Jn 20:25 - Chuj San Sebastian Bible

²⁵ Yuj cha, xyaln eb' yit cuywumal chi 'a 'ixtic: —An̈ tic on̈, 'ix quil Cajlilec chi on̈, xchi eb'. —'A... 'oj wila', toto tzwil 'aj x'och q'uen lawx 'a yol sc'ab', tzwa'n 'och yune in c'ab' 'a yolnil 'aj x'och q'uen cha, tzwa'n pax 'och in c'ab' 'a yolnil scostil, cojn 'ixta', 'oj stac' wa'n 'och 'a in c'ojol, to caw a Jesús cha, xchi 'a eb'.

Chuj San Mateo Bible

²⁵ Yuj chi' ix yal eb' yetc'ayb'umal vin̈ chi' d'ay: —Ix quil Cajal Jesús, xchi eb' vin̈. —Oc in val svil b'aj ix ec' q'uen lavux d'a yol sc'ab', svecanoch yiximal in c'ab' d'a yolanil b'aj ix ec' q'uen chi', svac'anpaxoch in c'ab' d'a scostil, ichato chi', ol vac'anoch d'a in c'ool tato a val Jesús chi', xchi vin̈aj Tomás chi'.

Jn 20:25 ပူးပေါင်းရင်းမြစ်များ

Job 9:16

Q'uinloc tzcob' wawtc in c'umc in b'a yet' 'a sat junc eb' yajal, ¿tom 'oj scha yab' tas 'oj wala'?

Salmos 22:16

'Ay nan̈l eb' 'anma maysch'olnil, 'ix 'och oyn eb' 'ayn 'icha no tz'i', 'ix yoln eb' in c'ab' yet' pax woc.

Salmos 78:32

Wach'xam 'ixta 'ix yutj Dios, man̈ yujoc cha, 'ix ya'n 'och eb' 'a sc'ojol, an̈j 'ijnoc yoch smul eb'; ma'ix ya'ch eb' snab'en 'a tas satjub'tac 'ix sb'o Dios.

Mt 27:42

—'Ix cob' colchjoc jun tzo'n̈ eb' yu'uj, palta 'in matz tac' scoln sb'a ticnec. A jun tic cob' qui Reyl an̈ israel on̈ec tic: a ticnec, 'emt cab' 'a te culs chi quila', 'ixta to b'i'an, ax ca'nec 'och qui c'ojl 'a 'a.

Mr 16:11

A yic xyaln 'ix 'a eb' chajtlto 'ix pitzw pax Jesús, to caw xyil 'ix yet' sat, palta ma'ix schaj eb' yab' 'a 'ix.

Mr 16:13

Yuj cha, 'ix meltzj eb', 'ix 'at yalnoc eb' 'a jun tzo'n̈ xo eb' yit cuywumal, palta ma'ix schaj pax eb' yab'i'.

Mr 16:14

Ax 'a jun 'ejm xo, yic wan swa eb' scuywum Jesús chi yuxlchwan̈il, 'ix sch'oxn sb'a 'a eb'. 'Ix yaln spaltail eb' yujto chab'c'ojlal yaj eb'. Pit xyutj sb'a eb', yujto ma'ix schaj eb' yab' 'a eb' x'ilni yic tox 'ix pitzw paxi.

Lc 24:25

Yuj cha, xyaln pax 'a eb' 'ixtic: —Ax tic, caw may e nab'en, caw teb'il tzeya'ch e c'ojl 'a jantcn̈ej tas yaljnac can eb' schecb' Dios pecti'.

Jn 1:41

Xlajwn̈ej sc'umn sb'a Andrés chi yet' Jesús, 'ix 'at saync 'ec' jun yu'tac cha. A yic 'ix 'ilchj yu'uj, 'ix yaln 'a 'ixtic: —'Ix 'ilchj jun Mesías cuj on̈, xchi 'a 'a. (A Mesías tzyal 'el'chi, Cristo.)

Jn 20:27

Xlajwn̈ej cha, xyaln 'ixtc 'a Tomás: —'Ilt in c'ab' tic, 'a'ch yune a c'ab' 'a yolnil tic. Tza'n pax 'och a c'ab' 'a yolnil in costl tic. 'A'ch a c'ojl 'ayin, man̈x a chab'c'ojloc a b'a, xchi Jesús.

Jn 21:7

Ax jun scuywum Jesús caw chamc'ojlb'il yu'uj, a 'ix aln 'ixtc 'a Pedro: —'In a Cajlil tic, xchi. Xlajwn̈ej yab'n Simón Pedro jun cha, 'ix stza'n cot spichul. 'Ix ya'n 'och muc'uc, yujto 'elnc spichl chi yu'uj. 'Ix sjuln 'elt sb'a 'a yol barco cha, 'ix 'el'ch 'a sti a'.

Jn 6:30

Xlajw yab'n eb' jun cha, 'ix sc'anb'n pax eb' 'ixtc 'a 'a: —¿Tas wal junc milagro tztac' a ch'oxn quil on̈, sec 'oj ca'ch qui c'ojl 'aych on̈? ¿Tom 'ay tas tztac' a b'oni?

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.

A Ch'an̈ Carta D'a Eb' Hebreo 3:18

¿Mach eb' 'aj ya'jnac Dios sti', chajtlto may b'a'n̈ 'oj 'och eb' 'iljoc yu'uj? Atn 'a eb' man̈ yiclumoc yutjnac sb'a 'a 'a.