Jn 19:42 - Chuj San Sebastian Bible

⁴² Yujto a jun sc'ul 'iljelal yic eb' israel, jun 'ip xoj syamchj 'ochi, yuj cha, a 'a jun q'uen cha, ata xya'cn 'och eb' sniwnal Jesús muc'uc, yujto la'nn̈ej yaj 'a stz'ey 'aj xcham cha.

Chuj San Mateo Bible

⁴² Axo jun sc'ual ic'oj ip, toxo syamchajochi. Yuj chi' a d'a yol jun q'ueen chi' ix ac'jioch snivanil Jesús chi', yujto lac'an ay q'ueen b'aj ix cham chi'.

Jn 19:42 ပူးပေါင်းရင်းမြစ်များ

Salmos 22:15

'Icha wal junc lum tacn̈ texu, 'ixta wal x'aj stacj 'el yol in jaj, tox 'ix can tzayn wac' 'a yol in jom. In a'cn 'ejm 'a scal spoccal yet'l eb' chamnac.

Is 53:9

Wach'xam may smul, may 'aj xyixtj paxti junc mach, palta ata smuc eb' 'a 'aj mucn eb' maysch'olnil sb'eyb'al, ata xcan 'a scal eb' rico.

Mt 12:40

A Jonás cha, 'oxe c'u, 'oxe 'ac'wl 'e'nc 'a yol sc'ojl jun niwquil chay. 'Icha 'ajnc Jonás cha, 'ixta 'oj waj pax an 'Ochnc in 'Anmal tic. 'Oxe c'u, 'oxe 'ac'wl 'oj wec' 'a yol lu'um.

Jn 19:14

A yic 'ix 'em wocn cha, wan yoch chimc'ual. Q'ui'noc xoj yoch q'uin̈ cha. 'Ix yaln pax 'elt win 'a scal eb' 'ixtic: —'Iltec, yaj win e reyl tic, xchi 'elt win 'a eb'.

Jn 19:20

A jun lugar 'aj 'ix t'un̈x q'ue cha, ata 'ay 'a sti chon̈ab'. Yuj cha, til wal eb' israel 'ix 'iln jun tzo'n̈ paxti cha. To tz'ib'b'il 'och 'a sti eb', yet' 'a griego, yet' pax 'a latín, atn sti eb' 'aj Roma.

Jn 19:31

A jun c'u cha, q'ui'noc xoj yoch q'uin̈ yic snanb'il cot yel israel 'a libre, sc'ul 'iljelal paxi. Ax ewin 'aj Judea cha, may sgana ewin tzcan sniwnal eb' 'a te culs cha. Yujto a jun c'u tzjaw cha, caw 'ay yel'ch 'a eb' israel. Yuj cha, xit' tewc ewin 'a win Pilato, to tzyac' win ma'xoc poj sb'acl sat spenc eb', sec yajn̈ej, tz'ijx 'emt sniwnal eb' cha.

Jn 19:41

A 'a sla'nil 'aj 'ix t'un̈x q'ue Jesús, ata 'ay jun tzo'n̈ 'awb'ente'. A 'a scal cha, ata 'ay jun q'uen olb'il yojol. A jun q'uen cha, mant 'a xon junc chamnc chi tz'ajx 'och 'a yojol.

A Tas Sc'ulejnac Eb' Schecab' Jesús Hechos 13:29

C'uxn 'ix sb'o eb' 'icha yaj stz'ib'x can 'a Chan̈ U'un̈. Xlajw cha, xyi'n 'emt eb' sniwnal 'a spenc te culus. 'Ix 'at ya'nc 'och eb' 'a yol jun q'ue'en.

1 Co 15:4

'Ix mucxi, palta 'ix pitzw pax 'a schab'jial, 'icha yaj stz'ib'x can cha.

A Scarta San Pablo D'a Eb' Aj Colosas 2:12

A yic on̈ 'ajxec bautisar, junn̈j on̈ 'ajc qui mucx yet' Cristo 'a sat Dios. An̈jtona', pitzwnacn̈ec pax yet'oc, yujto tzca'c 'och qui c'ojl 'a spoder Dios. Yuj spoder cha, 'ix pitzw pax Cristo 'a scal eb' chamnac.