Jn 19:38 - Chuj San Sebastian Bible

³⁸ 'Ay jun winc José sb'i, 'aj chon̈b' Arimatea. A jun cha, scuywum Jesús, palta c'ultacn̈ej yaji, yujto caw tzxiw yab'n eb' 'aj Judea. 'Ix xit' sc'an spermiso 'a win Pilato, sec tzyij 'emt win sniwnal Jesús, tz'at smucnoc. Ax win Pilato cha, sta'wni win 'a 'a. Yuj cha, 'ix 'at yi'nc 'emta, 'ix yi'n 'ati.

Chuj San Mateo Bible

³⁸ Ay jun vin̈ scuchan José aj chon̈ab' Arimatea. Sc'ayb'um vin̈ Jesús d'a c'ub'eltac, yujto xiv vin̈ d'a eb' vin̈ aj Judea. Xid' sc'anan spermiso vin̈ d'a vin̈aj Pilato yic syiq'uemta snivanil Jesús chi' vin̈ d'a te' culus, b'at smucan vin̈. Axo vin̈aj Pilato chi' ix ac'an spermiso vin̈ yic'anemta. Yuj chi' ix yic'anb'at vin̈.

Jn 19:38 ပူးပေါင်းရင်းမြစ်များ

Pr 29:25

Toto 'ay mach tzxiw 'a yit 'anma'il, mun tzyij 'ejm sb'a, palta toto tzya'ch sc'ojl 'a Jehová, caw wal tan̈b'il yu'uj.

Jn 12:42

Wach'xam yaljnac can 'ixta', palta 'ay eb' israel 'ix ya'ch sc'ojl 'a Jesús cha. An̈jtona eb' yajal, niwn eb' 'ix ya'ch 'a sc'ojol. Palta matz ch'oxl sb'a eb', yujto tzxiw eb' yuj ewin fariseo, toq'ue tzpech 'elt ewin eb' 'a yol scapiya.

Jn 7:13

Palta c'ultac tzlaj yal eb' yu'uj. May junc eb' 'ip yaln 'a scal eb', yujto tzxiw eb' yab'n ewin 'aj Judea cha.

Jn 9:22

'Ixta xyutj eb' yalni, yujto caw xiw eb' yaln yuj ewin yajl 'a scal eb' 'aj Judea cha. Yujto tox 'ix yal ewin yajl chi 'ixtic: Toto 'ay eb' 'oj alnoc, chajtlto a Jesús atn Cristo, 'oj qui pechc 'el eb' 'a yol qui capiya tic, xchi ewin yajl cha.

A Tas Sc'ulejnac Eb' Schecab' Jesús Hechos 13:29

C'uxn 'ix sb'o eb' 'icha yaj stz'ib'x can 'a Chan̈ U'un̈. Xlajw cha, xyi'n 'emt eb' sniwnal 'a spenc te culus. 'Ix 'at ya'nc 'och eb' 'a yol jun q'ue'en.

A Scarta San Pablo D'a Eb' Aj Filipos 1:14

A yic xyiln eb' creyente, chajtlto te'n tzwutj in b'a 'a preso tic, til wal eb' xwach' 'och ste'nal wu'uj. Caw man̈xtzac xiw eb' yaln 'el spaxti Dios 'a tic. Caw te'n tzyutj sb'a eb' yuj Cajlilec.