Jn 21:14 - Chuj San Sebastian Bible

¹⁴ A Jesús cha, yoxlal xo sch'oxn sb'a 'a eb' scuywum cha, yic 'ix pitzw pax 'a scal eb' chamnac.

Chuj San Mateo Bible

¹⁴ Yoxelalxo sch'oxan sb'a Jesús d'a eb' sc'ayb'um chi' yictax ix pitzvixi d'a scal eb' chamnac.

Jn 21:14 ပူးပေါင်းရင်းမြစ်များ

Mr 16:12

Xlajw cha, xch'oxn sb'a Jesús 'a chawn̈ eb' scuywum, yic wan sb'ey eb' 'a sti 'el chon̈ab'. Chuc yilx xyil eb' scuywum cha.

Mr 16:14

Ax 'a jun 'ejm xo, yic wan swa eb' scuywum Jesús chi yuxlchwan̈il, 'ix sch'oxn sb'a 'a eb'. 'Ix yaln spaltail eb' yujto chab'c'ojlal yaj eb'. Pit xyutj sb'a eb', yujto ma'ix schaj eb' yab' 'a eb' x'ilni yic tox 'ix pitzw paxi.

Jn 20:19

An̈ja 'a jun domingo chi 'a sq'uic'b'alil, 'ix syam sb'a eb' scuywum Jesús. Caw sin̈n̈i xyutj eb' sch'apn jun n̈a cha, yujto tzxiw eb' 'a ewin 'aj Judea cha. Ax xyiln eb', 'ayx 'ec' Jesús 'a scal eb'. 'Ix yaln 'a eb' 'ixtic: —Junc'ojlal cab' eyaji, xchi 'a eb'.

Jn 20:26

Yucb'ixial xo, 'ix syamn pax sb'a eb' jun 'ejm xo 'a yol n̈a cha. 'Ayx 'ec' Tomás chi yet' eb'. Caw sin̈n̈i yaj sch'apx te n̈a cha, palta ax xyiln eb', 'ayx 'ec' Jesús 'a scal eb'. 'Ix yaln 'a eb' 'ixtic: —Junc'ojlal cab' eyaji, xchi.

Jn 21:1

Ax 'a jun 'ejm xo, 'ix sch'oxn pax sb'a Jesús 'a eb' scuywum, yic 'ayc' eb' 'a sti a mar yic Tiberias. 'Ixtc 'ix yutj sch'oxn sb'a 'a eb'.

A Tas Sc'ulejnac Eb' Schecab' Jesús Hechos 1:3

Yic tox 'ix chami, niwn 'ejm to sch'ox sb'a 'a eb' schecb' cha. Chawinc to c'u 'ix sch'ox sb'a 'a eb', chajtlto caw yel 'ix pitzw paxi. 'Ix yaln can 'a eb', chajtl tzyutj Dios ya'n yajlil 'ayn̈ec.