Jn 20:28 - Chuj San Sebastian Bible

²⁸ Xlajw cha, xyaln pax Tomás chi 'a 'ixtic: —Ach ton tic Wajlil ach, in Diosal ach, xchi 'a 'a.

Chuj San Mateo Bible

²⁸ Ix lajvi chi', ix yalan vin̈aj Tomás chi' d'ay: —Ach Vajalil, ach in Diosal, xchi vin̈.

Jn 20:28 ပူးပေါင်းရင်းမြစ်များ

Salmos 45:11

Yujto a win rey tznib'n 'och swach'l elxi. A win ajlil tz'aji, yuj cha, yiclum tzotj a b'a 'a winac.

Salmos 45:6

Ach in Diosal Reych 'a smasnil tiempo. Ach tic 'aych 'och Yajlil, caw tojln̈ej tzotj a b'eyc'ojlwi.

Is 25:9

A 'a yic jun c'ul cha, 'oj calc 'ixtic: Atn wal Jehová qui Diosalec tic, a ca'jnaquec 'och yipc qui c'ojol, yuj cha, on̈ scolnec. Ca'c wal tzaljoc qui c'ojol, yujto a 'on̈ colnec, 'oj qui chioc.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Mt 14:33

A eb' 'ayc' 'a yojl te', 'ix 'em cumn eb' 'a yojltac Jesús, 'ix yaln eb' 'ixtc 'a 'a: —Wal yel, ach tic Yunnal ach Dios, xchi eb' 'a 'a.

Lc 24:52

Xlajw ya'n 'ejm sb'a eb' 'a 'a. Caw tzaljc'ojlal xmeltzj eb' 'a Jerusalén.

Jn 1:1

A 'a yic mantzac b'o smasnil tas, 'ayc' xon jun mach, Spaxti Dios sb'i. A jun cha, 'ayc' xon yet' Dios, caw a Dios.

Jn 20:16

—María, xchi Jesús chi 'a 'ix. —Yuj cha, 'ix sutmj 'at q'ueln 'ix 'a 'a. 'Ix paxtin 'ix 'a hebreo: —Raboni, xchi 'ix. Tzyal 'el'chi, ach in Cuymal.

Jn 20:27

Xlajwn̈ej cha, xyaln 'ixtc 'a Tomás: —'Ilt in c'ab' tic, 'a'ch yune a c'ab' 'a yolnil tic. Tza'n pax 'och a c'ab' 'a yolnil in costl tic. 'A'ch a c'ojl 'ayin, man̈x a chab'c'ojloc a b'a, xchi Jesús.

Jn 20:29

—Tomás, xa'ch a c'ojl 'ayin, yujto in ela. Ax eb' matz in 'ilni, palta toto tzya'ch eb' sc'ojl 'ayin, yel xo wach' yic eb', xchi Jesús.

Jn 20:31

'Ix tz'ib'x can jun tzo'n̈ tic, sec 'oj eya'ch 'a e c'ojol, to a Jesús atn Cristo, Yunnal Dios. Toto 'oj eya'ch 'a e c'ojol, 'oj e cha e q'uinl 'a jun 'ejmn̈ej 'a 'a.

Jn 5:23

'Ixta yutjnac in Mam ya'n wopiso an Yunnaln tic, sec wach' lajn wel'ch yet' in Mam chi 'a sat smasnil 'anma'. Toto 'ay eb' may wel'ch 'a sat, an̈jtona', may yel'ch pax in Mam 'a sat eb', yujto a checjnacn coti.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.