Jn 20:31 - Chuj San Sebastian Bible

³¹ 'Ix tz'ib'x can jun tzo'n̈ tic, sec 'oj eya'ch 'a e c'ojol, to a Jesús atn Cristo, Yunnal Dios. Toto 'oj eya'ch 'a e c'ojol, 'oj e cha e q'uinl 'a jun 'ejmn̈ej 'a 'a.

Chuj San Mateo Bible

³¹ Palta a juntzan̈ tic tz'ib'ab'ilcani yic tzeyac'och d'a e c'ool to a Jesús aton Cristo, Yuninal Dios. Tato icha chi' ol eyutoc eyac'anoch d'a e c'ool, ol e cha e q'uinal d'a juneln̈ej yuuj.

Jn 20:31 ပူးပေါင်းရင်းမြစ်များ

Salmos 2:12

'Emn̈ec n̈ojn 'a yojltac Yunnal Dios yet' e xiwc'ojlal. Man̈ eyi' cot yowl sc'ojl 'a eyib'an̈, sec matz ex satl yu'uj, yujto yajn̈j wal cha, tzcot yowal. ¡Caw tzaljc'ojlal yic eb' to a Dios tzya'ch yipc sc'ojol!

Salmos 2:7

Ax Yunnal Dios a tzaln 'ixtic: 'Oj walcn 'el tas sna Jehová, yujto xyalcn 'ixtc 'ayin: A 'a jun c'u tic, 'ix wac' checljoc 'eli to Wunnal ach.

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

Mt 27:54

Ax ewin soldado tztan̈wni cha, yet' win syajlil ewinac, 'ix yab' ewin yec' jun quixcab' cha. 'Ix yiln pax ewin jun tzo'n̈ xo tas 'ix uji, yuj cha, caw xiw ewinac, 'ix yaln ewin 'ixtic: A jun win xcham tic, caw yel yunnal Dios, xchi ewinac.

Mt 4:3

'Ix c'och win 'a'm prowal chi 'a 'a, 'ix yaln win 'ixtc 'a 'a: —'In yunnal ach Dios, yuj cha, al 'a jun tzo'n̈ q'uen tic, 'och cab' panil, xchi win 'a 'a.

Mr 16:16

A mach tzya'ch 'a sc'ojol, tzya'n 'ajxc bautisar sb'a, 'oj colchjoc. Palta ax eb' matz ya'ch 'a sc'ojol, 'oj 'ochcn yailal 'a yib'n̈ eb'.

Lc 1:35

—A spoder Yespíritu Dios, atn jun yel xo niwn yel'ch cha, a 'oj 'emlc 'a eb'n̈ 'icha sjaw junc 'asun. Yuj cha, a jun 'unn 'oj 'aljoc cha, yicn̈ej Dios 'oj 'ajoc. 'Oj alxc yu'uj, chajtlto Yunnal Dios.

Lc 1:4

'Ixtc 'oj wutc in b'oni, sec 'oj a wach' 'ojcoc 'eli, to caw yel jun tzo'n̈ chi xa cuy cha.

Lc 24:47

An̈jtona', yowlal 'oj alxc 'el wab'xil 'a scal eb' 'anma 'a junjn nacion̈, to yowlal tzna sb'a eb', sec 'oj 'ajxc can lajwc smul eb'. A 'a Jerusalén tic 'oj b'ab'l alxc 'el wab'xil, ax spuc 'a junjn chon̈ab'.

Jn 1:49

—Ach in Cuymal, yel Yunnal ach Dios. Sreyl ach eb' quit israelal, xchi.

Jn 10:10

'Ay eb' 'icha junc 'elc'm tzjawi, tzyelc'n eb' smil junc calnelu. Aln tic, tzin jaw wul wac' sq'uinl eb' 'anma 'a jun 'ejmn̈ej, sec wach' caw niwn swach'c'ojlal Dios 'oj scha eb'.

Jn 19:35

An tic, caw 'ix wil jun tzo'n̈ tic. Yuj cha, tzwa'n testigoal in b'a yu'uj, sec 'oj eya'ch pax 'a e c'ojol. A jun tzo'n̈ tas tzin tz'ib'j can tic, caw yel. An tic, wojtac caw yel tzwala.

Jn 20:28

Xlajw cha, xyaln pax Tomás chi 'a 'ixtic: —Ach ton tic Wajlil ach, in Diosal ach, xchi 'a 'a.

Jn 3:18

A eb' tzin 'a'n 'och 'a sc'ojol, man̈x 'oj 'at eb' 'a yailal. Palta ax eb' matz in 'a'n 'och 'a sc'ojol, 'oj 'ochn̈j yailal 'a yib'n̈ eb'. Yujto cojxn in ton Yunnal Dios in, palta matz in ya'ch eb' 'a sc'ojol.

Jn 3:36

A eb' tzya'ch sc'ojl 'a Yunnal Dios, 'ay sq'uinl eb' 'a jun 'ejmn̈ej. Palta a eb' matz ya'ch sc'ojl 'a 'a, ma'oj scha eb' sq'uinl 'a jun 'ejmn̈ej. 'Ay cot yowl sc'ojl Dios 'a yib'n̈ eb'.

Jn 5:24

Wal yel tzwal 'ayex, a eb' tz'ab'n in paxti', tzya'n 'och eb' sc'ojl 'a jun checjnacn coti, atn eb' chi 'ay sq'uinl 'a jun 'ejmn̈ej. Man̈x 'oj 'at eb' 'a yailal, yujto tox 'ix 'el eb' 'a yol sc'ab' chamel, 'ix schaj eb' sq'uinal.

Jn 6:40

An tic, Yunnaln Dios. Yuj cha, jantcn̈ej eb' tz'och q'ueln 'ayin, toto tzin ya'ch eb' 'a sc'ojol, tznib'j in Mam cha, to tzchaj eb' sq'uinl 'a jun 'ejmn̈ej. Yuj cha, an 'oj wac' pitzwc pax chan̈ eb' 'a slajb' c'ual, xchi Jesús 'a eb'.

A Tas Sc'ulejnac Eb' Schecab' Jesús Hechos 10:43

Yictax pecti', 'aycto, yaln can 'el eb' schecb' Dios yab'xil Jesús. Yaljnac can junjn eb', chajtlto jantcn̈ej mach 'oj ya'ch sc'ojl 'a 'a, 'oj 'ajxoc can lajwc smul eb' yu'uj, xchi Pedro 'a eb'.

A Tas Sc'ulejnac Eb' Schecab' Jesús Hechos 3:16

A jun win tzeyil tic, eyojc xon winac. Palta a Jesús x'a'n b'oxc winac, yujto a tzca'ch 'a qui c'ojl on̈. Yujn̈ej to tzca'ch qui c'ojl 'a Jesús on̈, yuj cha, 'ix b'ox win si'mb'il 'a e sat e masnil.

A Tas Sc'ulejnac Eb' Schecab' Jesús Hechos 8:36

Yic wan s'at eb' 'a yol b'e, 'ix c'och eb' 'a jun a a'. 'Ix yaln win 'aj Etiopía chi 'a Felipe 'ixtic: —Yaj jun a 'a tic. ¿Mamtzac stac' tzin a'cn bautisar ticnec? xchi winac.

A Tas Sc'ulejnac Eb' Schecab' Jesús Hechos 8:37

[—Tztac'a, toto smasnil a c'ojol, tza'ch a c'ojl 'a Cristo, xchi 'a winac. —Tzwa'ch 'a in c'ojol, chajtlto a Jesucristo, Yunnal Dios, xchi winac.]

A Tas Sc'ulejnac Eb' Schecab' Jesús Hechos 9:20

'Ix 'ec' yalnc 'el Saulo spaxti Dios 'a yol jun tzo'n̈ scapiya eb' yit israelal. 'Ix yalni, chajtlto a Cristo Yunnal Dios.

A Sb'ab'el Carta San Pedro 1:9

Yujto wan qui chanec spac, atn scolnbil qui pixnec, yujto tzca'c 'och qui c'ojl 'a 'a.

1 Jn 4:15

A mach tzaln 'ixtic: A Jesús Yunnal Dios, toto xchi, junn̈j yaj yet' Dios, ax Dios junn̈j yaj pax yet'oc.

1 Jn 5:1

An̈ec tzca'c 'och 'a qui c'ojol, to a Jesús atn Cristo, an̈ec ton yunnaln̈ec xo Dios. Q'uinloc 'ay junc mamb'il tzqui chamc'ojlej, to 'ixta', wan qui chamc'ojlan pax eb' yunnal.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

2 Jn 1:9

Toto 'ay eb' tz'ec' 'a yib'n̈ jun tzo'n̈ cuynb'il yaljnac can Cristo, toto tzyactj can pax eb', to 'ixta', man̈ yico'oc Dios eb'. Palta toto an̈ja 'aych qui nab'enec 'a jun tzo'n̈ cuynb'il cha, toto 'ixta', yic on̈c qui Mam Dios, yic on̈c pax Yunnal.

Apoc 2:18

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Tiatira: A Yunnal Dios, 'icha snich c'ac', 'ixta yol sat. Ax yoc, lajn yet' q'uen bronce caw tzictzni yilxi. A tzaln 'ayx 'ixtic: