Jn 19:28 - Chuj San Sebastian Bible

²⁸ Xlajw cha, a Jesús, yojc xoni, to tox 'ix lajw 'el'ch smasnil tas tz'ib'b'il can 'a yib'an̈. Yuj cha, 'ix yaln 'ixtic: —Caw tztacj in ti', xchi. 'Ixta xyutj yalni, sec tz'el'ch tas tz'ib'b'il can 'a Ch'an̈ U'un̈.

Chuj San Mateo Bible

²⁸ Ix lajvi chi', yojtacxo Jesús to ix elc'och masanil tas tz'ib'ab'ilcan d'a yib'an̈. Yuj chi' ix yal icha tic: —Stacji val in ti', xchi. Icha chi' ix yutej yalani yic tz'elc'och tas tz'ib'ab'ilcan d'a Slolonel Dios.

Jn 19:28 ပူးပေါင်းရင်းမြစ်များ

Salmos 22:15

'Icha wal junc lum tacn̈ texu, 'ixta wal x'aj stacj 'el yol in jaj, tox 'ix can tzayn wac' 'a yol in jom. In a'cn 'ejm 'a scal spoccal yet'l eb' chamnac.

Salmos 69:21

'Ix yac' 'ejm eb' veneno 'a scal tas tzin c'uxu, ax yic xtacj in ti', xya'n eb' wuc' vinagre.

Lc 12:50

'Ay wal jun niwn yailal 'oj jawc 'a wib'an̈, 'icha to 'oj wajx bautisar yu'uj. Caw 'aych jun in niwn cusc'ojlal ticnec, masnto 'oj 'el'choc jun cha.

Lc 18:31

Ax Jesús, 'ix yawtn cot eb' scuywum slajchwan̈il, 'ix yaln 'a eb' 'ixtic: —A ticnec, wan qui 'atc 'a Jerusalén. Ata 'oj 'el'choc jantcn̈ej tas tz'ib'b'il can yuj eb' schecb' Dios pecti', yic yaln can eb' wab'xil an 'Ochnc in 'Anmal tic.

Lc 22:37

Yujto tzwal 'ayex, yowlal 'oj 'el'choc tas tz'ib'b'il can 'a Ch'an̈ U'un̈, yic tzyaln 'ixtic: 'Icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo, xchi 'a Ch'an̈. Jantcn̈ej wab'xil tz'ib'b'il can 'a Ch'an̈, yowlal 'oj 'el'choc, xchi Jesús 'a eb'.

Lc 9:31

Caw wal tzictzni yilx 'aj 'ayc' eb'. Xpaxtin eb' yet' Jesús yuj tas 'oj 'aj scham 'a Jerusalén.

Jn 13:1

Q'ui'noc xoj yoch q'uin̈ yic snanb'il cot yel eb' israel 'a libre. Ax Jesús, yojtac to tox 'ix jaw stiempoal yactc can jun yolyib'n̈q'uinl tic, ax spax q'ue 'a qui Mam Dios. A eb' yic 'ayc' 'a yolyib'n̈q'uinl tic, caw chamc'ojlb'il eb' yu'uj. A ticnec 'oj sch'oxo', jantc schamc'ojlal 'a eb'.

Jn 17:4

A yic 'ayn 'ec' 'a yolyib'n̈q'uinl tic, xin ch'oxo, to caw niwn el'chi. A jun munljel tic 'ac'b'il can 'ayn o'oj, 'ix b'o 'el'ch wu'uj.

Jn 18:4

Ax Jesús, yojc xoni jantc tas 'oj jawc 'a yib'an̈. Yuj cha, 'ix yi'n 'el'ch sb'a, 'ix sc'anb'n 'ixtc 'a eb' xc'och cha: —¿Mach tze sayc' jun? xchi 'a eb'.

Jn 19:24

Yuj cha, 'ix yaln ewin 'ixtic: —Tecn a jun tic, ma'oj stac' qui pojnec 'ec' 'ayn̈ec. Yel xo wach', ton̈j tzca'c b'ul yu'uj, yaln̈ej mach junc on̈ec 'oj qui'cni, xchi ewinac. 'Ixta x'aj yel'ch tas tz'ib'b'il can 'a Ch'an̈ U'un̈, 'a 'aj tzyal 'ixtic: 'Ix spojc' eb' in pichl 'a 'a, xya'n 'och eb' b'ul 'a yib'an̈, xchi 'a Ch'an̈. Yuj cha, 'ixtc wal 'ix yutj ewin soldado cha.

Jn 19:30

'Ix stz'ub'ni. Xlajwn̈ej cha, 'ix yaln 'ixtic: —Tox 'ix b'o 'el'ch smasnil, xchi. Xlajw xoj cha, 'ix 'em n̈ojnjoc, 'ix chami.

Jn 19:36

'Ixta yaj sb'ocn jun tzo'n̈ tic, sec tz'el'ch tas tz'ib'b'il can 'a Ch'an̈ U'un̈, 'a 'aj tzyal 'ixtic: May junc sb'acl 'oj ma'x pojoc, xchi.

Jn 4:34

Palta xyaln pax 'ixtc 'a eb': —Caw tzin nib'j tzin b'o tas tznib'j jun checjnacn coti, masnto tzin laj smunljel ya'jnac 'ayin. A yic tzin b'on jun cha, 'icha to ata tzin wa'i.

A Tas Sc'ulejnac Eb' Schecab' Jesús Hechos 13:29

C'uxn 'ix sb'o eb' 'icha yaj stz'ib'x can 'a Chan̈ U'un̈. Xlajw cha, xyi'n 'emt eb' sniwnal 'a spenc te culus. 'Ix 'at ya'nc 'och eb' 'a yol jun q'ue'en.