay mach tzyal sc'ojl tzb'o 'icha tznib'j Dios, 'oj nachjoc 'el yu'uj, to yic Dios jun tzo'n̈ cuynb'il tic, man̈ munoc tzwal 'a yol wico'.

Jn 7:7

A eb' yic yolyib'n̈q'uinl tic eyet'oc, matz tac' tzchichn 'och eb' 'ayex. Palta an xo tic, tzchichn 'och eb' 'ayin, yujto tzin ch'oxli, to maysch'olnil sb'eyb'al eb'.

Jn 8:12

'Ix yaln pax Jesús 'ixtc 'a scal eb' 'anma cha: —An tic, 'icha sacq'uinl waj 'a eb' 'anma 'ay 'a yolyib'n̈q'uinl tic. A eb' tz'och in cuywumoc, 'oj wac' sacq'uinl 'a spixn eb'. Yuj jun sacq'uinl cha, 'oj scha eb' sq'uinl 'a jun 'ejmn̈ej. Man̈x 'oj b'ey eb' 'a scal q'uic'q'uinal, xchi Jesús.

Jn 9:5

Yic 'aynto 'ec' 'a yolyib'n̈q'uinl tic, 'icha sacq'uinl waj 'a eb' 'anma', xchi Jesús 'a eb'.

Ro 1:32

Yojc xon eb' jun sley Dios tzalni, to a eb' tzb'on jun tzo'n̈ chi 'ixta', smoj s'atcn eb' 'a chaml 'a jun 'ejmn̈ej. Palta an̈j 'ijnoc sb'on eb', tzlaj tzalj pax eb' yet' eb' yit 'anmal tzb'on jun tzo'n̈ chi yet'oc.

Ro 2:8

Palta 'ay pax eb' 'aj 'oj yac' Dios yowl sc'ojol, ax ya'n can 'och syailal eb', atn eb' tznib'j axn̈ej 'ay yel'chi. Matz yiclj eb' jun cuynb'il caw yel. Cojn jun tzo'n̈ maysch'olnil 'aj 'aych snab'en eb'.

2 Ts 2:12

Jantcn̈ej eb' matz nib'j tzya'ch sc'ojl 'a jun cuynb'il caw yel, 'oj 'ajxc can 'at eb' 'a yailal, yujto tzalj eb' yet' tas maysch'olnil.

A Sb'ab'el Carta San Pedro 2:8

Tzyaln pax junx tic 'ixtic: 'Icha junc q'uen 'aj tztench eb' 'anma yoc, tztelw eb' yu'uj, 'ixta 'oj 'aj 'a sat eb', xchi 'a Ch'an̈. Yujto 'ixta Cristo 'a sat eb' matz ya'ch sc'ojl 'a 'a. Ton̈j tzsomchj 'el eb' yu'uj, yujto matz yiclj eb' spaxti'. Yictax pecti', checl xon yaj eb', to 'ixta 'oj yutc sb'a eb'.

A Schab'il Carta San Pedro 3:3

A junx tic 'oj walb't tic, caw wal tzin nib'j tzeyojquej 'eli. A 'a jun slajb' tiempoal, 'ay eb' 'oj pitzwc cha'an̈. 'Oj comn b'uchwjc eb'. Cojxn jun tzo'n̈ maysch'olnil tznib'j 'och eb' 'aj 'oj ya'ch snab'en.