Jn 2:23 - Chuj San Sebastian Bible

²³ A yic 'ayc' Jesús 'a Jerusalén yuj jun q'uin̈ cha, til wal eb' xya'ch sc'ojl 'a 'a, yujto xyil eb' jun tzo'n̈ milagro 'ix ch'oxo.

Chuj San Mateo Bible

²³ Ayic ayec' Jesús d'a Jerusalén yuj sq'uin̈ eb' israel yic snachajcot tas aj yelnaccot eb' d'a Egipto, tzijtum eb' ix ac'anoch Jesús d'a sc'ool, yujto ix yil juntzan̈ satub'tac eb' ix sch'oxo'.

Jn 2:23 ပူးပေါင်းရင်းမြစ်များ

Lc 8:13

Ax jun tzo'n̈ 'in̈t xc'ochcn 'a yib'n̈ samq'ue'en, tzyal 'el'chi 'ay eb' 'anma tz'ab'n spaxti Dios, caw tzaljc'ojlal tzchaj eb'. Palta may ste'nal eb', jab' wal tiempo tzya'ch eb' 'a sc'ojol, yujto a yic tzjaw junc prowal 'a yib'n̈ eb', yajn̈ej tz'elx can eb' muc'uc.

Jn 11:45

Ax eb' israel chi ajun yet' 'ix María cha, 'ix yiln eb' tas 'ix b'o yuj Jesús. Yuj cha, til wal eb' xya'ch sc'ojl 'a 'a.

Jn 2:11

A jun milagro tic, sch'ox Jesús 'a chon̈b' Caná 'a yol yic Galilea. B'ab'l milagro jun chi 'ix sch'oxli. 'Ixta xyutj sch'oxni, to niwn spoder. Ax eb' scuywum, caw xya'ch eb' sc'ojl 'a 'a.

Jn 2:13

Wan sjapx jun sq'uin̈ yic snanb'il cot yel eb' israel 'a libre. Yuj cha, 'ix c'och Jesús 'a Jerusalén.

Jn 3:2

Ax 'a jun 'ac'wal, 'ix c'och 'a Jesús. 'Ix yaln 'ixtic: —Mamin, cojc on̈ to a Dios checjnacch cot wul on̈ a cuy on̈, yujto 'ay jun tzo'n̈ milagro tza ch'oxo. May junc mach tztac' sb'on 'ixta', toto matz 'och Dios yet'oc, xchi.

Jn 4:45

Yic xc'och 'a Galilea cha, caw tzaljc'ojlal schaj eb' 'anma sc'och ta', yujto xit' yil eb' q'uin̈ 'a Jerusalén, atn snanb'il cot yel eb' israel 'a libre. Ata yiljnac eb', to til wal tas xit' sb'ojnac Jesús chi ta'.

Jn 5:36

Palta 'ay junx 'ec'b'al yel'ch 'a yib'n̈ Juan cha. A tzch'oxn 'eli tas wopiso. Yujto a jun tzo'n̈ tas tzyac' in Mam in b'o', a tzin b'o'o. 'Ixta tz'aj scheclj 'eli, to a 'in Mam chi checjnacn coti.

Jn 6:14

Ax eb' 'anma cha, c'uxn 'ix yil eb' jun milagro chi 'ix sch'ox Jesús. Yuj cha, xyaln eb' 'ixtic: —Atn jun schecb' Dios tic tan̈b'il xon sjaw 'a yolyib'n̈q'uinl tic, xchi eb'.

Jn 6:2

Til wal eb' 'anma x'och tza'n yuj Jesús, yujto xyil eb' jun tzo'n̈ milagro sch'oxo yic xya'n b'oxc sc'ojl eb' ya'ay.

Jn 7:31

Palta til wal 'anma 'ix ya'ch sc'ojl 'a 'a. 'Ix laj yalnc eb' 'ixtic: —A yic 'oj jawc Cristo, ¿tom caw 'ec'b'al xo milagro 'oj sch'ox 'a yib'n̈ jun tic? xchi eb'.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

1 Jn 3:23

Atn schecnb'il tic, to tzca'c 'och qui c'ojl 'a Yunnal, atn Jesucristo, tzlaj qui chamc'ojlanc pax qui b'a, 'icha yutjnac yaln can 'ayn̈ec.